ಲಂಡನ್ ಬಿಟ್ಟು ಬ್ಯಾಂಕಾಕ್‍ ಹಾರಿದ 'ವಿಲನ್' ಸುದೀಪ್

ಸ್ಯಾಂಡಲ್‌ವುಡ್‍ನ ಅದ್ದೂರಿ ಸಿನಿಮಾ ಎಂಬ ಖ್ಯಾತಿಗೆ ಪಾತ್ರವಾಗಿರುವ 'ವಿಲನ್' ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದೆ. ಇದೇ ಮೊದಲ ಬಾರಿಗೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಹಾಗೂ ಕಿಚ್ಚ ಸುದೀಪ್ ತೆರೆಯ ಮೇಲೆ ಕಾಣಿಸಿಕೊಳ್ಳುತ್ತಿರುವ ಸಿನಿಮಾ ಇದಾಗಿರುವ ಕಾರಣ ಅಭಿಮಾನಿಗಳಲ್ಲಿ ಭಾರಿ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.

ಜೋಗಿ ಪ್ರೇಮ್ ಅವರ ಮಹತ್ವಾಕಾಂಕ್ಷಿ ಚಿತ್ರ ಇದು. ಸದ್ಯಕ್ಕೆ ಬ್ಯಾಂಕಾಕ್‌ನಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ಲಂಡನ್‌ನಲ್ಲಿ ಚಿತ್ರೀಕರಣ ಮಾಡಬೇಕು ಎಂದು ಮೊದಲು ಪ್ಲಾನ್ ಮಾಡಲಾಗಿತ್ತು. ಆದರೆ ಅಲ್ಲಿ ನಡೆದ ಬಾಂಬ್ ಸ್ಫೋಟದ ಹಿನ್ನೆಲೆಯಲ್ಲಿ ಸಡನ್ ಆಗಿ ಬ್ಯಾಂಕಾಕ್‌ಗೆ ಲೊಕೇಶನ್ ಶಿಫ್ಟ್ ಆಗಿದೆ.

ಚಿತ್ರತಂಡದ ಪ್ರಕಾರ, 'ಲಂಡನ್‌ನಲ್ಲಿಉಗ್ರ ದಾಳಿಯ ಬಳಿಕ ಸೆಕ್ಯುರಿಟಿ ತುಂಬಾ ಬಿಗಿಯಾಗಿದೆ. ಬಂಕಿಂಗ್‍ಹ್ಯಾಮ್ ಪ್ಯಾಲೇಸ್ ನಂತಹ ಪ್ರವಾಸಿ ತಾಣಗಳ ಬಳಿ ಬಿಗಿ ಭದ್ರತೆ ಒದಗಿಸಲಾಗಿದ್ದು ಚಿತ್ರೀಕರಣ ಮಾಡುವುದು ಸ್ವಲ್ಪ ಕಷ್ಟದ ಕೆಲಸ. ಕಡೆ ಗಳಿಗೆಯಲ್ಲಿ ಬ್ಯಾಂಕಾಕ್‌ನಲ್ಲಿ ಚಿತ್ರೀಕರಿಸಲು ಚಿತ್ರತಂಡ ಮುಂದಾಗಿದೆ' ಎಂದಿದೆ.

ಈ ಚಿತ್ರದ ಪಾತ್ರವರ್ಗದಲ್ಲಿ ಮಿಥುನ್ ಚಕ್ರವರ್ತಿ, ಎಮಿ ಜಾಕ್ಸನ್, ಲಾವಣ್ಯ ತ್ರಿಪಾಠಿ, ಶ್ರುತಿ ಹರಿಹರನ್ ಸೇರಿದಂತೆ ಮುಂತಾದವರಿದ್ದಾರೆ. ಅರ್ಜುನ್ ಜನ್ಯ ಸಂಗೀತ ಇದ್ದು, ಸಿ.ಆರ್. ಮನೋಹರ್ ನಿರ್ಮಿಸುತ್ತಿರುವ ಕನ್ನಡದ ಅದ್ದೂರಿ ಸಿನಿಮಾ ಇದು.