ಮೇಕಪ್‌ ಇಲ್ಲದ ಕೀರ್ತಿ ಸುರೇಶ್‌ ಫೋಟೋ ವೈರಲ್‌

ಕಾಜಲ್‌ ಅಗರ್‌ವಾಲ್‌ ಮೇಕಪ್‌ ಇಲ್ಲದ ತಮ್ಮ ಫೋಟೋ ಅನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್‌ ಮಾಡಿದ ಬೆನ್ನಲ್ಲೇ ಜನಪ್ರಿಯ ನಟಿ ಕೀರ್ತಿ ಸುರೇಶ್‌ ಕೂಡಾ ಇದೇ ರೀತಿ ಫೋಟೋ ಶೇರ್‌ ಮಾಡಿದ್ದಾರೆ. ಇದೀಗ ವೈರಲ್‌ ಆಗಿದೆ.

ಪ್ರತಿಭಾವಂತ ನಟಿ ಕೀರ್ತಿ ಸುರೇಶ್‌ ಬಾಲಿವುಡ್‌ ಸಿನಿಮಾದಲ್ಲಿ ನಟಿಸಲಿದ್ದು, ಇದಕ್ಕಾಗಿ ವರ್ಕೌಟ್‌ ಮಾಡುತ್ತಿದ್ದಾರೆ. ಇನ್ನಷ್ಟು ಸಣ್ಣಗಾಗಿರುವ ಅವರು ಜಿಮ್‌ ಸೆಂಟರ್‌ನಲ್ಲಿರುವ ಫೋಟೋ ಶೇರ್‌ ಮಾಡಿದ್ದಾರೆ. ಯಾವುದೇ ಮೇಕಪ್‌ ಇಲ್ಲದ ಕೀರ್ತಿ ಸುರೇಶ್‌ ಎಲ್ಲರಲ್ಲಿ ಅಚ್ಚರಿ ಮೂಡಿಸಿದ್ದಾರೆ.

ಸಿಲೆಬ್ರಿಟೆಗಳು ಅದರಲ್ಲೂ ಸಿನಿಮಾ ನಟಿಯರು ಮೇಕಪ್‌ ಇಲ್ಲದೆ ಹೊರಗೆ ಕಾಣಿಸಿಕೊಳ್ಳುವುದಿಲ್ಲ. ಇದರಿಂದ ಅವರು ಸದಾ ಗಂಧರ್ವ ಕನ್ಯೆಯರಂತೆ ಅವರ ಅಭಿಮಾನಿಗಳಿಗೆ ಕಾಣುತ್ತಾರೆ. ಈ ನಟಿಯರೆಲ್ಲರೂ ಸುಂದರವಾಗಿದ್ದಾರೆ ಎಂದೇ ಎಲ್ಲರು ಭಾವಿಸುತ್ತಾರೆ. ಆದರೆ, ಈಗ ನಟಿಯರು ತಮ್ಮ ರಿಯಲ್‌ ಫೇಸ್‌ ಅನ್ನು ಬಹಿರಂಗಗೊಳಿಸುತ್ತಿದ್ದಾರೆ. ಸುಂದರವಾಗಿ ಕಾಣಿಸಿಕೊಳ್ಳಲು ಮೇಕಪ್‌ನಲ್ಲೇ ಹೊರಗೆ ಬರುವ ನಟಿಯರು ತಾವೂ ಕೂಡಾ ಎಲ್ಲರಂತೆ ಸಾಮಾನ್ಯವಾಗಿ ಕಾಣುತ್ತೇವೆ ಎನ್ನುವುದನ್ನು ನಿರೂಪಿಸುತ್ತಿದ್ದಾರೆ. ಮೇಕಪ್‌ ಇಲ್ಲದೆ ಅವರನ್ನು ಗುರುತು ಹಿಡಿಯುವುದೂ ಕೂಡಾ ಅವರ ಅಭಿಮಾನಿಗಳಿಗೆ ಕಷ್ಟವಾಗ್ತಿದೆ. ಆದರೆ, ಇದು ಇತರ ಹೆಣ್ಣುಮಕ್ಕಳಿಗೆ ಪ್ರೇರಣೆ ನೀಡುವಂತಿದೆ.