ಅಮ್ಮನ ಒಡನಾಟಕ್ಕೆ ಯಾವುದೂ ಸರಿಸಾಟಿಯಲ್ಲ: ಆಶಿತಾ ಚಂದ್ರಪ್ಪ

ಕಿರುತೆರೆಯ ಖ್ಯಾತ ನಟಿ ಆಶಿತಾ ಚಂದ್ರಪ್ಪ ತಮ್ಮ ತಾಯಿ ಬಗ್ಗೆ ಮಾತನಾಡಿದ್ದಾರೆ. ಇತ್ತೀಚೆಗೆ, ಅಂದರೆ 3 ತಿಂಗಳುಗಳ ಹಿಂದೆ ತಮ್ಮ ತಾಯಿಯನ್ನು ಕಳೆದುಕೊಂಡ ನಟಿ ಆಶಿತಾ ಚಂದ್ರಪ್ಪ, ತಾವಿಉ ತಾಯಿಯನ್ನು ತುಂಬಾ ಮಿಸ್ ಮಾಡಿಕೊಂಡ ಬಗ್ಗೆ ಮಾತನಾಡಿದ್ದಾರೆ. ಮೂರು ತಿಂಗಳುಗಳ ಹಿಂದೆ ಅವರ ತಾಯಿ ಕಾಯಿಲೆಯಿಂದ ಬಳಲಿ ಮರಣಹೊಂದಿದ್ದು, ಆಶಿತಾಗೆ ಈಗ ತಂದೆಯೇ ಎಲ್ಲಾ ಎನ್ನುವಂತಾಗಿದೆ. 'ಮದರ್ಸ್ ಡೇ' ಸ್ಪೆಷಲ್ ಎಂಬಂತೆ ಆಶಿತಾ ಅವರು ಆಡಿರುವ ಮಾತು ತುಂಬಾ ಮಹತ್ವ ಎನಿಸುವಂತಿದೆ.

ಅದರೆ, ನಟಿ ಆಶಿತಾ ತಾವೇ ಮುಂದೆ ನಿಂತು ತಮ್ಮ ಫ್ಯಾಮಿಲಿ ಬಗ್ಗೆ ಹೆಚ್ಚು ಕೇರ್ ತೆಗೆದುಕೊಳ್ಳುತ್ತಾರಂತೆ. ನಟಿಯಾಗಿ ಅವರಿಗೆ ಕೈತುಂಬಾ ಕೆಲಸಗಳಿವೆ. ಈಗಂತೂ ಸಿನಿಮಾಗದಲ್ಲಿ ಕೂಡ ನಟಿಸುತ್ತಿದ್ದಾರೆ. ಅಮ್ಮನಿಲ್ಲದ ಕುಟುಂಬದ ಮಗಳಾಗಿ ತಾವು ಹೇಗೆಲ್ಲಾ ತಮ್ಮ ಮನಸ್ಸನ್ನು ಹಾಗೂ ಮನೆಯವನ್ನು ಮ್ಯಾನೇಜ್ ಮಜಾಡುತ್ತಿದ್ದೇನೆ ಎಂಬುದನ್ನು ಆಶಿತಾ ಹೇಳಿಕೊಂಡಿದ್ದಾನೆ. ತಮ್ಮ ತಾಯಿಯನ್ನು ಕಳೆದಕೊಂಡ ಬಳಿಕ ತಮ್ಮ ಜೀವನ ಹೇಗೆಲ್ಲಾ ಬದಲಾಯಿತು ಎಂದು ಆಶಿತಾ ಟೈಮ್ಸ್ ಆಫ್ ಇಂಡಿಯಾ ಜೊತೆ ಹಂಚಿಕೊಂಡಿದ್ದಾರೆ.

