ಅರ್ಜುನ್ ಸರ್ಜಾ ವಿರುದ್ದದ FIR ರದ್ದು ಅರ್ಜಿ ವಿಚಾರಣೆ ಮುಂದೂಡಿಕೆ

ಬೆಂಗಳೂರು: ಶ್ರುತಿ ಹರಿಹರನ್ ಮಾಡಿದ ಮಿ ಟೂ ಪ್ರಕರಣಕ್ಕೆ ಸಂಬಂಧಿಸಿದಂತೆ ಎಫ್ಐ ಆರ್ ರದ್ದು ಕೋರಿ ನಟ ಅರ್ಜುನ್ ಸರ್ಜಾ ಸಲ್ಲಿಸಿದ್ದ ಅರ್ಜಿ ವಿಚಾರಣೆಯನ್ನು ಹೈಕೋರ್ಟ್ ಮುಂದೂಡಿದೆ.

ಕಬ್ಬನ್ ಪಾರ್ಕ್ ಪೊಲೀಸ್ ಠಾಣೆಯಲ್ಲಿ ತಮ್ಮ ವಿರುದ್ಧ ನಟಿ ಶ್ರುತಿ ಹರಿಹರನ್ ಸಲ್ಲಿಸಿದ್ದ ಲೈಂಗಿಕ ಕಿರುಕುಳ ಅರ್ಜಿಯನ್ನು ರದ್ದು ಪಡಿಸುವಂತೆ ಸರ್ಜಾ ಕೋರಿದ್ದರು.

ಇಂದು‌ ಹೈಕೋರ್ಟ್ ಏಕಸದಸ್ಯ ಪೀಠ ವಿಚಾರಣೆಯನ್ನು ಕೈಗೆತ್ತಿಕೊಂಡಿತ್ತು. ಕ್ರಿಸ್‌ಮಸ್ ರಜೆ ಬಳಿಕ ವಿಚಾರಣೆಗೆ ನಡೆಸುವಂತೆ
ಇಬ್ಬರ ಪರ ವಕೀಲರು ಮನವಿ ಮಾಡಿದ್ದರು. .ಇದನ್ನು ಪುರಸ್ಕರಿಸಿದ ನ್ಯಾಯಾಲಯ ಇಬ್ಬರ ಸಮ್ಮತಿ ಮೇರೆಗೆ ವಿಚಾರಣೆ ಮುಂದೂಡಿಕೆ ಮಾಡಿದ್ದಾರೆ‌‌.

ಈ ಹಿಂದೆ ಅರ್ಜುನ್ ಬಂಧಿಸದಂತೆ ಆದೇಶ ಹೊರಡಿಸಿದ್ದ ಹೈ ಕೋರ್ಟ್ ಈಗಲೂ ಮುಂದಿನ ವಿಚಾರಣೆಗೆ ಬರುವ ತನಕ ಅರ್ಜುನ್ ವಿರುದ್ದ ಯಾವುದೇ ಕ್ರಮ ತೆಗೆದುಕೊಳ್ಳದಂತೆ ಪೊಲೀಸರಿಗೆ ಆದೇಶ ಹೊರಡಿಸಿದೆ.