ವೋಟಿಂಗ್ ಮಾಡಿ ಕರ್ತವ್ಯ ಮೆರೆದ ಸಿನಿಮಾ ತಾರೆಗಳು
ಸ್ಯಾಂಡಲ್ವುಡ್ ಸೆಲೆಬ್ರಿಟಿಗಳು ಬಹಳಷ್ಟು ಜನ ವೋಟ್ ಮಾಡಿದ್ದಾರೆ. ಈ ಮೊದಲು ಸಾಕಷ್ಟು ಸೆಲೆಬ್ರಿಟಿಗಳು 'ಮತದಾನದ ಜಾಗೃತಿ' ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ತಮ್ಮ ಸೋಷಿಯಲ್ ಮೀಡಿಯಾಗಳ ಮೂಲಕವೂ ಸಾಕಷ್ಟು ತಾರೆಗಳು ಮತದಾನ ಜಾಗೃತಿ ಅಭಿಯಾನಕ್ಕೆ ಕೈ ಜೋಡಿಸಿದ್ದರು.
Vijaya Karnataka Web 18 Apr 2019, 1:16 pm
ಬಿಗ್ ಬಾಸ್, ಕಿರುತೆರೆ ಮತ್ತು ಸಿನಿಮಾ ನಟ ಪ್ರಥಮ್ ಇಂದು ಬೆಳಿಗ್ಗೆಯೇ ವೋಟ್ ಮಾಡಿದ್ದಾರೆ. ಅದನ್ನು ಅವರು ತಮ್ಮ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿ ಜನಜಾಗೃತಿ ಮೆರೆದಿದ್ದಾರೆ. "ಬೆಂಗಳೂರಿಂದ 200 km ದೂರದ ಕೊಳ್ಳೇಗಾಲದ ಹನೂರು ತಾಲುಕು ಹಲಗಾಪುರದಲ್ಲಿ ಸೂರ್ಯ ಹುಟ್ಟುತಾ ಇದ್ದಂಗೆ ಪ್ರಪ್ರಥಮ vote (ನನ್ನ ಹಕ್ಕನ್ನು) ಚಲಾಯಿಸಿದೆ!!ನೀವೂ vote ಮಾಡಿ...ದೇಶಕ್ಕೋಸ್ಕರ vote ಮಾಡಿ.... Plz miss ಮಾಡ್ಬೇಡಿ ಆಯ್ತಾ?" ಎಂದು ಅವರು ಬರೆದುಕೊಂಡಿದ್ದಾರೆ.
ಇನ್ನು ಸ್ಯಾಂಡಲ್ವುಡ್ ನಟಿ ಅಮೂಲ್ಯಾ-ಜಗದೀಶ್ ದಂಪತಿಗಳು ಸಹ ವೋಟ್ ಮಾಡಿದ್ದಾರೆ. ಅಷ್ಟೇ ಅಲ್ಲ, ಅಮೂಲ್ಯಾ ಅದರ ಫೋಟೋವನ್ನು ತಮ್ಮ ಟ್ವೀಟರ್ ಖಾತೆಯಲ್ಲಿ ಹಂಚಿಕೊಂಡು "I voted for nationality ,integrity & national security ... cast your vote for new India ...👆.." ಎಂದು ಬರೆದುಕೊಂಡಿದ್ದಾರೆ.
ಇನ್ನು ನಟ ರಮೇಶ್ ಅರವಿಂದ್ ದಂಪತಿಗಳು, ನಟಿ ಶ್ರದ್ಧಾ ಶ್ರೀನಾಥ್, ಗೋಲ್ಡನ್ ಸ್ಟಾರ್ ಗಣೇಶ್, ಮಾಳವಿಕಾ, ನಿರ್ದೇಶಕ ಶಶಾಂಕ್, ನಿರ್ದೇಶಕ ಸಂತೋಷ್ ಆನಂದ್ರಾಮ್, ಜಗ್ಗೇಶ್-ಪರಿಮಳಾ ದಂಪತಿ, ಕಮಲ್ ಹಾಸನ್, ಶ್ರುತಿ ಹಾಸನ್, ಅಗ್ನಿಸಾಕ್ಷಿ ನಟಿ ವೈಷ್ಣವಿ, ಚಂದನ್ ಶೆಟ್ಟಿ, ರಜಿನಿಕಾಂತ್, ಸಂಯುಕ್ತಾ ಬೆಳವಾಡಿ ಹಾಗೂ ನಿರ್ದೇಶಕ ಸಿಂಪಲ್ ಸುನಿ, ತಾರಾ-ವೇಣು ದಂಪತಿಗಳು ಮುಂತಾದವರು ತಮ್ಮ ಹಕ್ಕನ್ನು ಚಲಾಯಿಸಿ ಕರ್ತವ್ಯವನ್ನು ಮರೆದಿದ್ದಾರೆ.