ದಶಕಗಳಿಂದ ಸ್ಯಾಂಡಲ್‌ವುಡ್‌ನಲ್ಲಿ ನಾನಾ ರೀತಿಯ ಪಾತ್ರಗಳನ್ನು ಮಾಡುತ್ತಾ ಬಂದಿರುವ ರೂಪಿಕಾ ಇದೀಗ ಮಜ್ಜಿಗೆ ಹುಳಿ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ. ಈ ಚಿತ್ರಕ್ಕೆ ರವೀಂದ್ರ ಕೊಟಕಿ ಆ್ಯಕ್ಷನ್‌ ಕಟ್ ಹೇಳಿದ್ದಾರೆ. ಒಳ್ಳೆ ಬಾಡೂಟ ಗುರು ಎಂಬ ಟ್ಯಾಗ್‌ಲೈನ್‌ನೊಂದಿಗೆ ಗಮನ ಸೆಳೆದಿರುವ ಈ ಚಿತ್ರ ಶೀರ್ಷಿಕೆಯಿಂದಾಗಿಯೇ ಸಖತ್‌ ಸದ್ದು ಮಾಡುತ್ತಿದೆ.
ಈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಯಾವುದೇ ಕಟ್, ಮ್ಯೂಟ್ ಇಲ್ಲದಂತೆ ಯು/ಎ ಪ್ರಮಾಣಪತ್ರ ನೀಡಿದೆ. ಚಿತ್ರವನ್ನು ಜೂನ್‌ನಲ್ಲಿ ತೆರೆಗೆ ತರುತ್ತಿರುವುದಾಗಿ ನಿರ್ದೇಶಕ ರವೀಂದ್ರ ಕೊಟಕಿ ತಿಳಿಸಿದ್ದಾರೆ.
'ಈ ಚಿತ್ರವು ಪ್ರೇಕ್ಷಕರಿಗೆ ಸಖತ್‌ ಮನರಂಜನೆ ನೀಡಲಿದೆ. ಕಥೆಯಲ್ಲಿ ಹಾಸ್ಯ, ಸೆಂಟಿಮೆಂಟ್‌ ಎಲ್ಲವೂ ಇದ್ದು, ರುಚಿ ಕೊಡುವಂತಹ ಎಲ್ಲ ಅಂಶಗಳನ್ನು ಸೇರಿಸಿಕೊಂಡು ಮಜ್ಜಿಗೆ ಹುಳಿ ಸಿನಿಮಾ ತಯಾರಿಸಿದ್ದೇನೆ. ಚಿತ್ರದಲ್ಲಿ ಒಟ್ಟು 28 ಪಾತ್ರಗಳಿದ್ದು, ಒಂದೇ ಕೋಣೆಯಲ್ಲಿ ಇಡೀ ಸಿನಿಮಾದ ಚಿತ್ರೀಕರಣ ಮಾಡಿದ್ದೇವೆ. ಹೊಸದಾಗಿ ಮದುವೆಯಾದ ನವದಂಪತಿಗಳ ನಡುವೆ ನಡೆಯುವ ಮೊದಲ ರಾತ್ರಿಯ ಸನ್ನಿವೇಶವನ್ನು ಹಾಸ್ಯದ ರೀತಿಯಲ್ಲಿ ಹೇಳಲು ಹೊರಟಿದ್ದೇನೆ' ಎನ್ನುತ್ತಾರೆ ನಿರ್ದೇಶಕ ರವೀಂದ್ರ.
ಈ ಸಿನಿಮಾದಲ್ಲಿ ನಾಯಕಿ ಪಾತ್ರ ಮಾಡಿರುವ ರೂಪಿಕಾ ಹೇಳುವುದು ಹೀಗೆ, 'ಇದರಲ್ಲಿ ನನ್ನದು ನಾಯಕಿಯ ಪಾತ್ರ. ವಧುವಿನ ಪಾತ್ರದಲ್ಲಿ ನಾನು ಕಾಣಿಸಿಕೊಂಡಿದ್ದೇನೆ. ಹಾಸ್ಯದ ಜತೆಗೆ ಇಲ್ಲಿ ಎಲ್ಲಾ ರಸಗಳು ಮಿಶ್ರಣವಾಗಿವೆ. ಸುಚೇಂದ್ರ ಪ್ರಸಾದ್‌, ಮಿಮಿಕ್ರಿ ದಯಾನಂದ್‌, ಮಾನಸ ಗೌಡ , ರಮೇಶ್‌ ಭಟ್‌, ಕುರಿ ಸುನೀಲ್‌, ಶಂಕರ ನಾರಾಯಣ ಸೇರಿದಂತೆ ಉತ್ತಮ ಕಲಾವಿದರೊಂದಿಗೆ ನಟಿಸಿದ್ದು ಖುಷಿ ತಂದಿದೆ' ಎನ್ನುತ್ತಾರೆ.
