ರಾಧಿಕಾ ಪಂಡಿತ್ ಯಶ್ ಅವರನ್ನೇ ಮದುವೆಯಾಗಿದ್ದು ಯಾಕೆ ಗೊತ್ತೇ?

ಸ್ಯಾಂಡಲ್‌ವುಡ್ ಕ್ಯೂಟ್ ಜೋಡಿ ರಾಧಿಕಾ ಪಂಡಿತ್ ಮತ್ತು ಯಶ್ ಅವರಿಬ್ಬರೂ ನಿನ್ನೆ (ಆಗಸ್ಟ್ ತಿಂಗಳ ಮೊದಲ ರವಿವಾರ) 'ಫ್ರಂಡ್‌ಶಿಪ್ ಡೇ' ಅಂಗವಾಗಿ ಹೊಸ ಸಂಗತಿಯೊಂದನ್ನು ರಿವೀಲ್ ಮಾಡಿದ್ದಾರೆ. ಈ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿರುವ ರಾಧಿಕಾ ಪಂಡಿತ್ ಮದುವೆಗಿಂತ ಮೊದಲು ಯಶ್ ಮತ್ತು ತಮ್ಮ ನಡುವಿನ ಸ್ನೇಹದ ಬಗ್ಗೆ ಹೇಳಿಕೊಂಡಿದ್ದಾರೆ. ಯಶ್-ರಾಧಿಕಾ ಅವರಿಬ್ಬರ ಪ್ರೀತಿ, ಬಳಿಕ ಮದುವೆ ಬಗ್ಗೆ ಇಡೀ ಸ್ಯಾಂಡಲ್‌ವುಡ್‌ಗೆ ಗೊತ್ತಿದೆ.

ಆದರೂ ಅದನ್ನು ರಾಧಿಕಾ ಅಥವಾ ಯಶ್ ಹೇಳಿದರೆ ಮಜವೇ ಬೇರೆ ಎನ್ನಬಹುದು. ಸ್ನೇಹಿತರ ದಿನಾಚರಣೆ ಅಂಗವಾಗಿ ನಟಿ ರಾಧಿಕಾ ಪಂಡಿತ್ ಯಶ್ ಹಾಗು ತಮ್ಮ ಫೋಟೋವನ್ನು ಸೋಷಿಯಲ್ ಮೀಡಿಯಾಗೆ ಅಪ್ಲೋಡ್ ಮಾಡಿದ್ದಾರೆ. ಜತೆಗೆ, ಅದಕ್ಕೊಂದು ಕ್ಯಾಪ್ಶನ್ ಕೊಟ್ಟಿದ್ದಾರೆ. "ಅವರು ಹೇಳಿದರು... ಜೀವನವು ನಿನ್ನ ಬೆಸ್ಟ್ ಫ್ರಂಡ್ ಜತೆಗಿದ್ದರೆ ಚೆನ್ನಾಗಿರುತ್ತದೆ ಎಂದು, ಅದಕ್ಕೇ ನಾನು ನನ್ನ ಬೆಸ್ಟ್ ಫ್ರಂಡ್‌ಅನ್ನು ಮದುವೆ ಮಾಡಿಕೊಂಡೆ.." ಎಮದು ಪೋಸ್ಟ್ ಮಾಡಿದ್ದಾರೆ.

ಇನ್ನು ರಾಕಿಂಗ್ ಸ್ಟಾರ್ ಯಶ್ ಈ ಬಗ್ಗೆ ಪೋಸ್ಟ್ ಮಾಡಿ 'ಆದಷ್ಟು ಬೇಗ ಸ್ನೇಹಿತರ ದಿನಾಚರಣೆಯ ಫೋಟೋ ಶೇರ್ ಆಗಲಿದೆ" ಎಂದು ಹೇಳಿ ಬಳಿಕ ಅವರಿಬ್ಬರ (ಯಶ್-ರಾಧಿಕಾ) ಫೋಟೋ ಶೇರ್ ಮಾಡಿದ್ದಾರೆ. ಅವರಿಬ್ಬರ ಫೋಟೋ ನೋಡಿ ಅಭಿಮಾನಿಗಳು ಸಖತ್ ಖುಷಿಯಾಗಿದ್ದಾರೆ. ಮದುವೆಗಿಂತ ಮೊದಲು ಬೆಸ್ಟ್ ಫ್ರಂಡ್ಸ್ ಆಗಿದ್ದ ಯಶ್ ಮತ್ತು ರಾಧಿಕಾ ಪಂಡಿತ್ ಜೋಡಿ ಆ ಬಳಿಕ ಸಹ ಸಾಕಷ್ಟು ಆತ್ಮೀಯತೆಯಿಂದಲೇ ಇದ್ದಾರೆ. ಅವರಿಬ್ಬರ ಅಂಡರ್‌ಸ್ಟ್ಯಾಂಡಿಂಗ್ ನೋಡಿ ಇಡೀ ಕರ್ನಾಟಕ ಗಂಡ-ಹೆಂಡತಿ ಎಂದರೆ ಹೀಗಿರಬೇಕು ಎನ್ನುತ್ತಿದ್ದಾರೆ.