ಸ್ಯಾಂಡಲ್‌ವುಡ್‌ನಲ್ಲಿ ಬೆಚ್ಚಿಬೀಳಿಸುತ್ತಿರುವ 'ಆಕೆ'

ಹಲವಾರು ಪ್ರಯೋಗಾತ್ಮಕ ಸಿನಿಮಾಗಳ ಮೂಲಕ ಸ್ಯಾಂಡಲ್‌ವುಡ್‌ನಲ್ಲಿ ಭರವಸೆ ಮೂಡಿಸಿದ ನಿರ್ದೇಶಕ ಕೆ.ಎಂ. ಚೈತನ್ಯ. ಇದೀಗ ಅವರು ಮತ್ತೊಮ್ಮೆ ಥ್ರಿಲ್ ನೀಡಲು ಮುಂದಾಗಿದ್ದಾರೆ. ಅವರ ನಿರ್ದೇಶನದ 'ಆಕೆ' ಸಿನಿಮಾ ಇದೇ ಜೂನ್ ನಲ್ಲಿ ಪ್ರೇಕ್ಷಕರನ್ನು ಬೆಚ್ಚಿ ಬೀಳಿಸಲು ಬರುತ್ತಿದೆ.

ಇದೀಗ 'ಆಕೆ' ಸಿನಿಮಾದ ಇನ್ನೊಂದು ಟ್ರೇಲರ್ ಬಿಡುಗಡೆಯಾಗಿದೆ. ಟ್ರೇಲರ್‌ ನೋಡುತ್ತಿದ್ದರೆ ಪ್ರೇಕ್ಷಕರಿಗೆ ಭರ್ಜರಿ ಹಾರರ್ ಅನುಭವ ಸಿಗುವುದು ಗ್ಯಾರಂಟಿಯಾಗುತ್ತದೆ. ಇಷ್ಟು ದಿನಗಳ ಕಾಲ ಬಾಲಿವುಡ್ ಚಿತ್ರಗಳನ್ನು ವಿತರಣೆ ಮಾಡುತ್ತಿದ್ದ ಎರೋಸ್ ಇಂಟರ್‌ನ್ಯಾಶನಲ್ ಈ ಚಿತ್ರದ ಮೂಲಕ ಕನ್ನಡಕ್ಕೆ ಅಡಿಯಿಡುತ್ತಿರುವುದು ವಿಶೇಷ.

ಚಿತ್ರದ ಪಾರ್ತವರ್ಗದಲ್ಲಿ ಚಿರಂಜೀವಿ ಸರ್ಜಾ, ಶರ್ಮಿಳಾ ಮಾಂಡ್ರೆ, ಅಚ್ಯುತಕುಮಾರ, ಪ್ರಕಾಶ್‌ ಬೆಳವಾಡಿ ಅವರಂಥ ಪ್ರತಿಭಾವಂತ ಕಲಾವಿದರ ಬಳಗವೇ ಇದೆ. ಕಲೈ ಮತ್ತು ಸೂರ್ಯ ನಿರ್ಮಾಪಕರಾಗಿರುವ ಈ ಚಿತ್ರಕ್ಕೆ ಗುರುಕಿರಣ್‌ ಸಂಗೀತ ನಿರ್ದೇಶನವಿದೆ.

ಈ ಚಿತ್ರದ ವಿಶೇಷತೆಗಳಲ್ಲಿ ಯುಕೆ ಮೂಲದ ಇಯಾನ್ ಹೋವೆಸ್ ಹಾಗೂ ಮಲಹರ್‌ಬಟ್ ಜೋಶಿ ಅವರ ಛಾಯಾಗ್ರಹಣವಿದೆ. ರಾಜಮನೆತನದ ನಂಟಿನ ಯುವತಿಯ ಬಗ್ಗೆ ಲೇಖಕಿ ಕೇಟ್‌ ಕುರಿತ ಪುಸ್ತಕದ ಸಾರವೇ ಚಿತ್ರದ ಕಥಾವಸ್ತು. ಚಿತ್ರದ ಟ್ರೇಲರ್ ಮೇಲೆ ಒಮ್ಮೆ ಕಣ್ಣಾಡಿಸಿ.