ಅನುಷ್ಕಾ ಶೆಟ್ಟಿ 'ಸೈಲೆನ್ಸ್' ಸೇರಿಕೊಂಡ ಹಾಲಿವುಡ್ ನಟ ಮೈಕೆಲ್

ಹಾಲಿವುಡ್ ನಟ 'ಕಿಲ್ ಬಿಲ್' ಖ್ಯಾತಿಯ ಮೈಕೆಲ್ ಮ್ಯಾಡ್‌ಸನ್ ಅವರು ಇಂಡಿಯನ್ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಹೌದು, ತೆಲುಗು, ತಮಿಳು ಮತ್ತು ಹಿಂದಿ, ಈ ಮೂರೂ ಭಾಷೆಗಳಲ್ಲಿ ಬರಲಿರುವ ಈ 'ಸೈಲೆನ್ಸ್' ಚಿತ್ರದಲ್ಲಿ, ಅನುಷ್ಕಾ ಶೆಟ್ಟಿ ಹಾಗೂ ಮಾಧವನ್ ಪ್ರಮುಖ ಪಾತ್ರದಲ್ಲಿದ್ದಾರೆ. ಈ ಚಿತ್ರದಲ್ಲಿ ಹಾಲಿವುಡ್ ನಟ ಮಿಚೆಲ್ ಮ್ಯಾಡ್‌ಸನ್ ಅವರು ನಟಿಸುವುದು ಪಕ್ಕಾ ಆಗಿದ್ದು, ಅದೊಂದು ಅಚ್ಚರಿ ಎಂದೇ ಹೇಳಬೇಕು.

ಏಕೆಂದರೆ, ನಟ ಮೈಕೆಲ್ ಮ್ಯಾಡ್‌ಸನ್ ಅವರು ಸಾಮಾನ್ಯ ನಟರೇನೂ ಅಲ್ಲ. ಹಾಲಿವುಡ್‌ನಲ್ಲಿ ಅವರು ಈಗಾಗಲೇ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿದ್ದು, ಕಿಲ್ ಬಿಲ್, ವಿಗಿಲಂಟೇ ಡೈರೀಸ್ ಹಾಗೂ ತಹೆ ಬ್ರೆಝಿಲ್ ಬಿಲ್, ದಿ ಕಿಲ್ಲಿಂಗ್ ಜಾರ್, ಬ್ರೇಕ್, ಹೆಲ್ ರೈಡ್ ಹಾಗೂ ಇತರ ಸಾಕಷ್ಟು ಚಿತ್ರಗಳಲ್ಲಿ ನಟಿಸಿ ಮಹಾನ್ ನಟ ಎನಿಸಿಕೊಂಡಿದ್ದಾರೆ. ಅಂಥ ನಟ, ಮೈಕೆಲ್ ಮ್ಯಾಡ್‌ಸನ್ ಭಾರತೀಯ ಚಿತ್ರರಂಗದಲ್ಲಿ ಮೊಟ್ಟಮೊದಲ ಬಾರಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಆದರೆ ಅವರು ಯಾವ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ ಎಂಬ ವಿವರ ಸದ್ಯಕ್ಕೆ ಲಭ್ಯವಾಗಿಲ್ಲ.

ತೆಲುಗು ಚಿತ್ರವಾದ 'ವಸ್ತಾಡು ನಾ ರಾಜು' ಖ್ಯಾತಿಯ ನಿರ್ದೇಶಕ ಹೇಮಂತ್ ಮಧುಕರ್ ನಿರ್ದೇಶನದ 'ಸೈಲೆನ್ಸ್' ಚಿತ್ರಕ್ಕೆ ಹಾಲಿವುಡ್ ನಟ ಮೈಕೆಲ್ ಮ್ಯಾಡ್‌ಸನ್ ಅವರು ನಟಿಸುತ್ತಿರುವುದು ವಿಶೇಷ ಸಂಗತಿಯಾಗಿದೆ. ಅಷ್ಟೇ ಅಲ್ಲ, ಈ ಚಿತ್ರದಲ್ಲಿ, ಮಾಧವನ್-ಅನುಷ್ಕಾ ಜೋಡಿ ಜೊತೆಗೆ, ಅಂಜಲಿ, ಶಾಲಿನಿ ಪಾಂಡೆ, ಸುಬ್ಬರಾಜು ಹಾಗೂ ಅವಸರಾಲ ಶ್ರೀನಿವಾಸ್ ಅವರುಗಳು ಕೂಡ ಈ 'ಸೈಲೆನ್ಸ್' ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಅಲ್ಲಿಗೆ, ಈ ಸೈಲೆನ್ಸ್ ಚಿತ್ರವನ್ನು ಅದ್ದೂರಿ ಹಾಗೂ ಬಹುತಾರಾಗಣದ ಚಿತ್ರ ಎನ್ನಬಹುದು.

ಈ ಚಿತ್ರದ ಇನ್ನೊಂದು ವಿಶೇಷ ಎಂದರೆ, ನಟಿ ಅನುಷ್ಕಾ ಶೆಟ್ಟಿ ಅವರು ಈ ಮೊದಲು ತಮ್ಮ ಚಿತ್ರವಾದ 'ಸೈಜ್ ಝೀರೋ'ಗೆ ಪಾತ್ರದ ಅಗತ್ಯಕ್ಕೆ ತಕ್ಕಂತೆ ದಪ್ಪವಾಗಿದ್ದರು. ಈಗ, ಆಸ್ಟ್ರೇಲಿಯಾಗೆ ಹೋಗಿ ಅಲ್ಲಿನ ಟ್ರೀಟ್ಮೆಂಟ್ ತೆಗೆದುಕೊಂಡು ಬಳುಕುವ ಬಳ್ಳಿಯಂತಾಗಿದ್ದು ನಟಿ ಮೊದಲಿಗಿಂತ ಹೆಚ್ಚಾಗಿ ಗ್ಲಾಮರಸ್ ಆಗಿ ಕಾಣಿಸುತ್ತಿದ್ದಾರೆ. ಹೀಗಾಗಿ, ಸಹಜವಾಗಿಯೇ ಅನುಷ್ಕಾ ಶೆಟ್ಟಿ ಅವರನ್ನು ಮೊಸ್ಟ್ ಬ್ಯೂಟಿಫುಲ್ ಬೊಂಬೆಯಂಥ ಲುಕ್‌ನಲ್ಲಿ ಅವರ ಅಭಿಮಾನಿಗಳು ಈ 'ಸೈಲೆನ್ಸ್' ಚಿತ್ರದಲ್ಲಿ ನೋಡಬಹುದು.