"ನಟಿಯಾಗಿ ನಾನು ನನ್ನ ವೃತ್ತಿಜೀವನಕ್ಕೆ ಪ್ರಾಮುಖ್ಯತೆ ಕೊಡಲೇಬೇಕು. ಅಮ್ಮ ಕಾಯಿಲೆ ಬಿದ್ದಾಗ, ಅವಳನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗುವುದು ನನ್ನ ಜವಾಬ್ದಾರಿಯಾಗಿತ್ತು. ಅಮ್ಮನಿಗೆ ಬದುಕಬೇಕೆಂಬ ಆಸೆ ತೀವ್ರವಾಗಿತ್ತು. ಅವಳನ್ನು ಬದುಕಿಸಲು ನಾವೆಲ್ಲಾ ಹರಸಾಹಸ ಪಟ್ಟಿದ್ದೆವು. ಆದರೆ, ಅದು ಸಾಧ್ಯವಾಗಲಿಲ್ಲ. ಕೊನೆಗೂ ಅಮ್ಮ ತೀರಿಕೊಂಡರು. ಅಮ್ಮ ತೀರಕೊಂಡ ನಾಲ್ಕನೇ ದಿನಕ್ಕೇ ನಾನು ನನ್ನ ಶೂಟಿಂಗ್ ಕೆಲಸಕ್ಕೆ ಮರಳಿದೆ.

ಕಾರಣ, ನನಗೆ ಅಮ್ಮ ಸತ್ತ ದುಃಖ ಇರಲಿಲ್ಲ ಎಂದೇನೂ ಅಲ್ಲ. ನಾನು ಹೆಚ್ಚು ಹೆಚ್ಚು ಕೆಲಸದಲ್ಲಿ ತಲ್ಲೀನಳಾಗುವ ಮೂಲಕ ಅಮ್ಮನನ್ನು ಕಳೆದುಕೊಂಡ ದುಃಖವನ್ನು ಮರೆಯಬೇಕಿತ್ತು. ಹೀಗಾಗಿ ನಾನು ಸಂಪೂರ್ಣವಾಗಿ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡುಬಿಟ್ಟೆ. ಯಾರೇ ನಮ್ಮನ್ನಗಲಿದರೂ ನಾವು ಅಳುತ್ತ ಮೂಲೆ ಹಿಡಿದು ಕುಳಿತುಕೊಳ್ಳಲು ಸಾಧ್ಯವಾಗುವುದಿಲ್ಲ. ಏಕೆಂದರೆ, ನಮಗೆಲ್ಲರಿಗೂ ನಮ್ಮನಮ್ಮ ಕುಟುಂಬದ ಜವಾಬ್ದಾರಿಗಳು ಇರುತ್ತವೆ. ನಾವು ಅವುಗಳನ್ನು ಹೆಚ್ಚು ಜವಾಬ್ದಾರಿಯಿಂದ ನಿರ್ವಹಿಸುವ ಮೂಲಕ ಉಳಿದಿರುವ ಫ್ಯಾಮಿಲಿ ಸದಸ್ಯರಿಗೆ ಹೆಚ್ಚು ಕಂಫರ್ಟ್ ಕೊಡಬೇಕಾಗುತ್ತದೆ.

ಹೀಗಾಗಿ ನಾನು ಅಮ್ಮ ತೀರಿಕೊಂಡ ಬಳಿಕ ನನ್ನ ಫ್ಯಾಮಿಲಿಗೆ ಹೆಚ್ಚು ಕೇರ್ ಕೊಡಲು ಪ್ರಾರಂಭಿಸಿದ್ದೇನೆ. ಸೋಷಿಯಲ್ ಮೀಡಿಯಾದಲ್ಲೂ ಹೆಚ್ಚು ಆಕ್ಟಿವ್ ಆಗಿದ್ದೇನೆ. ಕೆಲಸವನ್ನು ಸಹ ಹೆಚ್ಚು ಹೆಚ್ಚು ಒಪ್ಪಿಕೊಂಡು ಮಾಡುತ್ತಿದ್ದೇನೆ. ಯಾವುದೂ ಕೂಡ ಅಮ್ಮನ ಒಡನಾಟಕ್ಕೆ ಸಮವಲ್ಲ ಎಂಬುದು ನನಗೆ ಗೊತ್ತಿದೆ. ಆದರೂ ನಮ್ಮ ಜೀಬನವನ್ನು ಹೆಚ್ಚು ಚೆನ್ನಾಗಿ ನಿರ್ವಹಿಸಿ ಅವರು ಇರುವಲ್ಲೇ ಅವರಿಗೆ ಸಮಾಧಾನವನ್ನು ಕೊಡಬಹುದಲ್ಲ" ಎಂದು ಮಾರ್ಮಿಕವಾಗಿ ನುಡಿದಿದ್ದಾರೆ ನಟಿ ಆಶಿತಾ ಚಂದ್ರಪ್ಪ.