ತಮನ್ನಾರನ್ನು ಮದುವೆಯಾಗುತ್ತೇನೆ: ನಟಿ ಶ್ರುತಿ ಹಾಸನ್

ಕೆಲವು ನಟಿಯರ ನಡುವೆ ಆರೋಗ್ಯಕರ ಪೈಪೋಟಿ ಇರುವುದನ್ನು ಬಣ್ಣದ ಜಗತ್ತಿನಲ್ಲಿ ಕಾಣಬಹುದು. ಇನ್ನೂ ಕೆಲವರು ಹಾವು ಮುಂಗಿಸಿ ತರಹ ಇರುತ್ತಾರೆ. ಆದರೆ ನಟಿಯರಾದ ಶ್ರುತಿ ಹಾಸನ್ ಮತ್ತು ತಮನ್ನಾ ಭಾಟಿಯಾ ಮಾತ್ರ ಆ ರೀತಿ ಅಲ್ಲ. ಇವರಿಬ್ಬರೂ ಬೆಸ್ಟ್ ಫ್ರೆಂಡ್ಸ್. ಆಗಾಗ ಒಬ್ಬರ ಮೇಲೊಬ್ಬರು ಸಮಯ ಸಿಕ್ಕಾಗಲೆಲ್ಲಾ ಪ್ರಶಂಸೆಯ ಮಳೆಗರೆಯುತ್ತಿರುತ್ತಾರೆ.

ಒಂದು ವೇಳೆ ಅವಕಾಶ ಸಿಕ್ಕಿದರೆ ತಮನ್ನಾರನ್ನು ಮದುವೆಯಾಗುತ್ತೇನೆ ಎಂದಿದ್ದಾರೆ ಕಮಲ್ ಹಾಸನ್ ಪುತ್ರಿ ಶ್ರುತಿ ಹಾಸನ್. ಇತ್ತೀಚೆಗೆ ನಡೆದ ಸಂಘಟನೆಯೊಂದು ಇವರ ನಡುವಿನ ಸ್ನೇಹವನ್ನು ಮತ್ತೊಮ್ಮೆ ಸಾರಿದೆ. ಚಿಟ್ ಚಾಟ್ ಕಾರ್ಯಕ್ರಮವೊಂದರಲ್ಲಿ ಶ್ರುತಿ ಹಾಸನ್‌ರನ್ನು ನಿರೂಪಕರು ಈ ರೀತಿ ಕೇಳಿದರು, "ಒಂದು ವೇಳೆ ನೀವು ಹುಡುಗನಾದರೆ ಯಾವ ಹೀರೋಯಿನ್‌ರನ್ನು ಮದುವೆಯಾಗುತ್ತೀರ?" ಎಂದರು.

ಈ ಪ್ರಶ್ನೆಗೆ ತಡಬಡಾಯಿಸದೆ ಉತ್ತರಿಸಿರುವ ಶ್ರುತಿ ಹಾಸನ್, "ತಮನ್ನಾ. ಅವಳೆಂದರೆ ನನಗೆ ತುಂಬಾ ಇಷ್ಟ. ಒಂದು ವೇಳೆ ನಾನೇನಾದರೂ ಹುಡುಗನಾದರೆ ತಮನ್ನಾರನ್ನೇ ಮದುವೆಯಾಗುತ್ತೇನೆ. ಆಕೆ ತುಂಬಾ ಒಳ್ಳೆಯ ಹುಡುಗಿ. ಆಕೆಯನ್ನು ಯಾವುದೇ ಕಾರಣಕ್ಕೂ ಬಿಡುತ್ತಿರಲಿಲ್ಲ" ಎಂದಿದ್ದಾರೆ ಶ್ರುತಿ.

ಇದಿಷ್ಟೇ ಅಲ್ಲದೆ ಬಾಲಿವುಡ್ ಚಿತ್ರರಂಗಕ್ಕೆ ಎಂಟ್ರಿ ನೀಡಿದ ಕಾರಣ ತನಗೆ ತುಂಬಾ ನಷ್ಟ ಆಯಿತು ಎಂದಿದ್ದಾರೆ. "ನನ್ನ ಮೊದಲ ಸಿನಿಮಾ ಬಗ್ಗೆ ನಾನು ತೆಗೆದುಕೊಂಡ ನಿರ್ಧಾರ ಸರಿಯಾದದ್ದು ಅಲ್ಲ. ಆಗ ಸಿನಿಮಾಗಳಲ್ಲಿ ನಟಿಸಲು ನಾನು ಇನ್ನೂ ತಯಾರಿಯಾಗಿರಲಿಲ್ಲ. ಚಿತ್ರೋದ್ಯಮದ ಬಗ್ಗೆಯೂ ಸಂಪೂರ್ಣ ಗೊತ್ತಿರಲಿಲ್ಲ. ಇದಿಷ್ಟೇ ಅಲ್ಲದೆ ಬಾಲಿವುಡ್ ಸಿನಿಮಾಗೆ ಎಂಟ್ರಿ ನೀಡಿದ್ದು ಸಹ ಸೂಕ್ತ ನಿರ್ಧಾರ ಅಲ್ಲ" ಎಂದಿದ್ದಾರೆ ಶ್ರುತಿ ಹಾಸನ್.