ಮಾನ್ಸೂನ್‌ ಮಸ್ತಿಗೆ ಬೆಲ್ಜಿಯಂನಲ್ಲಿ ಲ್ಯಾಂಡ್‌ ಆದ ಮಾನ್ವಿತಾ

ನಟಿ ಮಾನ್ವಿತಾ ಹರೀಶ್‌ ಇದೀಗ ರೈನಿ ಸೀಸನ್‌ನಲ್ಲಿ ಬಿಡುವು ಮಾಡಿಕೊಂಡು ಗೆಳತಿಯ ಜತೆ ಬೆಲ್ಜಿಯಂಗೆ ಹಾರಿದ್ದಾರೆ. ಮಂಗಳವಾರ ಬೆಳಗ್ಗೆ ಅ್ಲಲಿ ಲ್ಯಾಂಡ್‌ ಆಗಿದ್ದಾರೆ. ಅದೇ ಖುಷಿಯಲ್ಲಿ ಅಲ್ಲಿಂದಲೇ ಲವಲವಿಕೆ ಜತೆ ಮಾತನಾಡಿದ್ದಾರೆ.

'ನನಗೆ ಟ್ರಾವೆಲ್‌ ಮಾಡುವುದು ಬಹಳ ಇಷ್ಟ. ಸಿನಿಮಾ, ಶೂಟಿಂಗ್‌, ಆ್ಯನಿಮೇಷನ್‌, ರೈಟಿಂಗ್‌, ಪೇಂಟಿಂಗ್‌ ಕೂಡ ಇಷ್ಟ. ಮಳೆಗಾಲದಲ್ಲಿ ಸುತ್ತುವುದೆಂದರೆ ಬಹಳ ಇಷ್ಟ. ಆದ್ದರಿಂದಲೇ ಈ ಬಾರಿ ಬೆಲ್ಜಿಯಂಗೆ 15 ದಿನ ಸುತ್ತಲು ಬಂದಿದ್ದೇನೆ. ಟೈಮ್‌ ವೇಸ್ಟ್‌ ಮಾಡದೇ ಸಾಧ್ಯವಾದಷ್ಟು ಎಲ್ಲಾ ಸ್ಥಳಗಳನ್ನುನೋಡಿ ಇಲ್ಲಿರುವ ವಿಶೇಷಗಳನ್ನು ಮತ್ತು ಜನಜೀವನ ಶೈಲಿಯನ್ನು ತಿಳಿಯುತ್ತೇನೆ' ಎಂದು ಅವರು ತಿಳಿಸಿದ್ದಾರೆ.

'ಅಲ್ಲಿರುವ ಗ್ರಾಮಾಂತರ ಪ್ರದೇಶದ ಜನಜೀವನ ಶೈಲಿ, ಆಹಾರ ಶೈಲಿ, ಸಂಸ್ಕೃತಿ, ಕಲೆಯನ್ನು ತಿಳಿದುಕೊಳ್ಳುವ ಹಂಬಲವಿದೆ. ಅದಲ್ಲದೇ ಯಾವುದೇ ತಾಣಕ್ಕೆ ಹೋದರೂ ಅಡ್ವೆಂಚರಸ್‌ ಗೇಮ್ಸ್‌ ಆಡುತ್ತೇನೆ. ಮರಳಿ ಬರುವಾಗ ಕೆಲ ವಿಶೇಷ ವಸ್ತುಗಳ ಜತೆ ಚಾಕೊಲೇಟ್‌ ತರುತ್ತೇನೆ' ಎನ್ನುವುದು ಮಾನ್ವಿತಾ ಮಾತು.

ಸದ್ಯಕ್ಕೆ ಮಾನ್ವಿತಾ ನಟನೆಯ ವಸಿಷ್ಠ ಸಿಂಹನಿಗೆ ಜೋಡಿಯಾಗಿ ನಟಿಸಿರುವ ಸಿನಿಮಾ ಹಾಗೂ ಧೀರನ್‌ ರಾಮ್‌ಕುಮಾರ್‌ ಅಭಿನಯದ 'ದಾರಿ ತಪ್ಪಿದ ಮಗ' ಚಿತ್ರಗಳೆರಡೂ ಇದೇ ವರ್ಷ ತೆರೆಕಾಣಲಿವೆ.