ಬಿಕಿನಿಯಲ್ಲಿ ಮಿಂಚಿದ ಇಷಾ

ಬಾಲಿವುಡ್‌ ನಟಿ ಇಷಾ ಗುಪ್ತಾ ಬ್ಯುಸಿ ಚಿತ್ರೀಕರಣದ ನಡುವೆ ಬಿಡುವು ಮಾಡಿಕೊಂಡು ದುಬೈನಲ್ಲಿ ರಜಾ ಮಜಾ ಅನುಭವಿಸುತ್ತಿದ್ದಾರೆ. ಅಲ್ಲಿಂದಲೇ ಬಿಕಿನಿ ಧರಿಸಿದ ಫೋಟೋವನ್ನು ತಮ್ಮ ಇನ್‌ಸ್ಟಾಗ್ರಾಂಗೆ ಅಪ್ಲೋಡ್‌ ಮಾಡಿದ್ದು, ಒಂದೇ ಗಂಟೆಯಲ್ಲಿ ಎರಡು ಲಕ್ಷದ 5 ಸಾವಿರಕ್ಕೂ ಹೆಚ್ಚು ಜನರು ಇದನ್ನು ಲೈಕ್‌ ಮಾಡಿದ್ದಾರೆ. ಇದರ ಜತೆಗೆ ಸಾಕಷ್ಟು ಕಾಮೆಂಟ್‌ಗಳು ಕೂಡ ಬಂದಿವೆ. ಹಾಟ್‌ ಫೋಟೋ ಬಗ್ಗೆ ಟ್ರೋಲ್‌ ಮಾಡಿರುವ ಹಲವರು ಅವರ ಬಿಕಿನಿ ಫೋಟೋ ಬಗ್ಗೆ ಆಕ್ಷೇಪ ಎತ್ತಿದ್ದಾರೆ.

ಇದಕ್ಕೆ ತಕ್ಕ ಪ್ರತ್ಯುತ್ತರ ನೀಡಿರುವ ಇಷಾ, ವಿದೇಶಿ ಹುಡುಗಿಯೊಬ್ಬಳು ಬಿಕಿನಿಯಲ್ಲಿ ಕಾಣಿಸಿಕೊಂಡರೆ ನಿಮ್ಮದೇನೂ ಅಭ್ಯಂತರವಿರುವುದಿಲ್ಲ. ಆದರೆ ಭಾರತೀಯರನ್ನು ಈ ರೀತಿ ನೋಡಿದ ಕೂಡಲೇ ಇದು ಹಿಂದೂಸ್ತಾನದ ಸಂಸ್ಕೃತಿಯ ಮಾತು ಎಂದು ಕಾಮೆಂಟ್‌ ಪಾಸ್‌ ಮಾಡ್ತೀರಿ. ನನ್ನನ್ನು ವೇಶ್ಯೆ ಎಂದು ಕರೆಯುದಕ್ಕೆ ಅದೇ ಹಿಂದೂಸ್ತಾನದ ಸಂಸ್ಕೃತಿ ಅವಕಾಶ ನೀಡುತ್ತದೆಯೇ ? ಶಿಕ್ಷಣದ ಕೊರತೆ ಇದಕ್ಕೆಲ್ಲಾ ಕಾರಣ. ಇದೊಂದು ವಿಕ್ಷಿಪ್ತ ಮನಸ್ಥಿತಿ ಎಂದು ಹೇಳಿದ್ದಾರೆ.

ಜೆಪಿ ದತ್ತಾ ಅವರ ಪಲ್ತಾನ್‌ ಸಿನಿಮಾದಲ್ಲಿ ಇಷಾ ಕಾಣಿಸಿಕೊಂಡಿದ್ದು, ಚಿತ್ರ ಬಾಕ್ಸಾಫೀಸ್‌ನಲ್ಲಿ ಸದ್ದು ಮಾಡಲಿಲ್ಲ. ಸದ್ಯ ಇಂದ್ರ ಕುಮಾರ್‌ ಅವರ ಟೋಟಲ್‌ ಧಮಾಲ್‌ ಮತ್ತು ಡೇವಿಲ್ಸ್‌ ಡಾಟರ್‌ ಎಂಬ ಹೆಸರಿನ ಇರಾನಿಯನ್‌ ಸಿನಿಮಾದಲ್ಲಿ ಇಷಾ ನಟಿಸುತ್ತಿದ್ದಾರೆ.

ರಜನಿ ಲುಕ್‌ ತೋರಿಸುವ ಹೊಸ ವೀಡಿಯೊ

ಸೂಪರ್‌ ರಜನೀಕಾಂತ್‌ ಅಭಿನಯದ ಬಹು ನಿರೀಕ್ಷೆಯ 2.0 ಸಿನಿಮಾದ ಹೊಸ ವೀಡಿಯೋ ಪ್ರೋಮೋ ಬಿಡುಗಡೆಯಾಗಿದ್ದು, ಇದರಲ್ಲಿ ರಜನಿಯ ನಾನಾ ಲುಕ್‌ಗಳು ಅನಾವರಣಗೊಂಡಿವೆ.

ಸಿನಿಮಾದಲ್ಲಿ ಡಾ. ವರ್ಗೀಸ್‌ ಮತ್ತು ರೊಬೊ ಚಿಟ್ಟಿಯಾಗಿ ರಜನಿ ನಟಿಸುತ್ತಿದ್ದು, ವರ್ಗೀಸ್‌ನಲ್ಲಿ ರಜನಿ ಗಡ್ಡಧಾರಿಯಾಗಿ ಕಾಣಿಸಿಕೊಂಡಿದ್ದಾರೆ. ಅವರ ಹೇರ್‌ ಸ್ಟೈಲ್‌ ಕೂಡ ವಿಭಿನ್ನವಾಗಿದೆ. ಚಿಟ್ಟಿ ಪಾತ್ರದಲ್ಲಿ ನೀಟಾಗಿ ಶೇವ್‌ ಮಾಡಿಕೊಂಡ ಹೊಳೆಯುವ ಕಪ್ಪು ತಲೆಗೂದಲಿನ ರಜನಿ ಪ್ರತ್ಯಕ್ಷರಾಗಿದ್ದಾರೆ. ಮೇಕಪ್‌ ಮತ್ತು ಸ್ಟೈಲ್‌ ಆರ್ಟಿಸ್ಟ್‌ ಕೈಗಳ ಚಮತ್ಕಾರ ಇದರಲ್ಲಿ ಕಂಡು ಬರುತ್ತಿದೆ. ಟೈಟ್‌ ಫಿಟ್ಟಿಂಗ್‌ ಸೂಟ್‌ ಹಾಕಿಕೊಂಡಿದ್ದು, ಸೂಪರ್‌ ಹೀರೋ ಬಿಲ್ಡಪ್‌ಗೆ ಪೂರಕವಾಗಿ ಬಂದೂಕು ಹಿಡಿದ ದೃಶ್ಯ ಇದರಲ್ಲಿದೆ.

ಬಾಲಿವುಡ್‌ ನಟ ಅಕ್ಷಯ್‌ ಕುಮಾರ್‌ ಈ ಸಿನಿಮಾದಲ್ಲಿ ಸೂಪರ್‌ ವಿಲನ್‌ ಆಗಿ ನಟಿಸುತ್ತಿದ್ದಾರೆ. ನವೆಂಬರ್‌ 29ರಂದು ಬಿಡುಗಡೆಯಾಗಲಿರುವ ಸಿನಿಮಾವನ್ನು 543 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಿಸಲಾಗಿದೆ ಎಂದು ಹೇಳಲಾಗುತ್ತಿದೆ.