ಹಫ್ತಾ: ಸೆಕ್ಸ್‌ ವರ್ಕರ್‌ ಪಾತ್ರದಲ್ಲಿ ಸೌಮ್ಯಾ ತೀತಿರ ನ್ಯೂ

ಪ್ರಕಾಶ್‌ ಹೆಬ್ಬಾಳ ನಿರ್ದೇಶನದ ಹಫ್ತಾ ಚಿತ್ರದಲ್ಲಿ ಭೂಗತ ಜಗತ್ತಿನ ಕಥೆ ಇದ್ದರೂ ಎರಡು ವಿಭಿನ್ನ ಲವ್‌ ಸ್ಟೋರಿಗಳನ್ನು ಹೇಳಲಾಗಿದೆ. ಈ ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿರುವ ಸೌಮ್ಯಾ ತೀತಿರ, ಸೆಕ್ಸ್‌ ವರ್ಕರ್‌ ಪಾತ್ರದಲ್ಲಿ ಬೋಲ್ಡ್‌ ಆಗಿ ಕಾಣಿಸಿಕೊಂಡಿದ್ದಾರೆ.

ರಾಘವ್‌ ನಾಗ್‌ ಮತ್ತು ಸೌಮ್ಯಾ ತೀತಿರ ಪ್ರೇಮಿಗಳಾಗಿ ನಟಿಸಿದ್ದು, ರಾಘವ್‌ ಸಾಫ್ಟವೇರ್‌ ಎಂಜಿನಿಯರ್‌ ಆಗಿರುತ್ತಾರೆ. ಇದು ವಿಭಿನ್ನವಾದ ಲವ್‌ ಸ್ಟೋರಿ ಎಂದಿದ್ದಾರೆ ನಿರ್ದೇಶಕ ಪ್ರಕಾಶ್‌.

'ವರ್ಧನ್‌ ಮತ್ತು ಬಿಂಬಶ್ರೀ ಜೋಡಿಯ ಲವ್‌ ಸ್ಟೋರಿ ಒಂದು ರೀತಿಯದ್ದಾಗಿದ್ದರೆ, ರಾಘವ್‌ ಮತ್ತು ಸೌಮ್ಯಾ ಲವ್‌ ಸ್ಟೋರಿ ಇನ್ನೊಂದು ರೀತಿ ಸ್ಪೆಷಲ್‌. ಸೌಮ್ಯ ಸೆಕ್ಸ್‌ ವರ್ಕರ್‌ ಆಗಿದ್ದರೂ ಚಿತ್ರದಲ್ಲಿ ಎಲ್ಲೂ ಅವರನ್ನು ವಲ್ಗರ್‌ ಆಗಿ ತೋರಿಸಿಲ್ಲ. ಸೆಕ್ಸ್‌ ವರ್ಕರ್‌ ವೈಯಕ್ತಿಕ ಜೀವನ ಹೇಗಿರುತ್ತದೆ ಎಂಬುದನ್ನು ತೋರಿಸಿದ್ದೇನೆ. ಅವರ ಪಾತ್ರಕ್ಕೆ ಬಹಳ ಇಂಪಾರ್ಟೆನ್ಸ್‌ ಇದೆ. ಸೌಮ್ಯಾ ತುಂಬಾ ಚೆನ್ನಾಗಿ ನಟಿಸಿದ್ದಾರೆ' ಎಂದಿದ್ದಾರೆ ಅವರು.

ಮಿಸ್‌ ಇಂಡಿಯಾ 2018 ಸೌಂದರ್ಯ ಸ್ಪರ್ಧೆಯ ಫೈನಲಿಸ್ಟ್‌ ಆಗಿದ್ದ ಸೌಮ್ಯಾಗೆ ಇದು ಚಾಲೆಂಜಿಂಗ್‌ ರೋಲ್‌ ಆಗಿತ್ತಂತೆ. 'ಹಿರೋಯಿನ್‌ ಆಗಿ ಮೊದಲ ಚಿತ್ರದಲ್ಲೇ ನನಗೆ ಸೆಕ್ಸ್‌ ವರ್ಕರ್‌ ಪಾತ್ರ ಸಿಕ್ಕಿದೆ. ಈ ಪಾತ್ರವನ್ನು ಹೇಗೆ ಒಳ್ಳೆಯ ರೀತಿಯಲ್ಲಿ ತೋರಿಸಬಹುದು ಎನ್ನುವುದನ್ನು ಈ ಚಿತ್ರದಲ್ಲಿ ನೋಡಬಹುದು' ಎಂದಿದ್ದಾರೆ ಅವರು.

ಈಗಾಗಲೇ ತಮಿಳಿನಲ್ಲೂ ಒಂದು ಚಿತ್ರದಲ್ಲಿ ಅವರು ನಟಿಸಿದ್ದಾರೆ. ಮಾಡೆಲಿಂಗ್‌ನಿಂದ ಬಂದ ಅವರಿಗೆ ನಟನೆಗೆ ಅವಕಾಶ ಇರುವ ಪಾತ್ರದಲ್ಲಿ ನಟಿಸುವ ಆಸಕ್ತಿ ಇದೆಯಂತೆ. ಎಂಟೆಕ್‌ ಓದಿದ್ದರೂ ಸಾಫ್ಟ್‌ವೇರ್‌ ಕಂಪನಿಗಳಲ್ಲಿ ಕೆಲಸ ಮಾಡಲು ಇಷ್ಟಪಡದೆ, ತನ್ನ ನಾಲೆಡ್ಜ್‌, ಟೆಕ್ನಾಲಜಿ ಬಳಸಿಕೊಂಡು ಭೂಗತ ಚಟುವಟಿಕೆ ನಡೆಸುವ ಹುಡುಗನ ಪಾತ್ರದಲ್ಲಿ ರಾಘವ್‌ ನಟಿಸಿದ್ದಾರೆ. 'ಸೈಲಂಟಾಗಿಯೇ ಕೆಲಸ ಮಾಡುವ ಹುಡುಗನ ಪಾತ್ರ ಅವರದು. ಚಿತ್ರ ಇದೇ ವಾರ ರಿಲೀಸ್‌ ಆಗಲಿದೆ.

---

ಹೀರೊಯಿನ್‌ ಆಗಿದ್ದರೂ ಪ್ರಾಮುಖ್ಯತೆ ಇರುವ ಪಾತ್ರ ಸಿಕ್ಕಿದ್ದು ಖುಷಿಯ ಸಂಗತಿ. ಸೆಕ್ಸ್‌ ವರ್ಕರ್‌ಗೂ ಭಾವನೆಗಳಿವೆ ಎನ್ನುವುದನ್ನು ಚಿತ್ರದಲ್ಲಿ ತೋರಿಸಲಾಗಿದೆ.

-ಸೌಮ್ಯಾ ತೀತಿರ, ನಟಿ