ಕಮಲ್ ಹಾಸನ್ ಅಣ್ಣ ಚಂದ್ರ ಹಾಸನ್ ಇನ್ನಿಲ್ಲ

ಚೆನ್ನೈ: ದಕ್ಷಿಣ ಭಾರತದ ಖ್ಯಾತ ಚಿತ್ರ ನಟ ಕಮಲ್ ‌ಹಾಸನ್ ಅವರ ಹಿರಿಯ ಸಹೋದರ ಚಂದ್ರ ಹಾಸನ್ ಲಂಡನ್‌ನ ತಮ್ಮ ಮಗಳ ಮನೆಯಲ್ಲಿ ಹೃದಯಾಘಾತದಿಂದ ಕೊನೆಯುಸಿರೆಳೆದಿದ್ದಾರೆ.

ಅವರಿಗೆ 82 ವರ್ಷ ವಯಸ್ಸಾಗಿತ್ತು. ವಿಜಯ್ ಟಿವಿಯಲ್ಲಿ ಪ್ರಸಾರವಾಗುವ 'ಅನು ವಿಥ್ ಕಾಫಿ' ಶೋನ ನಿರೂಪಕಿ ಅನು ಹಾಸನ್ ತಂದೆಯೂ ಆದ ಚಂದ್ರ ಹಾಸನ್, ರಾಜ್ ಕಮಲ್ ಇಂಟರ್‌ನ್ಯಾಷನಲ್ ಸಂಸ್ಥೆಯ ನಿರ್ಮಾಪಕರಾಗಿದ್ದರು.

ಕಮಲ್ ಹಾಸನ್ ಅವರ ಥೂಂಗವಣಮ್, ವಿಶ್ವರೂಪಮ್‌ನಂಥ ಚಿತ್ರಗಳ ಯಶಸ್ಸಿನ ಹಿಂದೆ ಚಂದ್ರಹಾಸನ್ ಶ್ರಮವೂ ಅಧಿಕವಾಗಿತ್ತು.

73 ವರ್ಷದ ಇವರ ಪತ್ನಿ ಗೀತಮಣಿ ಕಳೆದ ಜನವರಿಯಲ್ಲಿ ಕೊನೆಯುಸಿರೆಳೆದಿದ್ದರು.