ದುನಿಯಾ ವಿಜಯ… ಮತ್ತು ರಚಿತಾ ರಾಮ್‌ ಅಭಿನಯದ ಜಾನಿ ಜಾನಿ ಎಸ್‌ ಪಪ್ಪಾ ಸಿನಿಮಾದಲ್ಲಿ ತಿಥಿ ಖ್ಯಾತಿಯ ಗಡ್ಡಪ್ಪ ಸಹ ಒಂದು ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಸದ್ಯ ಸಿನಿಮಾದ ಹಾಡಿನ ಚಿತ್ರೀಕರಣ ಇದೀಗ ನಡೆಯುತ್ತಿದೆ.
ಚಿತ್ರದ ಸೆಚ್‌ ನಲ್ಲಿ ಸದ್ಯ ಗಡ್ಡಪ್ಪ ಪ್ರತ್ಯಕ್ಷ ಆಗಿದ್ದಾರೆ. 'ತಿಥಿ' ಸಿನಿಮಾದ ನಂತರ ದೊಡ್ಡ ಜನಪ್ರಿಯತೆ ಗಳಿಸಿದ ಗಡ್ಡಪ್ಪ ಅನೇಕ ಚಿತ್ರಗಳಲ್ಲಿ ನಟಿಸಿದ್ದರು. ಈಗ ಇದೇ ಮೊದಲ ಬಾರಿಗೆ ಒಬ್ಬ ಸ್ಟಾರ್‌ ನಟನ ಚಿತ್ರದಲ್ಲಿ ಗಡ್ಡಪ್ಪ ಕಾಣಿಸಿಕೊಂಡಿದ್ದಾರೆ. 'ಜಾನಿ ಜಾನಿ ಎಸ್‌ ಪಪ್ಪ' ಚಿತ್ರದ ಒಂದು ಹಾಡಿನಲ್ಲಿ ದುನಿಯಾ ವಿಜಯ… ಗೆ ಗಡ್ಡಪ್ಪ ಸಾಥ್‌ ನೀಡಿದ್ದಾರೆ ಎನ್ನಲಾಗಿದೆ.
'ಜಾನಿ ಜಾನಿ ಎಸ್‌ ಪಪ್ಪ' ಚಿತ್ರದಲ್ಲಿ ದುನಿಯಾ ವಿಜಯ್‌ ಸಖತ್‌ ಸ್ಟೈಲಿಶ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಈಗ ಸಾಮಾಜಿಕ ಜಾಲತಾಣದಲ್ಲಿ ಓಡಾಡುತ್ತಿರುವ ಪೋಟೋದಲ್ಲಿ ವಿಜಿ ಜತೆ ಗಡ್ಡಪ್ಪ ಕೂಡ ಬಣ್ಣ ಬಣ್ಣದ ಬಟ್ಟೆ ತೊಟ್ಟು ಮಿಂಚಿದ್ದಾರೆ. ಅಂದಹಾಗೆ, 'ಜಾನಿ ಮೇರಾ ನಾಮ…' ಮುಂದುವರೆದ ಭಾಗ ಇದಾಗಿದ್ದು, ಇದನ್ನು ಪ್ರೀತಂ ಗುಬ್ಬಿ ನಿರ್ದೇಶನ ಮಾಡುತ್ತಿದ್ದಾರೆ.