ಜಾನಿ ಅಂದರೆ ಸಂಪೂರ್ಣ ಮನರಂಜನೆ
ದುನಿಯಾ ವಿಜಯ್‌ ಮತ್ತು ರಚಿತಾ ರಾಮ್‌ ಕಾಂಬಿನೇಷನ್‌ನ 'ಜಾನಿ ಜಾನಿ ಎಸ್‌ ಪಾಪಾ' ಸಿನಿಮಾ ಇಂದು ಬಿಡುಗಡೆ ಆಗುತ್ತಿದೆ. ಸಿನಿಮಾ ಪೂರ್ತಿ ಫನ್‌ ತುಂಬಿರುತ್ತದೆ ಎಂದಿದ್ದಾರೆ ನಿರ್ದೇಶಕ ಪ್ರೀತಂ ಗುಬ್ಬಿ.
Vijaya Karnataka 30 Mar 2018, 5:00 am
*ಹರೀಶ್‌ ಬಸವರಾಜ್‌
ಜಾನಿ ಮೇರಾ ನಾಮ್‌ ಚಿತ್ರಕ್ಕಿಂತಲೂ ಹೆಚ್ಚು ಮನರಂಜನೆ ನೀಡುವಂಥ ಸಿನಿಮಾ 'ಜಾನಿ ಜಾನಿ ಎಸ್‌ ಪಾಪಾ' ಅಂತಾರೆ ನಿರ್ದೇಶಕ ಪ್ರೀತಂ ಗುಬ್ಬಿ. 2011ರಲ್ಲಿ ತೆರೆಕಂಡ ಜಾನಿ ಮೇರಾ ನಾಮ್‌ ಚಿತ್ರದ ಮುಂದುವರೆದ ಭಾಗ ಇದಾಗಿದ್ದು, ಪ್ರತಿ ಪಾತ್ರವೂ ನಗಿಸುತ್ತಲೇ ಕಥೆ ಹೇಳುವುದು ಸಿನಿಮಾದ ವಿಶೇಷಗಳಲ್ಲಿ ಒಂದು.
'ಹಳೆ ಜಾನಿಯ ಅಪ್‌ಡೆಟೆಡ್‌ ವರ್ಷನ್‌ ಈ ಜಾನಿ. ಈ ಸಿನಿಮಾದಲ್ಲಿ ವಿಜಯ್‌ ಹೊಸ ಅವತಾರ, ಸ್ಟೈಲಿಷ್‌ ಆ್ಯಕ್ಷನ್‌, ಎಲ್ಲವೂ ಸೇರಿಕೊಂಡು ಸಿನಿಮಾ ಸಖತ್‌ ಫನ್‌ ಫುಲ್‌ ಆಗಿ ಮೂಡಿ ಬಂದಿದೆ. ಸಿನಿಮಾ ಮೊದಲ ಫ್ರೇಮ್‌ನಿಂದ ಕಡೆಯವರೆಗೂ ಪ್ರೇಕ್ಷಕ ನಗುತ್ತಲೇ ಇರುತ್ತಾರೆ. ಪ್ರತಿ ದೃಶ್ಯದಲ್ಲಿಯೂ ರಂಗಾಯಣ ರಘು, ವಿಜಯ್‌ ಸಖತ್‌ ಸ್ಟೈಲಿಷ್‌ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇವೆಲ್ಲವೂ ಕಥೆಗಾಗಿ ಮಾಡಿರುವಂಥದ್ದು' ಎನ್ನುವುದು ನಿರ್ದೇಶಕರ ಮಾತು.
ಪಾತ್ರಗಳ ಆಯ್ಕೆಯಲ್ಲಿ ವಿಭಿನ್ನತೆ ತೋರಿದ್ದಾರೆ ನಿರ್ದೇಶಕರು. ಅಚ್ಯುತ್‌ಕುಮಾರ್‌, ಸಾಧು ಕೋಕಿಲಾ ಸೇರಿದಂತೆ ಹೆಸರಾಂತ ತಾರಾ ಬಳಗವೇ ಸಿನಿಮಾದಲ್ಲಿದೆ. ದುನಿಯಾ ಟಾಕೀಸ್‌ ಬ್ಯಾನರ್‌ನಡಿ ಈ ಚಿತ್ರವನ್ನು ನಟ ವಿಜಯ್‌ ನಿರ್ಮಾಣ ಮಾಡಿದ್ದಾರೆ.
