ಏಪ್ರಿಲ್ ಕೊನೆ ವಾರದಲ್ಲಿ 'KGF 2' ಸೆಟ್‍ಗೆ ಯಶ್ ಎಂಟ್ರಿ

ಕೆಜಿಎಫ್: ಚಾಪ್ಟರ್ 1 ಸಿನಿಮಾ ಬಾಕ್ಸ್ ಆಫೀಸಲ್ಲಿ ಧೂಳೆಬ್ಬಿಸಿದ್ದು ಗೊತ್ತೇ ಇದೆ. ಇದೀಗ ರಾಕಿಂಗ್ ಸ್ಟಾರ್ ಯಶ್ ಕೆಜಿಎಫ್: ಚಾಪ್ಟರ್ 2 ಗೆ ಸಿದ್ಧವಾಗುತ್ತಿದ್ದಾರೆ. ಇತ್ತೀಚೆಗಷ್ಟೇ ಚಿತ್ರತಂಡ ಸರಳವಾಗಿ ಮುಹೂರ್ತ ಆಚರಿಸಿಕೊಂಡಿತ್ತು. ಇದೀಗ ಭಾಗ 2ರ ಚಿತ್ರೀಕರಣಕ್ಕೆ ರೆಡಿಯಾಗಿದೆ.

ಮೂಲಗಳ ಪ್ರಕಾರ ಏಪ್ರಿಲ್ ಕೊನೆ ವಾರದಿಂದ ಕೆಜಿಎಫ್ 2 ಚಿತ್ರೀಕರಣ ಆರಂಭವಾಗಲಿದೆ. ಕೆಜಿಎಫ್ 1 ಚಿತ್ರ ಮುಂದೇನು ಎಂಬ ಕುತೂಹಲ ಮೂಡಿಸಿದೆ. ಗರುಡನನ್ನು ರಾಖಿ ಭಾಯ್ ಸಾಯಿಸಿದ ಬಳಿಕ ಕೆಜಿಎಫ್ ಮೇಲೆ ಯಾರು ಹಿಡಿತ ಸಾಧಿಸಲಿದ್ದಾರೆ, ಮುಂದಿನ ಬೆಳವಣಿಗೆಗಳು ಏನು, ಅಂದಿನ ಪ್ರಧಾನಿ ರಾಖಿ ಭಾಯ್‌ರನ್ನು ಮುಗಿಸಿ ಎಂದು ಹೇಳಿದ್ದು ಯಾಕೆ? ಎಂಬಿತ್ಯಾದಿ ಪ್ರಶ್ನೆಗಳಿಗೆ ಭಾಗ 2ರಲ್ಲಿ ಉತ್ತರ ಸಿಗಲಿದೆ.

ಸದ್ಯಕ್ಕೆ ಸುಮಲತಾ ಅಂಬರೀಶ್ ಪರ ಮಂಡ್ಯದಲ್ಲಿ ಯಶ್ ಪ್ರಚಾರದಲ್ಲಿ ಬಿಝಿ ಇದ್ದು, ಕೆಜಿಎಫ್ 2 ಚಿತ್ರಕ್ಕೂ ತಯಾರಿ ನಡೆಸಿದ್ದಾರೆ. ಭಾಗ 2ಕ್ಕೆ ಅವರ ಗಡ್ಡ ರೆಡಿಯಾಗಿರುವುದನ್ನು ಇತ್ತೀಚೆಗೆ ನಡೆದ ಪತ್ರಿಕಾಗೋಷ್ಠಿಯಲ್ಲಿ ನೋಡಿಯೇ ಇರುತ್ತೀರ. ಏಪ್ರಿಲ್ ಕೊನೆಯ ವಾರದಲ್ಲಿ ಕೆಜಿಎಫ್ ಸೆಟ್‍ಗೆ ಯಶ್ ಎಂಟ್ರಿ ಕೊಡಲಿದ್ದಾರೆ.

ಕೆಜಿಎಫ್' ನಿರ್ದೇಶಕ ಪ್ರಶಾಂತ್ ನೀಲ್ ಲೊಕೇಶನ್ ಹುಡುಕಾಟ ಹಾಗೂ ಸಂಭಾಷಣೆ ಬರೆಯುವುದರಲ್ಲಿ ನಿರತರಾಗಿದ್ದಾರೆ. ಇಡೀ ಚಿತ್ರತಂಡ 'ಕೆಜಿಎಫ್ ಚಾಪ್ಟರ್-2' ಸಿದ್ಧತೆಯಲ್ಲಿ ತೊಡಗಿಕೊಂಡಿದೆ. ಅಚ್ಚರಿ ಎಂಬಂತೆ, ನಾಯಕ ಯಶ್ ಕೂಡ ಚಿತ್ರತಂಡದ ಜೊತೆ ಸೇರಿಕೊಂಡಿದ್ದಾರೆ.

ಈಗಾಗಲೇ 'ಕೆಜಿಎಫ್' ಚಿತ್ರವನ್ನು ಶೂಟಿಂಗ್ ಮಾಡಿದ ಜಾಗದಲ್ಲೇ ಬೀಡು ಬಿಟ್ಟಿರುವ ಚಿತ್ರತಂಡ, ಬರಲಿರುವ 'ಕೆಜಿಎಫ್-2' ಚಿತ್ರವನ್ನು ಕೆಜಿಎಫ್ ಚಿತ್ರಕ್ಕಿಂತಲೂ ಇನ್ನೂ ಅದ್ದೂರಿಯಾಗಿ ಹಾಗೂ ಚೆನ್ನಾಗಿ ತರಲು ಉದ್ದೇಶಿಸಿ ಅದರಂತೆ ಕಾರ್ಯಪ್ರವೃತ್ತವಾಗಿದೆ.

'ಕೆಜಿಎಫ್ -2' ಚಿತ್ರದಲ್ಲೂ ಕೆಲಸ ಮಾಡಲಿದ್ದು, ಅವರೆಲ್ಲರ ಜೊತೆ ಹೊಸದಾಗಿ ಕೆಲವು ಘಟಾನುಘಟಿಗಳು ಸೇರಲಿದ್ದಾರೆ ಎಂಬುದು ಈಗಾಗಲೇ ತಿಳಿದುಬಂದಿದೆ. ಬಾಲಿವುಡ್ ನಟಿ ರವೀನಾ ಟಂಡನ್, ಬಾಹುಬಲಿ 'ಶಿವಗಾಮಿ' ಖ್ಯಾತಿಯ ರಮ್ಯಕೃಷ್ಣ ಮೊದಲಾದವರ ಹೆಸರುಗಳು ಪ್ರಮುಖವಾಗಿವೆ.