ಗೌಡ್ರ ಹುಡುಗನ್ನ ಮದುವೆ ಆಗ್ತಾರಂತೆ ರಚಿತಾ

ರಚಿತಾ ಲವ್‌ ಮ್ಯಾರೇಜ್‌ ಆಗ್ತಾರೆ, ಇಲ್ಲ ಆರೇಂಜ್‌ ಮ್ಯಾರೇಜ್‌ ಆಗ್ತಾರೆ ರಾಜಕೀಯ ನಾಯಕರೊಬ್ಬರ ಜತೆ ಮದುವೆ ಫಿಕ್ಸ್‌ ಆಗಿದೆ ಎಂಬ ಗಾಸಿಪ್‌ಗಳು ಸಾಕಷ್ಟು ಹಬ್ಬುತ್ತಲೇ ಇವೆ. ಆದರೆ ರಚಿತಾ ಮಾತ್ರ ನಾವು ಮದುವೆ ಆದ್ರೆ ಗೌಡ್ರು ಹುಡುಗನ್ನೇ ಆಗುವುದು ಎಂದಿದ್ದಾರೆ.

ಹೌದು, ಬುಧವಾರ ನಡೆದ ಸೀತಾರಾಮ ಕಲ್ಯಾಣ ಸಿನಿಮಾದ ಸುದ್ದಿಗೋಷ್ಠಿಯಲ್ಲಿ ಪತ್ರಕರ್ತರು ರಚಿತಾ ಅವರ ಮದುವೆ ವಿಚಾರವನ್ನು ಕೇಳಿದರು ಅದಕ್ಕೆ 'ನನ್ನ ಮದುವೆ ವಿಚಾರವನ್ನು ನನ್ನ ತಂದೆ ನನ್ನ ನಿರ್ಧಾರಕ್ಕೆ ಬಿಟ್ಟಿದ್ದಾರೆ. ನಾನು ಲವ್‌ ಮ್ಯಾರೇಜ್‌ ಆದ್ರು ಒಪ್ಪಿಕೊಳ್ಳುತ್ತಾರೆ. ಆರೇಂಜ್‌ ಮ್ಯಾರೇಜ್‌ ಆದ್ರು ಒಪ್ಪಿಕೊಳ್ಳುತ್ತಾರೆ. ನಾವು ಗೌಡರು ಆದ್ರಿಂದ ನಾನು ಗೌಡ್ರ ಹುಡುಗನನ್ನೇ ಮದುವೆ ಆಗುವುದು. ಆದರೆ ಈಗ ಹೊಸ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದು ಅವುಗಳು ಮುಗಿದ ನಂತರ ನಾನು ಮದುವೆ ಬಗ್ಗೆ ಯೋಚಿಸುತ್ತೇನೆ,'ಎಂದು ಅವರು ಹೇಳಿದ್ದಾರೆ.

ಅಲ್ಲಿಗೆ ಅವರಿವರನ್ನು ಮದುವೆ ಆಗುತ್ತಾರೆ ಎಂಬ ವಿಷಯಕ್ಕೆ ಅವರೇ ತೆರೆ ಎಳೆದಿದ್ದಾರೆ.