ಸ್ಯಾಂಡಲ್‍ವುಡ್‌ಗೆ ಮರಿ ಗೋಲ್ಡನ್ ಸ್ಟಾರ್ ಎಂಟ್ರಿ

ಈಗಾಗಲೆ ಸ್ಯಾಂಡಲ್‌ವುಡ್‌ನಲ್ಲಿ ಹಲವಾರು ತಾರೆಯರ ಮಕ್ಕಳು ಕಾಣಿಸಿಕೊಂಡಿದ್ದಾರೆ. ಕೆಲ ದಿನಗಳ ಹಿಂದೆಯಷ್ಟೇ ಪ್ರಿಯಾಂಕ ಮತ್ತು ಉಪೇಂದ್ರ ಅವರ ಪುತ್ರಿ ಐಶ್ವರ್ಯಾ ಸಹ ದೇವಕಿ ಸಿನಿಮಾದಲ್ಲಿ ಪ್ರಿಯಾಂಕ ಉಪೇಂದ್ರ ಜತೆ ನಟಿಸಿದ್ದರು. ಇದೀಗ ಗೋಲ್ಡನ್ ಸ್ಟಾರ್ ಗಣೇಶ್ ಚಿತ್ರದಲ್ಲಿ ಅವರ ಪುತ್ರ ವಿಹಾನ್ ಎಂಟ್ರಿ ನೀಡುತ್ತಿದ್ದಾರೆ.

ಈ ಹಿಂದೆ ಬಿಡುಗಡೆಯಾಗಿದ್ದ ಯಜಮಾನ ಸಿನಿಮಾದಲ್ಲಿ ದರ್ಶನ್‌ ಅವರ ಪುತ್ರ ವಿನೀಶ್‌ ನಟಿಸಿ, ಅಭಿಮಾನಿಗಳ ಶಿಳ್ಳೆ ಗಿಟ್ಟಿಸಿದ್ದರು. ಈಗ ಗಣೇಶ್‌ ಪುತ್ರ ವಿಹಾನ್‌ ಸರದಿಯಾಗಿದೆ. ಹೌದು ಗೋಲ್ಡನ್‌ ಸ್ಟಾರ್‌ ಗಣೇಶ್‌ ಅವರ ಪುತ್ರ ವಿಹಾನ್‌, ಗಣೇಶ್‌ ನಟನೆಯ ಗೀತಾದಲ್ಲಿ ನಟಿಸುತ್ತಿದ್ದಾರೆ.

ವಿಜಯ್‌ ನಾಗೇಂದ್ರ ನಟನೆಯ ಗೀತಾ ಸಿನಿಮಾವನ್ನು ಶಿಲ್ಪ ಗಣೇಶ್‌ ನಿರ್ಮಾಣ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಗಣೇಶ್‌ಗೆ ಶಾನ್ವಿ ಶ್ರೀವಾಸ್ತವ, ಪಾರ್ವತಿ ಅರುಣ್‌, ಪ್ರಯಾಗಾ ಮಾಲ್ಟಿನ್‌ ನಾಯಕಿಯಾಗಿದ್ದಾರೆ. ಇವರೆಲ್ಲರ ಜತೆಯಲ್ಲಿ ವಿಹಾನ್‌ ಕೂಡಾ ಒಂದು ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರಂತೆ. ಈ ವಿಷಯವನ್ನು ಗಣೇಶ್‌ ತಮ್ಮ ಟ್ವೀಟರ್‌ ಮೂಲಕ ತಿಳಿಸಿದ್ದಾರೆ.

ಗೀತಾ ಸಿನಿಮಾದ ಸೆಟ್‌ನಲ್ಲಿ ಸೆಟ್‌ನಲ್ಲಿ ಕೈಯಲ್ಲಿ ಬಂದೂಕು ಹಿಡಿದಿರುವ ಮತ್ತು ಗಣೇಶ್‌ ಜತೆ ಇರುವ ಫೋಟೋಗಳನ್ನು ಅವರ ಸೋಷಿಯಲ್‌ ಮೀಡಿಯಾದಲ್ಲಿ ಹರಿ ಬಿಟ್ಟು, ನನ್ನ ಮಗ ಮೊದಲ ಬಾರಿಗೆ ಕ್ಯಾಮೆರಾ ಎದುರಿಸುತ್ತಿದ್ದಾನೆ ಎಂದು ಬರೆದುಕೊಂಡಿದ್ದಾರೆ.