ಕಮಲ್ ಹಾಸನ್-ಶಂಕರ್ ಕಾಂಬಿನೇಷನ್ 'ಇಂಡಿಯನ್ 2' ಸಿನಿಮಾ ಮುಗಿದ ಅಧ್ಯಾಯವೇ?

ಕಮಲ್ ಹಾಸನ್ ಅಭಿನಯ ಹಾಗೂ ಶಂಕರ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಭಾರಿ ಬಜೆಟ್ ಸಿನಿಮಾ ಇಂಡಿಯನ್ 2ಗೆ ಹಲವಾರು ವಿಘ್ನಗಳು ಎದುರಾಗುತ್ತಲೇ ಇದೆ. ಚಿತ್ರೀಕರಣ ಸಮಯದಲ್ಲಿ ಕ್ರೇನ್ ಬಿದ್ದು ಮೂರು ಮಂದಿ ದುರ್ಮರಣ ಹೊಂದಿದ್ದ ಘಟನೆ ಇನ್ನೂ ಹಸಿರಾಗಿಯೇ ಇದೆ. ಇದೀಗ ಈ ಚಿತ್ರವನ್ನೇ ಕೈಬಿಡಲಾಗುತ್ತಿದೆ ಎಂಬ ಸುದ್ದಿ ಕಾಲಿವುಡ್‍ನಲ್ಲಿ ಹರಿದಾಡುತ್ತಿದೆ.

ಸೆಟ್‌ನಲ್ಲಿ ಕ್ರೇನ್ ಬಿದ್ದು ಅದರಡಿ ಸಿಲುಕಿ ಮೂರು ಮಂದಿ ದುರಂತ ಸಾವಪ್ಪಿದ್ದು ಗೊತ್ತೇ ಇದೆ. ಚಿತ್ರತಂಡದ ವಿರುದ್ಧ ಪ್ರಕರಣ ಸಹ ದಾಖಲಾಗಿತ್ತು. ಇದೀಗ ಈ ಎಲ್ಲಾ ಸಮಸ್ಯೆಗಳಿಂದ ಹೊರಬಿದ್ದಿರುವ ಚಿತ್ರತಂಡ ಇನ್ನೇನು ಶೂಟಿಂಗ್ ಆರಂಭಿಸಬೇಕು ಎಂದುಕೊಳ್ಳುವ ಹೊತ್ತಿಗೆ ಕೊರೊನಾ ವೈರಸ್ ಈ ಸಿನಿಮಾಗೆ ದೊಡ್ಡ ಶಾಪವಾಗಿ ಪರಿಣಮಿಸಿತು. ದೇಶದಾದ್ಯಂತ ಲಾಕ್‌ಡೌನ್ ಹಿನ್ನೆಲೆಯಲ್ಲಿ ಎಲ್ಲಾ ಸಿನಿಮಾಗಳ ಶೂಟಿಂಗ್ ನಿಲ್ಲಿಸಲಾಗಿದೆ.

ಈ ಘಟನಾವಳಿಗಳ ಹಿನ್ನೆಲೆಯಲ್ಲಿ ಚಿತ್ರವನ್ನೇ ಕೈಬಿಡುವ ನಿರ್ಧಾರಕ್ಕೆ ನಿರ್ಮಾಪಕರು ಬಂದಿದ್ದಾರಂತೆ. ಪ್ರತಿ ಸಲವೂ ಯಾವುದೋ ಒಂದು ಅಡ್ಡಿ ಆತಂಕ ಈ ಸಿನಿಮಾ ಆರಂಭವಾದ ದಿನದಿಂದ ಎದುರಾಗುತ್ತಿರುವುದೇ ಇದಕ್ಕೆ ಕಾರಣ ಎನ್ನುತ್ತಿವೆ ಮೂಲಗಳು.

Indian 2 set accident: ಅವಘಡ ಸಂಭವಿಸಿದ್ದು ಹೇಗೆ? ಸ್ಪಾಟ್‌ನಲ್ಲಿ ಯಾರೆಲ್ಲಾ ಇದ್ರು

ಈ ಸಿನಿಮಾಗಾಗಿ ಇದುವರೆಗೂ ಸುರಿದಿರುವ ದುಡ್ಡನ್ನೂ ಬಿಟ್ಟುಕೊಡಲು ನಿರ್ಮಾಪಕರು ಸಿದ್ಧವಾಗಿದ್ದಾರಂತೆ. ಸಿನಿಮಾವನ್ನು ಅರ್ಧಕ್ಕೆ ನಿಲ್ಲಿಸುತ್ತಿರುವ ಸಂಗತಿಯನ್ನು ಲಾಕ್‌ಡೌನ್ ಬಳಿಕ ಚಿತ್ರತಂಡ ಘೋಷಿಸುವ ಸಾಧ್ಯತೆಗಳಿವೆ ಎನ್ನಲಾಗಿದೆ. ಇಂಡಿಯನ್ 2 ಸಿನಿಮಾ ಮುಂದಿನ ನಡೆಯೇನು ಏನು ಎಂಬುದು ಗೊತ್ತಾಗಬೇಕಾದರೆ ಸ್ವಲ್ಪ ದಿನ ಕಾಯಲೇಬೇಕು.

Indian 2 ಸೆಟ್‌ ದುರಂತ; ಕೂದಲೆಳೆ ಅಂತರದಲ್ಲಿ ನಟಿ ಕಾಜಲ್ ಅಗರವಾಲ್ ಪಾರು

ಲೈಕಾ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ಸುಭಾಸ್ಕರ್ ನಿರ್ಮಿಸುತ್ತಿರುವ ಈ ಸಿನಿಮಾದಲ್ಲಿ ಕಮಲ್ ಹಾಸನ್, ಕಾಜಲ್ ಅಗರವಾಲ್ ನಟಿಸುತ್ತಿದ್ದಾರೆ. ಇಂಡಿಯನ್ ಸಿನಿಮಾದ ಮುಂದಿನ ಭಾಗ ಇದಾಗಿದೆ. ಚಿತ್ರದ ತಾರಾಗಣದಲ್ಲಿ ರಕುಲ್ ಪ್ರೀತ್ ಸಿಂಗ್, ಸಿದ್ಧಾರ್ಥ್ ಸಹ ಇದ್ದಾರೆ. 2021ರ ಜನವರಿಗೆ ಚಿತ್ರವನ್ನು ತೆರೆಗೆ ತರಲು ಪ್ಲ್ಯಾನ್ ಮಾಡಲಾಗಿತ್ತು.