ಮಹೇಶ್ ಸುಖಧರೆ ನಿರ್ದೇಶನದ 'ಹ್ಯಾಪಿ ಬರ್ತ್ಡೇ' ಸಿನಿಮಾ ಇದೇ ಶುಕ್ರವಾರ (ಆ.26) ರಿಲೀಸ್ ಆಗಲಿದೆ ಅನ್ನುವ ಮಾಹಿತಿ ಗಾಂಧಿನಗರದಲ್ಲಿ ಹರಿದಾಡುತ್ತಿದೆ. ಇದಕ್ಕೆ ಪುಷ್ಠಿ ಅನ್ನುವಂತೆ ನಿರ್ದೇಶಕರು ಕೂಡ ಬಿಡುಗಡೆಗಾಗಿ ಸರ್ವಸಿದ್ಧತೆ ನಡೆಸಿದ್ದಾರೆ. ಈ ಸಿನಿಮಾದ ಮೂಲಕ ಸಚಿನ್ ಸಿನಿಮಾ ರಂಗಕ್ಕೆ ಪರಿಚಯ ಆಗುತ್ತಿರುವುದರಿಂದ, ಭರ್ಜರಿಯಾಗಿಯೇ ಪ್ರಚಾರದಲ್ಲೂ ತೊಡಗಿದೆ ಸಿನಿಮಾ ತಂಡ. ಈಗಾಗಲೇ ಸಿನಿಮಾದ ಬಗ್ಗೆ ಸಾಕಷ್ಟು ನಿರೀಕ್ಷೆ ಮೂಡಿದೆ. ಚಿತ್ರದ ಕತೆಯೇ ವಿಶೇಷವಾಗಿದ್ದು, ಹಳ್ಳಿ ಸೊಗಡಿನ ಹಿನ್ನೆಲೆಯಲ್ಲಿ ಮೂಡಿ ಬಂದಿರುವ ಅಪರೂಪದ ಸಿನಿಮಾ ಇದು. ಮನರಂಜನೆಗೆ ಬೇಕಿರುವ ಎಲ್ಲಾ ಅಂಶಗಳನ್ನು ಬೆರೆಸಿ ಸಿನಿಮಾ ಮಾಡಿದ್ದಾರೆ ನಿರ್ದೇಶಕರು. ಈಗಾಗಲೇ ರಿಲೀಸ್ ಆಗಿರುವ ಹಾಡುಗಳು ಹಿಟ್ ಆಗಿವೆ. ಹೀಗಾಗಿ ಸಹಜವಾಗಿಯೇ ಚಿತ್ರ ಕುತೂಹಲ ಮೂಡಿಸಿದೆ. ಸಚಿನ್ ಜತೆ ಸಂಸ್ಕೃತಿ ಶೆಣೈ ಕೂಡ ಕನ್ನಡ ಸಿನಿಮಾರಂಗಕ್ಕೆ ಕಾಲಿಡುತ್ತಿದ್ದಾರೆ. ಜನುಮದ ಜೋಡಿ ಸಿನಿಮಾದ ನಂತರ ಇಂಥದ್ದೊಂದು ಕತೆಯು ಸಿನಿಮಾ ಆಗಿ ಮೂಡಿ ಬರುತ್ತಿರುವುದರಿಂದ ಗೆಲ್ಲುವ ವಿಶ್ವಾಸ ಸಿನಿಮಾ ತಂಡದ್ದು.
ಬರ್ತ್ಡೇಗೆ ಭರ್ಜರಿ ಸಿದ್ಧತೆ
ಮಹೇಶ್ ಸುಖಧರೆ ನಿರ್ದೇಶನದ 'ಹ್ಯಾಪಿ ಬರ್ತ್ಡೇ' ಸಿನಿಮಾ ಇದೇ ಶುಕ್ರವಾರ (ಆ.26) ರಿಲೀಸ್ ಆಗಲಿದೆ ಅನ್ನುವ ಮಾಹಿತಿ ಗಾಂಧಿನಗರದಲ್ಲಿ ಹರಿದಾಡುತ್ತಿದೆ. ಇದಕ್ಕೆ ಪುಷ್ಠಿ ಅನ್ನುವಂತೆ ನಿರ್ದೇಶಕರು ಕೂಡ ಬಿಡುಗಡೆಗಾಗಿ ಸರ್ವಸಿದ್ಧತೆ ನಡೆಸಿದ್ದಾರೆ.
Vijaya Karnataka Web 20 Aug 2016, 4:00 am