ಜಾನಿ ಮೇರಾ ನಾಮ್‌ ಚಿತ್ರಕ್ಕಿಂತಲೂ ಹೆಚ್ಚು ಮನರಂಜನೆ ನೀಡುವಂಥ ಸಿನಿಮಾ 'ಜಾನಿ ಜಾನಿ ಎಸ್‌ ಪಾಪಾ' ಅಂತಾರೆ ನಿರ್ದೇಶಕ ಪ್ರೀತಂ ಗುಬ್ಬಿ. 2011ರಲ್ಲಿ ತೆರೆಕಂಡ ಜಾನಿ ಮೇರಾ ನಾಮ್‌ ಚಿತ್ರದ ಮುಂದುವರೆದ ಭಾಗ ಇದಾಗಿದ್ದು, ಪ್ರತಿ ಪಾತ್ರವೂ ನಗಿಸುತ್ತಲೇ ಕಥೆ ಹೇಳುವುದು ಸಿನಿಮಾದ ವಿಶೇಷಗಳಲ್ಲಿ ಒಂದು.
'ಹಳೆ ಜಾನಿಯ ಅಪ್‌ಡೆಟೆಡ್‌ ವರ್ಷನ್‌ ಈ ಜಾನಿ. ಈ ಸಿನಿಮಾದಲ್ಲಿ ವಿಜಯ್‌ ಹೊಸ ಅವತಾರ, ಸ್ಟೈಲಿಷ್‌ ಆ್ಯಕ್ಷನ್‌, ಎಲ್ಲವೂ ಸೇರಿಕೊಂಡು ಸಿನಿಮಾ ಸಖತ್‌ ಫನ್‌ ಫುಲ್‌ ಆಗಿ ಮೂಡಿ ಬಂದಿದೆ. ಸಿನಿಮಾ ಮೊದಲ ಫ್ರೇಮ್‌ನಿಂದ ಕಡೆಯವರೆಗೂ ಪ್ರೇಕ್ಷಕ ನಗುತ್ತಲೇ ಇರುತ್ತಾರೆ. ಪ್ರತಿ ದೃಶ್ಯದಲ್ಲಿಯೂ ರಂಗಾಯಣ ರಘು, ವಿಜಯ್‌ ಸಖತ್‌ ಸ್ಟೈಲಿಷ್‌ ಗೆಟಪ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇವೆಲ್ಲವೂ ಕಥೆಗಾಗಿ ಮಾಡಿರುವಂಥದ್ದು' ಎನ್ನುವುದು ನಿರ್ದೇಶಕರ ಮಾತು.
ಪಾತ್ರಗಳ ಆಯ್ಕೆಯಲ್ಲಿ ವಿಭಿನ್ನತೆ ತೋರಿದ್ದಾರೆ ನಿರ್ದೇಶಕರು. ಅಚ್ಯುತ್‌ಕುಮಾರ್‌, ಸಾಧು ಕೋಕಿಲಾ ಸೇರಿದಂತೆ ಹೆಸರಾಂತ ತಾರಾ ಬಳಗವೇ ಸಿನಿಮಾದಲ್ಲಿದೆ. ದುನಿಯಾ ಟಾಕೀಸ್‌ ಬ್ಯಾನರ್‌ನಡಿ ಈ ಚಿತ್ರವನ್ನು ನಟ ವಿಜಯ್‌ ನಿರ್ಮಾಣ ಮಾಡಿದ್ದಾರೆ.
ಈಗಾಗಲೇ ಬಿಡುಗಡೆ ಆಗಿರುವ ಟೀಸರ್‌ ಮತ್ತು ಹಾಡುಗಳು ಈ ಸಿನಿಮಾ ಸಖತ್‌ ಎಂಟರ್‌ಟೈನಿಂಗ್‌ ಆಗಿರುತ್ತದೆ ಎಂಬುದನ್ನು ತೋರಿಸಿವೆ. ಜಾನಿ ನಿಮ್ಮನ್ನು ನಗಿಸುವುದು ಪಕ್ಕಾ. ಸುಮಾರು 250 ಚಿತ್ರಮಂದಿರದಲ್ಲಿ ಈ ಚಿತ್ರ ರಿಲೀಸ್‌ ಆಗುತ್ತಿದೆ.