ಕನ್ನಡದ ವೆಬ್ ಸೀರೀಸ್‌ನಲ್ಲಿ ಯಾರಿದು ವಿಚಿತ್ರ ಮನುಷ್ಯ?

ನಿವೇದಿತಾ ನಿರ್ಮಾಣದ 'ಹೇಟ್‌ ಯು ರೋಮಿಯೋ' ವೆಬ್‌ ಸೀರಿಸ್‌ ಈಗಾಗಲೇ ಕುತೂಹಲ ಕೆರಳಿಸಿದೆ. ನಿವೇದಿತಾ ಮೊಟ್ಟ ಮೊದಲ ವೆಬ್‌ ಸೀರಿಸ್‌ ಇದು. ದಕ್ಷಿಣ ಭಾರತದಲ್ಲೇ ಬಿಗ್‌ ವೆಬ್‌ ಸೀರಿಸ್‌ ಎನ್ನಲಾಗಿದೆ. ವಿದೇಶದಲ್ಲಿ ಚಿತ್ರೀಕರಣ ಮಾಡಲು ಎಲ್ಲಾ ಸಿದ್ಧತೆ ನಡೆದಿದೆ. ಈ ಸೀರಿಸ್‌ಗೆ ನಾಯಕನಾಗಿ ಅರವಿಂದ್‌ ಮತ್ತು ದಿಶಾ ಮದನ್‌ ಈಗಾಗಲೇ ಆಯ್ಕೆಯಾಗಿದ್ದಾರೆ. ಈಗ ಮೈಸೂರಿನಲ್ಲಿ ಆರ್‌ಜೆಯಾಗಿ ಕೆಲಸ ಮಾಡುತ್ತಿದ್ದ ವಿಕ್ಕಿ ಆಯ್ಕೆಯಾಗಿದ್ದಾರೆ.

ವಿಕ್ಕಿಗೆ ಇದು ಮೊದಲ ವೆಬ್‌ ಸೀರಿಸ್‌ ಅಲ್ಲ. ಈ ಮೊದಲು ಲೂಸ್‌ ಕನೆಕ್ಷನ್‌ ಎಂಬ ವೆಬ್‌ ಸೀರಿಸ್‌ನಲ್ಲಿ 'ನಾಸಾ' ಪಾತ್ರದಲ್ಲಿ ನಟಿಸಿ ಜನಪ್ರಿಯರಾಗಿದ್ದರು. ಈಗ ಮತ್ತೆ ಸ್ಪೇಸ್‌ ಪಯಣಿಗನ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವೆಬ್‌ ಸೀರಿಸ್‌ನ ಶೂಟಿಂಗ್‌ ಅನ್ನು ವಿಯೆಟ್ನಾಂ, ಹೋಯಿ ಯಾನ್‌, ದನಾಂಗ್‌ ಮತ್ತಿತರ ಕಡೆಗಳಲ್ಲಿ ಮಾಡಲಿದ್ದಾರೆ. ಮುಂದಿನ ವಾರದಿಂದ ಚಿತ್ರೀಕರಣ ಶುರುವಾಗಲಿದೆ. ಬಿಗ್‌ ಬಜೆಟ್‌ನ ವೆಬ್‌ ಸೀರಿಸ್‌ಗೆ ರೆಡ್‌ ಜೆಮಿನಿ ಮತ್ತು ರೆಡ್‌ ಎಪಿಕ್‌ ಕ್ಯಾಮೆರಾಗಳನ್ನು ಬಳಸಲಿದ್ದಾರೆ.