ಅಮೆರಿಕ ರೆಸ್ಟೋರೆಂಟ್‌ನಲ್ಲಿ ರಾರಾಜಿಸಿದ ಅಣ್ಣಾವ್ರ ಫೋಟೋ

ಕಲಾವಿದರಿಗೆ ಯಾವುದೇ ಭಾಷೆ, ಧರ್ಮ, ದೇಶದ ಹಂಗಿಲ್ಲ ಎಂಬುದಕ್ಕೆ ಅಣ್ಣಾವ್ರ ಈ ಫೋಟೋ ಸಾಕ್ಷಿ. ವರನಟ ಡಾ.ರಾಜ್ ಕುಮಾರ್ ಅವರ ಫೋಟೋ ನಮ್ಮ ನಾಡಿನ ರೆಸ್ಟೋರೆಂಟ್‌ಗಳಲ್ಲಿ ಕಾಣಸಿಗುವುದು ಸರ್ವೇಸಾಮಾನ್ಯ. ಕೆಲವು ಅಭಿಮಾನಿಗಳು ಮನೆಯಲ್ಲಿಟ್ಟು ಪೂಜೆ ಮಾಡುವುದೂ ಉಂಟು.

ಆದರೆ ಅಮೆರಿಕ ರೆಸ್ಟೋರೆಂಟ್ ಒಂದರಲ್ಲಿ ರಾಜ್ ಅವರ ಫೋಟೋ ಇಟ್ಟಿಕೊಂಡಿರುವುದು ವಿಶೇಷ. ಸ್ಯಾನ್‌ಫ್ರಾನ್ಸಿಸ್ಕೋದ ರೆಸ್ಟೋರೆಂಟ್ ಒಂದರಲ್ಲಿ ಕ್ಲಿಕ್ಕಿಸಿರುವ ಅಣ್ಣಾವ್ರ ಫೋಟೋವನ್ನು ಅವರ ಮೊಮ್ಮಗ ಧೀರನ್ ರಾಮ್ ಕುಮಾರ್ ತಮ್ಮ ಫೇಸ್‍ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಅವರಿಗೆ ಈ ಫೋಟೋವನ್ನು ಅಮೆರಿಕದಲ್ಲಿರುವ ಅವರ ಗೆಳೆಯ ಹರೀಶ್ ಎಂಬುವವರು ಕಳುಹಿಸಿದ್ದಾರೆ. ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿ ಅಣ್ಣಾವ್ರ ಟ್ರೇಡ್ ಮಾರ್ಕ್ ನಗು ಎಂಬ ಹ್ಯಾಶ್ ಟ್ಯಾಗ್‌ ಹಾಕಿ ಈ ಫೋಟೋವನ್ನು ಹಂಚಿಕೊಂಡಿದ್ದಾರೆ. [ಸ್ಯಾಂಡಲ್‌ವುಡ್‌ಗೆ ಡಾ. ರಾಜ್‌ ಮೊಮ್ಮಗ ಧೀರನ್‌ ಎಂಟ್ರಿ]

ಡಾ. ರಾಜ್‌ಕುಮಾರ್‌ ಅವರ ಕಿರಿಯ ಪುತ್ರಿ ಪೂರ್ಣಿಮಾ ಮತ್ತು ನಟ ರಾಮ್‌ಕುಮಾರ್‌ ಅವರ ಪುತ್ರ ಧೀರನ್‌ ರಾಮ್‌ಕುಮಾರ್‌ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ನೀಡಲು ಸಜ್ಜಾಗಿದ್ದು, ಅದಕ್ಕೆ ಬೇಕಾದ ಪೂರ್ಣ ತಯಾರಿಯನ್ನು ಅವರು ಮಾಡಿಕೊಳ್ಳುತ್ತಿದ್ದಾರೆ.