ಸೃಜನ್‌ ಲೋಕೇಶ್ ಪತ್ನಿ ಗ್ರೀಷ್ಮಾಗೆ ಸೀಮಂತ ಸಂಭ್ರಮ

ನಟ, ಕಿರುತೆರೆ ನಿರೂಪಕ ಸೃಜನ್ ಲೋಕೇಶ್ ತಂದೆಯಾಗುವ ಸಂಭ್ರಮದಲ್ಲಿದ್ದಾರೆ. ಅವರ ಪತ್ನಿ ಗ್ರೀಷ್ಮಾ ಈಗ ತುಂಬು ಗರ್ಭಿಣಿಯಾಗಿದ್ದು ಇತ್ತೀಚೆಗಷ್ಟೇ ಸೀಮಂತ್ರ ಸಂಭ್ರಮ ಆಚಸಿಕೊಂಡಿದ್ದಾರೆ. ಬೆಂಗಳೂರಿನಲ್ಲಿ ನಡೆದ ಸೀಮಂತ ಕಾರ್ಯಕ್ರಮದಕ್ಕೆ ಹಲವು ಸೆಲೆಬ್ರಿಟಿಗಳು ಆಗಮಿಸಿ ಶುಭ ಹಾರೈಸಿದ್ದಾರೆ.

ಗ್ರೀಷ್ಮಾ ಅವರ ಸೀಮಂತಕ್ಕೆ ಸಂಬಂಧಿಸಿದ ಫೋಟೋಗಳು ಲಭ್ಯವಾಗಿದ್ದು 'ಮಜಾ ಟಾಕೀಸ್‌'ನ ರಾಣಿ ಶ್ವೇತಾ ಚೆಂಗಪ್ಪ, ಸೃಜನ್ ಲೋಕೇಶ್ ಸಹೋದರಿ ಪೂಜಾ ಲೋಕೇಶ್ ಸೇರಿದಂತೆ ಹಲವರು ಸೀಮಂತ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು.

2010ರಲ್ಲಿ ಗ್ರೀಷ್ಮಾ ಅವರನ್ನು ಮದುವೆಯಾಗಿದ್ದಾರೆ ಸೃಜನ್. ರಂಗಭೂಮಿ ಹಾಗೂ ಕಿರುತೆರೆ ನಟಿಯೂ ಆಗಿರುವ ಗ್ರೀಷ್ಮಾ ಕಥಕ್ಕಳಿ ನೃತ್ಯಪಟು ಸಹ. ಈಗಾಗಲೆ ಸೃಜನ್-ಗ್ರೀಷ್ಮಾ ದಂಪತಿಗಳಿಗೆ ಒಂದು ಗಂಡು ಮಗು ಇದೆ. ಈಗ ಎರಡನೇ ಮಗುವಿನ ನಿರೀಕ್ಷೆಯಲ್ಲಿದೆ ಈ ಜೋಡಿ.

ಈ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ಶ್ವೇತಾ ಚೆಂಗಪ್ಪ ಮಾಹಿತಿ ಹಂಚಿಕೊಂಡಿದ್ದು, "ಶೀಘ್ರದಲ್ಲೇ ಮಗುವೊಂದು ಈ ಕುಟುಂಬದ ಸೇರಲಿದೆ" ಎಂದಿದ್ದಾರೆ. ಮಾರ್ಚ್ 10ರಂದು ಬೆಂಗಳೂರಿನಲ್ಲಿ ಸೀಮಂತ ಕಾರ್ಯಕ್ರಮ ನೆರವೇರಿತು.