ಈ ಚಿತ್ರಕ್ಕೆ ಸೆನ್ಸಾರ್ ಮಂಡಳಿ ಯಾವುದೇ ಕಟ್, ಮ್ಯೂಟ್ ಇಲ್ಲದಂತೆ ಯು/ಎ ಪ್ರಮಾಣಪತ್ರ ನೀಡಿದೆ. ಚಿತ್ರವನ್ನು ಜೂನ್‌ನಲ್ಲಿ ತೆರೆಗೆ ತರುತ್ತಿರುವುದಾಗಿ ನಿರ್ದೇಶಕ ರವೀಂದ್ರ ಕೊಟಕಿ ತಿಳಿಸಿದ್ದಾರೆ.
'ಈ ಚಿತ್ರವು ಪ್ರೇಕ್ಷಕರಿಗೆ ಸಖತ್‌ ಮನರಂಜನೆ ನೀಡಲಿದೆ. ಕಥೆಯಲ್ಲಿ ಹಾಸ್ಯ, ಸೆಂಟಿಮೆಂಟ್‌ ಎಲ್ಲವೂ ಇದ್ದು, ರುಚಿ ಕೊಡುವಂತಹ ಎಲ್ಲ ಅಂಶಗಳನ್ನು ಸೇರಿಸಿಕೊಂಡು ಮಜ್ಜಿಗೆ ಹುಳಿ ಸಿನಿಮಾ ತಯಾರಿಸಿದ್ದೇನೆ. ಚಿತ್ರದಲ್ಲಿ ಒಟ್ಟು 28 ಪಾತ್ರಗಳಿದ್ದು, ಒಂದೇ ಕೋಣೆಯಲ್ಲಿ ಇಡೀ ಸಿನಿಮಾದ ಚಿತ್ರೀಕರಣ ಮಾಡಿದ್ದೇವೆ. ಹೊಸದಾಗಿ ಮದುವೆಯಾದ ನವದಂಪತಿಗಳ ನಡುವೆ ನಡೆಯುವ ಮೊದಲ ರಾತ್ರಿಯ ಸನ್ನಿವೇಶವನ್ನು ಹಾಸ್ಯದ ರೀತಿಯಲ್ಲಿ ಹೇಳಲು ಹೊರಟಿದ್ದೇನೆ' ಎನ್ನುತ್ತಾರೆ ನಿರ್ದೇಶಕ ರವೀಂದ್ರ.
ಈ ಸಿನಿಮಾದಲ್ಲಿ ನಾಯಕಿ ಪಾತ್ರ ಮಾಡಿರುವ ರೂಪಿಕಾ ಹೇಳುವುದು ಹೀಗೆ, 'ಇದರಲ್ಲಿ ನನ್ನದು ನಾಯಕಿಯ ಪಾತ್ರ. ವಧುವಿನ ಪಾತ್ರದಲ್ಲಿ ನಾನು ಕಾಣಿಸಿಕೊಂಡಿದ್ದೇನೆ. ಹಾಸ್ಯದ ಜತೆಗೆ ಇಲ್ಲಿ ಎಲ್ಲಾ ರಸಗಳು ಮಿಶ್ರಣವಾಗಿವೆ. ಸುಚೇಂದ್ರ ಪ್ರಸಾದ್‌, ಮಿಮಿಕ್ರಿ ದಯಾನಂದ್‌, ಮಾನಸ ಗೌಡ , ರಮೇಶ್‌ ಭಟ್‌, ಕುರಿ ಸುನೀಲ್‌, ಶಂಕರ ನಾರಾಯಣ ಸೇರಿದಂತೆ ಉತ್ತಮ ಕಲಾವಿದರೊಂದಿಗೆ ನಟಿಸಿದ್ದು ಖುಷಿ ತಂದಿದೆ' ಎನ್ನುತ್ತಾರೆ.