ಮೊದಲ ವಾರದಲ್ಲೇ ರೂ.25 ಕೋಟಿ 'ಭರ್ಜರಿ' ಕಲೆಕ್ಷನ್

ಧ್ರುವ ಸರ್ಜಾ ಅಭಿನಯದ 'ಭರ್ಜರಿ' ಚಿತ್ರ ಬಾಕ್ಸಾಫೀಸಲ್ಲಿ ಬೊಂಬಾಟ್ ಕಲೆಕ್ಷನ್ ಮಾಡಿರುವುದಾಗಿ ಚಿತ್ರತಂಡ ತಿಳಿಸಿದೆ. ಈ ಮೂಲಕ ಸುದೀರ್ಘ ಸಮಯದ ಬಳಿಕ ಸ್ಯಾಂಡಲ್‌ವುಡ್‌ ಬಾಕ್ಸಾಫೀಸ್ ಗಲ್ಲಾಪೆಟ್ಟಿಗೆ ಸದ್ದು ಮಾಡಿದೆ. [ಭರ್ಜರಿ ಚಿತ್ರವಿಮರ್ಶೆ ಓದಿ]

ಒಂದೇ ವಾರದಲ್ಲಿ ಈ ಸಿನಿಮಾ ರೂ.25 ಕೋಟಿಗೂ ಅಧಿಕ ಕಲೆಕ್ಷನ್ ಮಾಡುವ ಮೂಲಕ ಸ್ಯಾಂಡಲ್‌ನಲ್ಲಿ ಭರವಸೆಯ ಮಿಂಚಾಗಿ ಧ್ರುವ ಸರ್ಜಾ ಹೊರಹೊಮ್ಮಿದ್ದಾರೆ. ಅದ್ಧೂರಿ, ಬಹದ್ದೂರ್‌ ಸಿನಿಮಾಗಳ ಬಳಿಕ ಭರ್ಜರಿ ಚಿತ್ರವೂ ಹಿಟ್ ಆಗಿದ್ದು ಹ್ಯಾಟ್ರಿಕ್ ಗೆಲುವು ಸಾಧಿಸಿದ್ದಾರೆ.

ಈ ಚಿತ್ರದಲ್ಲಿ ಅವರ ಡೈಲಾಗ್‌ ಡಿಲೆವರಿ, ಡಾನ್ಸ್‌ ಮತ್ತು ಫೈಟ್‌ಗಳಿಂದ ಪಡ್ಡೆ ಹೈಕ್ಳ ನೆಚ್ಚಿನ ನಟರಾಗಿದ್ದಾರೆ. ಭರ್ಜರಿಯಲ್ಲಿ ಧ್ರುವ ಹಾಕಿರುವ ಒಂದು ಸ್ಟೆಪ್‌ ಈಗ ಸಖತ್‌ ಫೇಮಸ್‌ ಆಗಿದೆ. ಅದನ್ನು ಅವರು ಕೇವಲ ಒಂದು ವಾರದಲ್ಲಿ ಕಲಿತುಕೊಂಡಿದ್ದಾರಂತೆ. ಪ್ರತಿ ಹಾಡುಗಳಲ್ಲಿಯೂ ಅವರು ಉತ್ತಮವಾಗಿ ಡಾನ್ಸ್‌ ಮಾಡಲು ಮುಖ್ಯ ಕಾರಣ ನೃತ್ಯ ನಿರ್ದೇಶಕರು ಎನ್ನುತ್ತಾರೆ ಧ್ರುವ. ಒಟ್ಟಿನಲ್ಲಿ ಭರ್ಜರಿ ಸಿನಿಮಾದ ಮೂಲಕ ಧ್ರುವ ಮತ್ತು ಚೇತನ್‌ಕುಮಾರ್‌ರ ಕಾಂಬಿನೇಷನ್‌ ಮತ್ತೊಮ್ಮೆ ಜಾದೂ ಮಾಡಿದೆ.

https://t.co/lXi6o3R1TE ಜೈ ಆಂಜನೇಯ 😊 pic.twitter.com/H3L83NTaCg — Dhruva Sarja (@DhruvaSarja) September 22, 2017