ನನ್ನ ಹೆಸರನ್ನು ಹೇಳಲು ನಾನೇ ಕನ್‌ಫ್ಯೂಸ್ ಆಗುತ್ತೇನೆ: ವಿಜಯ್ ದೇವರಕೊಂಡ!

ಸೌತ್ ಇಂಡಸ್ಟ್ರಿಯ ಸೆನ್ಸೇಷನಲ್ ಸ್ಟಾರ್ ಖ್ಯಾತಿಯ ನಟ ವಿಜಯ್ ದೇವರಕೊಂಡ 'ಅರ್ಜುನ್ ರೆಡ್ಡಿ' ಚಿತ್ರದ ಮೂಲಕ ಸ್ಟಾರ್ ನಟರಾಗಿ ಮೆರೆದರು. ಆ ಬಳಿಕ ಗೀತ ಗೋವಿಂದಂ' ಚಿತ್ರ ಕೂಡ ಸೂಪರ್ ಹಿಟ್ ಆಗುವ ಮೂಲಕ ನಟ ವಿಜಯ್ ದೇವರಕೊಂಡ ಸೆನ್ಸೇಷನಲ್ ಸ್ಟಾರ್ ಪಟ್ಟ ಗಿಟ್ಟಿಸಿಕೋಂಡರು. ಇದೀಗ ತೆಲುಗಿನಲ್ಲಿ ಬಿಡುಗಡೆಗೆ ಸಜ್ಜಾಗಿರುವ ಡಿಯರ್ ಕಾಮ್ರೆಡ್ ಚಿತ್ರವು ಕನ್ನಡವೂ ಸೇರಿದಂತೆ ತಮಿಳು ಹಾಗೂ ಮಲಯಾಳಂನಲ್ಲಿಯೂ ಡಬ್ ಆಗಿ ಬಿಡುಗಡೆಯಾಗಲಿದೆಯಂತೆ.

ಈ ಮೂಲಕ ನಟ ವಿಜಯ್ ದೇವರಕೊಂಡ ಅವರು ಸೌತ್ ಇಂಡಿಯನ್ ಸ್ಟಾರ್ ಆಗುವುದು ಪಕ್ಕಾ ಎನ್ನಲಾಗುತ್ತಿದೆ. ಈಗಾಗಲೇ ವಿಜಯ್ ದೇವರಕೊಂಡ ಇಡೀ ಇಂಡಿಯಾದ ತುಂಬಾ ತಮ್ಮ ಅಭಿಮಾನಿಗಳನ್ನು ಹೊಂದಿದ್ದಾರೆ. ಅದರಲ್ಲೂ ಸೌತ್ ಇಂಡಿಯಾದಲ್ಲಿ ವಿಜಯ್ ದೇವರಕೊಂಡಗೆ ಬಹಳಷ್ಟು ಜನ ಫ್ಯಾನ್ಸ್ ಇದ್ದಾರೆ. ಸದ್ಯ ಬಾಲಿವುಡ್‌ ಕಡೆಗೆಊ ನಟ ವಿಜಯ್ ದೇವರಕೊಂಡ ಹೋಗಲಿದ್ದಾರೆ ಎನ್ನಲಾಗುತ್ತಿದೆ.

ಅಚ್ಚರಿ ಎಂಬಂತೆ, ಇತ್ತೀಚೆಗೆ ನಟ ವಿಜಯ್ ದೇವರಕೊಂಡ ತಮ್ಮದೇ ಬಗೆಗಿನ ಸಂಗತಿಯೊಂದನ್ನು ಬಹಳ ತಮಾಷೆಯಾಗಿ ಹೇಳಿಕೊಂಡಿದ್ದರು. ಅದು ಅವರ ಹೆಸರನ್ನು ಅಭಿಮಾನಿಗಳು ತಪ್ಪಾಗಿ ಉಚ್ಚರಿಸುವುದು. ಹೌದು, ನಟ ವಿಜಯ್ ಹೆಸರಿನ ಮುಂದೆ ಇರುವ 'ದೇವರಕೊಂಡ' ಎಂಬ ಪದವನ್ನು ಬಹಳಷ್ಟು ಜನರು ತಪ್ಪಾಗಿ ಅಚ್ಚರಿಸುತ್ತಾರಂತೆ. ಈ ಬಗ್ಗೆ ವಿಜಯ್ ಬೇಸರ ಪಟ್ಟುಕೊಂಡಿಲ್ಲ. ಬದಲಿಗೆ ಸತ್ಯವನ್ನು ತಮಾಷೆಯಾಗಿ ಹೇಳಿಕೊಂಡಿದ್ದಾರೆ.

ಕಾರ್ಯಕ್ರಮವೊಂದರಲ್ಲಿ ಈ ಬಗ್ಗೆ ತಮಾಷೆಯಾಗಿ ಹೇಳಿಕೊಂಡ ವಿಜಯ್ "ನನ್ನ ಹೆಸರಿನ ದೇವರಕೊಂಡ ಪದವನ್ನು ಬಹಳಷ್ಟು ಅಭಿಮಾನಿಗಳು ತಪ್ಪಾಗಿ ಉಚ್ಚರಿಸುತ್ತಾರೆ. ಅದಿರಲಿ, ಸ್ವತಃ ನಾನೇ ಕೆಲವೊಮ್ಮೆ ತಪ್ಪಾಗಿ ನನ್ನ ಹೆಸರನ್ನು ಹೇಳಿಬಿಡುತ್ತೇನೆ. ದೇವರಕೊಂಡ ಎನ್ನುವ ಪದವನ್ನು ಸಾಕಷ್ಟು ಜನರು ತಪ್ಪಾಗಿ ಹಲವು ರೀತಿಯಲ್ಲಿ ಹೇಳುತ್ತಾರೆ. ನಾನೇ ಅದನ್ನು ಎಲ್ಲಾ ಸಮಯದಲ್ಲಿ ಸರಿಯಾಗಿ ಹೇಳಲು ಪ್ರಾಕ್ಟಿಸ್ ಮಾಡಿಕೊಳ್ಳಬೇಕಿದೆ" ಎಂದಿದ್ದಾರೆ.