ಗಣೇಶ್ '99' ಲುಕ್ ನೋಡಿ ಕಿಚ್ಚ ಸುದೀಪ್ ಹೇಳಿದ್ದೇನು?

ಸ್ಯಾಂಡಲ್ ವುಡ್ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅವರು ಗೋಲ್ಡನ್ ಸ್ಟಾರ್ ಗಣೇಶ್ ಅವರ ಮುಂಬರುವ '99' ಚಿತ್ರದ ಲುಕ್‌ ಬಗ್ಗೆ ಟ್ವೀಟ್ ಮಾಡಿದ್ದಾರೆ. ಸುದೀಪ್ ಅವರು ಮಾಡಿರುವ ಈ ಟ್ವೀಟ್ ಭಾರೀ ಮಹತ್ವ ಪಡೆದಿದೆ. ತಮಿಳು ಚಿತ್ರ '96', ಕನ್ನಡದಲ್ಲಿ '99' ಹೆಸರಿನಲ್ಲಿ ರೀಮೇಕ್ ಆಗುತ್ತಿದೆ. ಈ ಚಿತ್ರದಲ್ಲಿ ನಾಯಕ ಗಣೇಶ್ ವಿಭಿನ್ನ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಅವರ ಬೇರೆ ಎಲ್ಲ ಚಿತ್ರಗಳ ಲುಕ್‌ಗಿಂತ ತುಂಬಾ ತುಂಬಾ ಡಿಫ್ರಂಟ್ ಎನಿಸಿದೆ.

'99' ಚಿತ್ರದ ಗಣೇಶ್ ರಗಡ್ ಲುಕ್ ಎಲ್ಲರ ಗಮನ ಸೆಳೆದಿದೆ. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಕಮೆಂಟ್ಸ್‌ಗಳೂ ಬಂದಿವೆ. ಈ ಚಿತ್ರದ ಲುಕ್ ಬಗ್ಗೆ ಕಿಚ್ಚ ಸುದೀಪ್ ಸ್ವತಃ ಗಣೇಶ್‌ಗೆ "ಲುಕ್ ಚೆನ್ನಾಗಿದೆ, ಗಣೇಶ್, ಮೈ ಬ್ರದರ್.. ಈ ಚಿತ್ರವನ್ನು ನಾನು ನೋಡಲೇಬೇಕು.. ಈ ಬಗ್ಗೆ ಶಿಲ್ಪಾ ಗಣೇಶ್, ರವಿಶಂಕರ್ ಗೌಡ ಹಾಗೂ ಅರ್ಜುನ್ ಅವರಿಗೆ ಅಭಿನಂದನೆಗಳು.." ಎಂದು ಟ್ವೀಟ್ ಮಾಡಿದ್ದಾರೆ.

"ಮುಂಬರುವ '99' ಚಿತ್ರದಲ್ಲಿ ಗಣೇಶ್ 'ಸಂಚಾರಿ ಫೋಟೋಗ್ರಾಫರ್' ಪಾತ್ರ ಮಾಡಲಿದ್ದಾರೆ. ಅಷ್ಟೇ ಅಲ್ಲ, ಈ ಪಾತ್ರವು ಫೋಟೋಗ್ರಾಫರ್ ಒಬ್ಬ ತನ್ನದೇ ಆದ ಲೋಕದಲ್ಲಿ ವಿಹರಿಸುವ ವ್ಯಕ್ತಿಯದು. ಹೀಗಾಗಿ ಪಾತ್ರಕ್ಕೆ ಅಗತ್ಯ ಇರುವ ಕಾರಣಕ್ಕೆ ಗಣೇಶ್ ಗಡ್ಡ ಬಿಟ್ಟು ಸಖತ್ ರಗಡ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಗಣೇಶ್ ನಟನೆಯ ಉಳಿದ ಚಿತ್ರಗಳಿಗಿಂತ '99' ಚಿತ್ರದ ಗಣೇಶ್ ಪಾತ್ರ ತುಂಬಾ ವಿಭಿನ್ನವಾಗಿದೆ" ಎಂದಿದ್ದಾರೆ ಪ್ರೀತಮ್ ಗುಬ್ಬಿ. ಬಿಡುಗಡೆಯಾಗಿರುವ ಲುಕ್ ಪ್ರೀತಮ್ ಗುಬ್ಬಿಯ ಮಾತಿಗೆ ಪುಷ್ಟಿ ಕೊಡುವಂತಿದೆ.