ಠಾಕೂರ್‌ ಫೋಟೋಗೆ ತಾರೆಯರು ಫಿದಾ

ಉದ್ಘರ್ಷ ಮತ್ತು ಕನ್ನಡದ ಹಲವು ಚಿತ್ರಗಳಲ್ಲಿ ನಟಿಸುತ್ತಿರುವ ಬಾಲಿವುಡ್‌ ಬಾಡಿ ಬಿಲ್ಡರ್‌ ಠಾಕೂರ್‌ ಅನೂಪ್‌ ಸಿಂಗ್‌ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್‌ ಆಗಿದ್ದಾರೆ.

ತಮ್ಮ ಜಾಲತಾಣಗಳಲ್ಲಿ ಅವರು ಅಪ್‌ಲೋಡ್‌ ಮಾಡಿರುವ ಫೋಟೋ ಒಂದಕ್ಕೆ ಬಾಲಿವುಡ್‌ ಸೇರಿದಂತೆ ದಕ್ಷಿಣದ ಬಹುತೇಕ ತಾರೆಯರು ಫಿದಾ ಆಗಿದ್ದಾರೆ.

'ನನ್ನ ಈ ಚಿತ್ರವನ್ನು ಬಹಳಷ್ಟು ಅಭಿಮಾನಿಗಳು ಮತ್ತು ಸ್ಟಾರ್‌ ನಟ-ನಟಿಯರು ಮೆಚ್ಚಿಕೊಂಡಿದ್ದಾರೆ. ಅವರೆಲ್ಲರಿಗೂ ನಾನು ಕೃತಜ್ಞನಾಗಿದ್ದೇನೆ. ಬಾಡಿ ಬಿಲ್ಡ್‌ ಮಾಡುವುದು ನನ್ನ ಪ್ಯಾಶನ್‌. ಅದಕ್ಕಾಗಿ ನಾನು ತುಂಬಾ ಶ್ರಮಿಸುತ್ತೇನೆ' ಎಂದು ಅನೂಪ್‌ ಸಿಂಗ್‌ ಹೇಳಿದ್ದಾರೆ.

ದಕ್ಷಿಣ ಭಾರತದ ಖ್ಯಾತ ಸ್ಟಾರ್‌ ನಟರಿಗೆ ವಿಲನ್‌ ಆಗಿ ನಟಿಸುತ್ತಿದ್ದ ಅನೂಪ್‌ ಉದ್ಘರ್ಷ ಸಿನಿಮಾದಲ್ಲಿ ನಾಯಕರಾಗಿದ್ದಾರೆ. ಈ ಸಿನಿಮಾವನ್ನು ಸುನಿಲ್‌ ಕುಮಾರ್‌ ದೇಸಾಯಿ ನಿರ್ದೇಶನ ಮಾಡಿದ್ದಾರೆ.