ತನ್ನ ಹೆಸರಿನಿಂದಲೇ ಗಮನ ಸೆಳೆಯುತ್ತಿರುವ ಇದಂ ಪ್ರೇಮಂ ಜೀವನಂ ಚಿತ್ರದಲ್ಲಿ ಯುವ ಮನಸ್ಸುಗಳ ಜೀವನ, ಜತೆಗೆ ತಂದೆ ತಾಯಿಯ ಬಾಂಧವ್ಯವನ್ನು ನಿರ್ದೇಶಕರು ಹೇಳುತ್ತಿದ್ದಾರೆ.
ಈಗಾಗಲೇ ಬಿಡುಗಡೆಯಾಗಿರುವ ಟ್ರೇಲರ್‌ನ್ನು ಧ್ರುವ ಸರ್ಜಾ, ಸಂಯುಕ್ತಾ ಹೊರ್ನಾಡ್‌, ರೋಷನಿ ಪ್ರಕಾಶ್‌,ಜಯಂತ್‌ ಕಾಯ್ಕಿಣಿ, ಚೇತನ್‌ ಕುಮಾರ್‌ ಸೇರಿದಂತೆ ಸಾಕಷ್ಟು ಮಂದಿ ಸ್ಯಾಂಡಲ್‌ವುಡ್‌ ನಟ ನಟಿಯರು ನೋಡಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಈ ಚಿತ್ರ ನೋಡಿದ ಸೆನ್ಸಾರ್‌ ಮಂಡಳಿ ಇದಕ್ಕೆ ಯು ಸರ್ಟಿಫಿಕೇಟ್‌ ನೀಡಿ ಚಿತ್ರತಂಡದ ಪ್ರಯತ್ನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದೆ.
'ಇದು ಬರೀ ಲವ್‌ ಸ್ಟೋರಿಯಲ್ಲಿ ಈ ಕಥೆಯಲ್ಲಿ ಯುವಕರಿಗೆ ತಮ್ಮ ತಂದೆ ತಾಯಿಯ ಪ್ರೀತಿಯ ಬಗ್ಗೆ ತಿಳಿಸುವ ಸಾಕಷ್ಟು ವಿಷಯಗಳಿವೆ. ಇದರ ಜತೆಗೆ ಪೋಷಕರ ಮಹತ್ವ ಏನು ಎಂಬುದು ಈ ಚಿತ್ರದಲ್ಲಿ ವ್ಯಕ್ತವಾಗಿದೆ. ಈ ಸಿನಿಮಾ ಮೂಲಕ ನಾನು ಯಂಗ್‌ ಜನರೇಶನ್‌ಗೆ ಅಪ್ಪ ಅಮ್ಮ ನಮ್ಮ ಜೀವನದಲ್ಲಿ ಎಷ್ಟು ಮುಖ್ಯ ಎಂಬುದನ್ನು ಹೇಳುತ್ತಿದ್ದೇನ,'ಅಂತಾರೆ ನಿರ್ದೇಶಕ ರಾಘವಾಂಕ ಪ್ರಭು.
ಸಂಜನಾ ಕಟ್ವೆ ಹಾಗೂ ಶರತ್‌ ಎಸ್‌ ಎಂಬುವವರು ಈ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಪ್ರವೇಶ ಮಾಡುತ್ತಿದ್ದಾರೆ. ಅವಿನಾಶ್‌ ಹಾಗೂ ಮಾಳವಿಕ ಅವಿನಾಶ್‌ ನಟಿಸುತ್ತಿದ್ದಾರೆ.