*ಪದ್ಮಾ ಶಿವಮೊಗ್ಗ
ಸ್ಯಾಂಡಲ್ವುಡ್ಗೆ ಮತ್ತೊಬ್ಬ ರಂಗಭೂಮಿ ನಟಿ ಅನುಷಾ ಆಗಮನವಾಗಿದೆ. ವೃತ್ತಿಯಲ್ಲಿ ಎಂಜಿನಿಯರ್ ಆಗಿದ್ದರೂ ಹೀರೋಯಿನ್ ಆಗೋದಕ್ಕೂ ಸೈ ಎನ್ನುವುದನ್ನು ಮೋಜೋದಲ್ಲಿ ತೋರಿಸಿದ್ದಾರೆ.
ಎಲೆಕ್ಟ್ರಾನಿಕ್ ಎಂಜಿನಿಯರ್ ಆಗಿ ಉದ್ಯೋಗ ಮಾಡುತ್ತಿರುವ ನೀವು ನಟಿಯಾಗ್ತೀನಿ ಅಂದುಕೊಂಡಿದ್ರಾ?
ಖಂಡಿತಾ ಇಲ್ಲ. ಅಕಸ್ಮಾತ್ ಆಗಿ ಆಡಿಷನ್ ಅಟೆಂಡ್ ಮಾಡಿದೆ. ಸೆಲೆಕ್ಟ್ ಆದೆ. ನಾನು ಚಿಕ್ಕಂದಿನಿಂದ ರಂಗಭೂಮಿ ಕಲಾವಿದೆ. ಟೆಂಪೆಟ್ಸ್, ಗಿಡಗಿಡುಗ ಮತ್ತಿತರೆ ನಾಟಕಗಳಲ್ಲಿ ನಟಿಸಿದ್ದೇನೆ. ಸಂಚಯ ತಂಡದಲ್ಲಿ ಕೆಲಸ ಮಾಡಿದ್ದೇನೆ. ನಮ್ಮ ಊರು ಅಂಕೋಲ. ಸಾಹಿತ್ಯದಲ್ಲಿ ಮೊದಲಿನಿಂದ ಆಸಕ್ತಿ ಇತ್ತು. ಹಾಗಾಗಿ ಚಿತ್ರರಂಗ ಇಷ್ಟವಾಯಿತು.
ಈ ಚಿತ್ರದ ಸ್ಕ್ರಿಪ್ಟ್ ಕೇಳಿದಾಗ ಏನನ್ನಿಸಿತು?
ಮೊದಲು ಕತೆಯ ಸಾರಾಂಶ ಮಾತ್ರ ಹೇಳಿದ್ರು. ಆಮೇಲೆ ಅವರು ಪೂರ್ತಿ ಕತೆ ಹೇಳಿದಾಗ ನಾನು ಊಹಿಸಿದ್ದೆಲ್ಲಾ ತಪ್ಪಾಗಿತ್ತು. ಮುಂದೇನಾಗುತ್ತೆ ಅನ್ನೋದನ್ನು ಪ್ರೇಕ್ಷಕರೂ ಗೆಸ್ ಮಾಡಲಾರರು ಅಂದುಕೊಳ್ತೀನಿ. ಇದರ ಜತೆ ನನ್ನ ಪಾತ್ರದಲ್ಲಿ ಬಹಳ ಏರಿಳಿತಗಳಿವೆ. ಭಾವನೆಗಳಿವೆ. ನಟನೆಗೆ ಅವಕಾಶ ಇರುವ ಪಾತ್ರ ವೈವಿಧ್ಯಮಯವಾಗಿದೆ. ರೊಮ್ಯಾಂಟಿಕ್ ಎಮೋಷನ್ಸ್ ಇದೆ, ಭಯ ಇದೆ, ಆತಂಕ, ನೋವು ಎಲ್ಲಾ ಇದೆ, ಹೀಗೆ ವಿವಿಧ ರೀತಿಯ ಸನ್ನಿವೇಶಗಳ ಸಂಗಮ ನನ್ನ ಪಾತ್ರದಲ್ಲಿರೋದು ಬಹಳ ಖುಷಿ ಕೊಡ್ತು. ಇಂಥ ಪಾತ್ರಗಳನ್ನೇ ನಾನು ಇಷ್ಟಪಡೋದು. ನಾನು ಲಕ್ಕಿ. ಬಹಳ ಭಿನ್ನವಾದ ಕತೆ, ನಿರೂಪಣೆ ಇರೋ ಚಿತ್ರ ಸಿಕ್ಕಿದೆ.
