ರಿಯಲ್ ಲೈಫಲ್ಲಿ ತಾತನಾಗಿ ಜಗ್ಗೇಶ್ ಸಂಭ್ರಮ!

ನವರಸ ನಾಯಕ ಜಗ್ಗೇಶ್ ಈಗ ಅಜ್ಜನಾಗಿದ್ದಾರೆ. ಹಾಗಂತ ತೆರೆಯ ಮೇಲೆ ಅಂದುಕೊಳ್ಳಬೇಡಿ. ಅವರು ಅಜ್ಜನಾಗಿ ಸಂಭ್ರಮಿಸುತ್ತಿರುವುದು ರಿಯಲ್ ಲೈಫ್‌ನಲ್ಲೇ ಹೊರತು ರೀಲ್ ಲೈಫ್‌ನಲ್ಲಿ ಅಲ್ಲ. ಮೊಮ್ಮಗನ ಜತೆ ಆಟವಾಡುತ್ತಿರುವ ಸಂಭ್ರಮವನ್ನು ಜಗ್ಗೇಶ್ ಎಲ್ಲರೊಂದಿಗೆ ಹಂಚಿಕೊಂಡಿದ್ದಾರೆ.

ನಾಯಕ ನಟನಾಗಿ ಜಗ್ಗೇಶ್ ಅವರು ತೆರೆಯ ಮೇಲೆ ಎಲ್ಲಾ ರೀತಿಯ ಪಾತ್ರಗಳನ್ನೂ ಪೋಷಿಸಿದ್ದಾರೆ. ಇದೀಗ ರಿಯಲ್ ಲೈಫ್‌ನಲ್ಲಿ ಅಜ್ಜನಾಗಿ ತಮ್ಮ ಪಾತ್ರ ಪೋಷಿಸುತ್ತಾ ಸಂಭ್ರಮಿಸುತ್ತಿದ್ದಾರೆ.

ಈ ಬಗ್ಗೆ ಟ್ವಿಟ್ಟರ್‌ನಲ್ಲಿ ಬರೆದಿರುವ ಜಗ್ಗೇಶ್. 'ನನ್ನ ಸಮಕಾಲಿನ ನಟರಲ್ಲಿ ತಾತನಾದ ಮೊದಲಿಗ ನಾನೆ! ಪರಿಮಳ ನನ್ನ ತಾತ ಅಜ್ಜಿ ಅಂದರೆ ನಗುತ್ತಾರೆ ಎಲ್ಲರು!.19 ಕ್ಕೆ ಗಂಡ! 23 ಕ್ಕೆ ಅಪ್ಪ! 52 ಕ್ಕೆ ತಾತ! haha' ಎಂದಿದ್ದಾರೆ.

ಈಗಿನ ಸಿನಿಮಾ ತಾರೆಗಳು ತಮಗೆ ವಯಸ್ಸಾಗುತ್ತಿದೆ ಎಂದು ಹೇಳುವುದಕ್ಕೆ ಹಿಂಜರಿಯುತ್ತಾರೆ. ಇದರಿಂದ ಎಲ್ಲಿ ತಮ್ಮ ವೃತ್ತಿಬದುಕಿಗೆ ತೊಂದರೆ ಆಗುತ್ತದೋ ಎಂಬ ಅಳುಕು ಅವರದು. ಆದರೆ ಜಗ್ಗೇಶ್ ಅವರು ಯಾವುದೇ ಅಳುಕು, ಥಳುಕು ಬಳುಕು ಇಲ್ಲದಂತೆ ಇದ್ದನ್ನು ಇದ್ದಂಗೆ ಹೇಳಿಕೊಂಡಿದ್ದಾರೆ.

ನನ್ನ ಸಮಕಾಲಿನ ನಟರಲ್ಲಿ ತಾತನಾದ ಮೊದಲಿಗ ನಾನೆ!ಪರಿಮಳ ನನ್ನ ತಾತ ಅಜ್ಜಿ ಅಂದರೆ ನಗುತ್ತಾರೆ ಎಲ್ಲರು!.19 ಕ್ಕೆ ಗಂಡ! 23 ಕ್ಕೆ ಅಪ್ಪ!52 ಕ್ಕೆ ತಾತ!haha pic.twitter.com/VfWlKk7SbR — ನವರಸನಾಯಕ ಜಗ್ಗೇಶ್ (@Jaggesh2) July 18, 2017