ಗುರುತು ಸಿಗದಷ್ಟು ಸ್ಲಿಮ್ ಆಗಿರುವ 'ಮಹಾನಟಿ' ಕೀರ್ತಿ ಸುರೇಶ್!

ಮಹಾನಟಿ ಖ್ಯಾತಿಯ ನಟಿ ಕೀರ್ತಿ ಸುರೇಶ್ ಅವರು ತುಂಬಾ ಸಣ್ಣಗಾಗಿದ್ದಾರೆ. ಅವರು ಈ ಮೊದಲು ಸ್ವಲ್ಪ ದಿನಗಳ ಹಿಂದೆ, ಒಂದು ಚಿತ್ರದ ಪಾತ್ರಕ್ಕಾಗಿ ವರ್ಕೌಟ್ ಮಾಡುತ್ತಿದ್ದೇನೆ. ತುಂಬಾ ತೆಳ್ಳಗಾಗುವ ಅಗತ್ಯವಿದೆ ಎಂದಿದ್ದರು. ಆದರೆ ಯಾವ ಚಿತ್ರದ ಪಾತ್ರಕ್ಕೆ ಎಂಬ ಗುಟ್ಟನ್ನು ಕೀರ್ತಿ ಸುರೇಶ್ ಬಿಟ್ಟುಕೊಟ್ಟಿರಲಿಲ್ಲ. ಈಗಲೂ ಸಹ ತಮ್ಮ ಚಿತ್ರದ ಗುಟ್ಟು ಬಿಟ್ಟುಕೊಡದೇ ಕೀರ್ತಿ ತಮ್ಮ ಇತ್ತೀಚಿನ ಫೋಟೋವನ್ನು ಸೋಷಿಯಲ್ ಮೀಡಿಯಾಗಳಲ್ಲಿ ಬಿಡುಗಡೆ ಮಾಡಿ ಭಾರೀ ಗಮನ ಸೆಳೆದಿದ್ದಾರೆ.

ಹೌದು, ಕೀರ್ತೀ ಸುರೇಶ್ ಅವರು ಅದೆಷ್ಟು ಸಣ್ಣಗಾಗಿದ್ದಾರೆ ಅಂದರೆ ಅವರ ಅಭಿಮಾನಿಗಳಿಗೆ ಅವರ ಗುರುತೇ ಸಿಗದಷ್ಟು. ಅವರು ಈ ಮಟ್ಟಿಗೆ ಸ್ಲಿಮ್ ಆಗಿ ಮಾಡಿಸಿಕೊಂಡ ಫೋಟೋ ಶೂಟ್ ನೋಡಿ ಅದೆಷ್ಟೋ ಮಂದಿ ಅವರ ಅಭಿಮಾನಿಗಳು ಅವರನ್ನು ಮೆಚ್ಚಿಕೊಂಡಿದ್ದಾರೆ. ಆದರೆ ಕೆಲವರು ಮಾತ್ರ 'ನೀವು ನೀವೇ ಎನ್ನವಷ್ಟೂ ಗುರುತು ಸಿಗದಂತಾದರೆ ಹೇಗೆ ಕೀರ್ತಿ..' ಎಂದು ಅವರನ್ನು ಪ್ರಶ್ನಿಸಿ ಸ್ವಲ್ಪ ಕಾಲೆಳೆದಿದ್ದಾರೆ. ಒಟ್ಟಿನಲ್ಲಿ ಕೀರ್ತಿ ಸಖತ್ ಸಣ್ಣಗಾಗಿದ್ದು ಸೋಷಿಯಲ್ ಮೀಡಿಯಾಗಳಲ್ಲಿ ಸಖತ್ ಟ್ರೆಂಡಿಂಗ್ ಆಗಿದ್ದಾರೆ.

ಮಹಾನಟಿ ಬಳಿಕ ಕೀರ್ತಿ ಸುರೇಶ್, ಮಲಯಾಳಂನಲ್ಲಿ ಸೂಪರ್ ಸ್ಟಾರ್ ಮೋಹನ್‌ ಲಾಲ್ ಅವರ ಚಿತ್ರಕ್ಕೆ ನಾಯಕಿಯಾಗಿದ್ದಾರೆ. ಫುಟ್ಬಾಲ್ ತರಬೇತುದಾರ ಸೈಯದ್ ಅಬ್ದುಲ್ ರಹೀಂ ಜೀವನಾಧಾರಿತ ಸಿನಿಮಾದಲ್ಲಿ ಬಾಲಿವುಡ್ ಸ್ಟಾರ್ ನಟ ಅಜಯ್ ದೇವಗನ್ ನಾಯಕರಾಗಿದ್ದು, ನಾಯಕಿಯಾಗಿ ಕೀರ್ತಿ ಸುರೇಶ್ ನಟಿಸುತ್ತಿದ್ದಾರೆ. ಟಾಲಿವುಡ್, ಕಾಲಿವುಡ್, ಮಾಲಿವುಡ್ ಹಾಗೂ ಬಾಲಿವುಡ್ ಹೀಗೆ ಎಲ್ಲಾ ಕಡೆಗಳಿಂದ ಈ ಕೀರ್ತಿ ಸುರೇಶ್ ಅವರಿಗೆ ನಟಿಸಲು ಕರೆ ಬರುತ್ತಿದ್ದು ಸೌತ್ ಇಂಡಿಯಾದ ಬ್ಯುಸಿಯೆಸ್ಟ್ ನಟಿಯರ ಸಾಲಿಗೆ ಕೀರ್ತಿ ಸುರೇಶ್ ಅವರು ಸೇರಕೊಂಡಿದ್ದಾರೆ.

ಒಟ್ಟಿನಲ್ಲಿ ತೆಲುಗಿನ ಸ್ಟಾರ್ ನಟಿಯಾಗಿದ್ದ ದಿವಂಗತ ಸಾವಿತ್ರಿಯವರ ಜೀವನಾಧಾರಿತ ಕಥೆಯಿಂದ ತಯಾರಾದ 'ಮಹಾನಟಿ' ಚಿತ್ರದಲ್ಲಿ ತಮ್ಮ ಅಮೋಘ ನಟನೆಯಿಂದ ಸಿನಿಮಾ ಪ್ರೇಕ್ಷಕರು ಹಾಗೂ ಇಂಡಸ್ಟ್ರಿಯವರ ಗಮನಸೆಳೆದ ನಟಿ ಕೀರ್ತಿ ಸುರೇಶ್ ಅವರು ಸದ್ಯಕ್ಕಂತೂ ಹಿಂತಿರುಗಿ ನೋಡಬೇಕಾದ ಅಗತ್ಯವಿಲ್ಲ.