ರಂಗಭೂಮಿ ನಟಿಯಾಗಿಯೂ ಸಿನಿಮಾದಲ್ಲಿ ನಟಿಸೋದು ಕಷ್ಟ ಅನ್ನಿಸ್ತಾ?
ಮೊದಲು ಕ್ಯಾಮೆರಾ ಫೇಸ್ ಮಾಡಿದಾಗ ನರ್ವಸ್ ಆಗಿದ್ದು ನಿಜ. ರಂಗಭೂಮಿಯಲ್ಲಿ ರಿಹರ್ಸಲ್ ಮಾಡಿ ಪಕ್ಕಾ ಆದ ಮೇಲೆ ಒಂದೇ ಸ್ಟ್ರೆಚ್ನಲ್ಲಿ ನಟಿಸುತ್ತೇವೆ. ಇಲ್ಲಿ ಹಾಗಲ್ಲ. ಸೂಕ್ಷ್ಮ ಭಾವನೆಗಳನ್ನು ಕೆಲವೇ ಕ್ಷಣಗಳಲ್ಲಿ ಹಿಡಿದಿಡಬೇಕಾಗುತ್ತೆ.ವ್ಯಕ್ತಪಡಿಸಬೇಕು.ಇನ್ನು ರೊಮ್ಯಾಂಟಿಕ್ ದೃಶ್ಯಗಳಲ್ಲಿ ನಟಿಸೋವಾಗ ಕಷ್ಟ ಅನ್ನಿಸಿತು. ನಾನು, ಮನು ಶೂಟಿಂಗ್ಗೆ ಮೊದಲು ರಿಹರ್ಸಲ್ ಮಾಡಿದ್ದರಿಂದ, ನಿರ್ದೇಶಕ ಶ್ರೀಶ ಸಹಾಯ ಮಾಡಿದ್ದರಿಂದ ನನಗೆ ಸುಲಭ ಸಾಧ್ಯ ಆಯ್ತು. ಮೊದಲು ಅಂದುಕೊಂಡಂತೆಯೇ ಟೈಮ್ಗೆ ಸರಿಯಾಗಿ ಎಲ್ಲವೂ ನಡೆದುಕೊಂಡು ಹೋಗ್ತಿತ್ತು.
6ನೇ ಇಂದ್ರಿಯದ ಬಗ್ಗೆ ಕಥೆ ಇರುವ ಸಿನಿಮಾ ಇದು. ನಿಮಗೆ ಅಂಥದ್ದೇನಾದ್ರೂ ವಿಚಿತ್ರ ಅನುಭವ ಆಗಿದೆಯಾ?
ಶೂಟಿಂಗ್ನಲ್ಲಿ ಆಗಿದೆ. ಮೊದಲ ಶಾಟ್ಗೆ ನಾನು ಹಾಕಿಕೊಳ್ಳಬೇಕಿದ್ದ ಕೆಂಪು ಡ್ರೆಸ್ ಡ್ಯಾಮೇಜ್ ಆಗಿತ್ತು. ಯಾಕೆ? ಹೇಗೆ? ಅಂತ ಗೊತ್ತಿಲ್ಲ. ನಾನೇ ಶೂಟಿಂಗ್ನಿಂದ ಹೋಗಿ ಮತ್ತೆ ಬೇರೆ ಕೆಂಪು ಡ್ರೆಸ್ ತಂದೆ. ನೋಡಿದ್ರೆ ಅದೂ ಕೂಡಾ ಹಾಳಾಯ್ತು. ಇಡೀ ಸಿನಿಮಾದಲ್ಲಿ ನಾನು ಎಷ್ಟು ಸಲ ಕೆಂಪು ಡ್ರೆಸ್ ಉಪಯೋಗಿಸಿದೆನೋ ಆಗೆಲ್ಲಾ ಡ್ರೆಸ್ ಮೇಲೆ ಏನೋ ಬಿದ್ದು ಕಲೆಯಾಗೋದು. ಡ್ಯಾಮೇಜ್ ