ದೇಸಾಯಿ ಕ್ಯಾಂಪ್‌ ಸೇರಿದ ಹರ್ಷಿಕಾ

ಚಿಟ್ಟೆ ಚಿತ್ರದ ನಂತರ ಹರ್ಷಿಕಾ ಒಪ್ಪಿಕೊಂಡಿರುವ ಸಿನಿಮಾ ಇದಾಗಿದ್ದು, ಇದು ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟ್ನ್ನು ಹೊಂದಿದೆ. 'ಸುನಿಲ್‌ಕುಮಾರ್‌ ದೇಸಾಯಿ ಅವರ ಸಿನಿಮಾಗಳನ್ನು ನಾನು ಚಿಕ್ಕ ವಯಸ್ಸಿನಿಂದಲೂ ನೋಡುತ್ತಿದ್ದೇನೆ. ಸಸ್ಪೆನ್ಸ್‌ ಥ್ರಿಲ್ಲರ್‌ ಸಬ್ಜೆಕ್ಟನ್ನು ಅವರು ಹ್ಯಾಂಡಲ್‌ ಮಾಡುವಂತೆ ಬೇರೆ ಯಾವ ನಿರ್ದೇಶಕರು ಹ್ಯಾಂಡಲ್‌ ಮಾಡುವುದಿಲ್ಲ. ಈಗ ಅಂತಹ ನಿರ್ದೇಶಕರ ಸಿನಿಮಾದಲ್ಲಿ ನನಗೆ ಅವಕಾಶ ಸಿಕ್ಕಿರುವುದು ನನ್ನ ಅದೃಷ್ಟ,'ಅಂತಾರೆ ಹರ್ಷಿಕಾ.

ಈಗಾಗಲೇ ಈ ಚಿತ್ರದ ಶೂಟಿಂಗ್‌ ಆರಂಭವಾಗಿದ್ದು, ಬಾಲಿವುಡ್‌ನ ಖ್ಯಾತ ನಟ ಠಾಕೂರ್‌ ಅನೂಪ್‌ ಸಿಂಗ್‌ ನಟಿಸುತ್ತಿದ್ದಾರೆ. ಹರ್ಷಿಕಾ ಭಾಗದ ಚಿತ್ರೀಕರಣ ಸದ್ಯದಲ್ಲೇ ಆರಂಭವಾಗಲಿದೆ.