KGF Movie Showtimes: ಬೆಂಗಳೂರಲ್ಲಿ ಬೆಳಗ್ಗೆ 6 ಗಂಟೆಗೆ ಕೆಜಿಎಫ್ ಮಾರ್ನಿಂಗ್ ಶೋ

ಈಗಾಗಲೆ ಕೆಜಿಎಫ್: ಚಾಪ್ಟರ್ 1 ಚಿತ್ರದ ಮುಂಗಡ ಬುಕಿಂಗ್ ಆರಂಭವಾಗಿದ್ದು ಭಾನುವಾರದಿಂದಲೇ (ಡಿಸೆಂಬರ್ 16)ಆನ್‍ಲೈನ್ ಮೂಲಕ ಅಭಿಮಾನಿಗಳು ಟಿಕೆಟ್ ಬುಕಿಂಗ್ ಮಾಡಿದ್ದು ಬಹುತೇಕ ಕಡೆ ಮುಕ್ಕಾಲು ಭಾಗ ಸೀಟ್‌ಗಳು ಭರ್ತಿ ಆಗಿವೆ.

ಆನ್‌ಲೈನ್ ಬುಕಿಂಗ್ 'ಬುಕ್ ಮೈ ಶೋ' ಮೂಲಕ ತೆರೆಯಲಾಗಿದು ಬೆಳಗಿನ ಶೋ ಟಿಕೆಟ್‌ಗಳು ಬಹುತೇಕ ಸೋಲ್ಡ್ ಔಟ್ ಆಗಿವೆ. ಬನಶಂಕರಿಯ ಕಾಮಾಕ್ಯ ಚಿತ್ರಮಂದಿರಗಲ್ಲಿ ಬೆಳಗಿನ ಆಟ 6.15ಕ್ಕೆ (ಡಿಸೆಂಬರ್ 21ಕ್ಕೆ) ಆರಂಭವಾಗುತ್ತಿದ್ದರೆ ಎಸ್‍ಪಿ ರಸ್ತೆಯ ಶಾರದಾ ಸಿನಿಮಾ (ಎಸಿ) 6 ಗಂಟೆಗೆ ಬೆಳಗಿನ ಶೋ ಆರಂಭಿಸುತ್ತಿದೆ.

ತಿರುಮಲ ಡಿಜಿಟಲ್ 4k ಸಿನಿಮಾ-ಅಗರ, ಶ್ರೀವಿನಾಯಕ ಸಿನಿಮಾಸ್ 4k ಡಾಲ್ಬಿ 7.1-ವರ್ತೂರು ಚಿತ್ರಮಂದಿರಗಳಲ್ಲಿ ಬೆಳಗ್ಗೆ 6ಕ್ಕೆ ಶೋ ಆರಂಭವಾಗುತ್ತಿದೆ. ಕೇವಲ ಬುಕ್ ಮೈ ಶೋ ಅಷ್ಟೇ ಅಲ್ಲದೆ ticketnew.com ಮೂಲಕವೂ ಬುಕ್ ಮಾಡಿಕೊಳ್ಳಬಹುದಾಗಿದೆ.

ಸೆನ್ಸಾರ್‌ನಲ್ಲಿ ಯು/ಎ ಪ್ರಮಾಣಪತ್ರ ಪಡೆದಿರುವ ಈ ಸಿನಿಮಾದ ಕಾಲವಧಿ 2 ಗಂಟೆ 31 ನಿಮಿಷಗಳಾಗಿದ್ದು 70-80ರ ದಶಕಕ್ಕೆ ಪ್ರೇಕ್ಷಕರನ್ನು ಕರೆದೊಯ್ಯಲಿದೆ. ದೇಶದಾದ್ಯಂತ ಸುಮಾರು 1800 ರಿಂದ 2000 ಚಿತ್ರಮಂದಿರಗಳಲ್ಲಿ ಕೆ.ಜಿ.ಎಫ್: ಚಾಪ್ಟರ್ 1 ತೆರೆಕಾಣುತ್ತಿದೆ. ನಮ್ಮ ರಾಜ್ಯದಲ್ಲಿ ಸುಮಾರು 350 ತೆರೆಗಳನ್ನು ಅಲಂಕರಿಸಲಿದೆ. ರಾಜ್ಯದ್ದೇ ಕೆಲವು ಚಿತ್ರಮಂದಿರಗಳಲ್ಲಿ ಕನ್ನಡದ ಜತೆಗೆ ತೆಲುಗು, ತಮಿಳು, ಮಲಯಾಳಂ ಮತ್ತು ಹಿಂದಿ ಆವೃತ್ತಿಗಳೂ ಪ್ರದರ್ಶನ ಕಾಣಲಿವೆ ಎನ್ನುತ್ತಿವೆ ಮೂಲಗಳು.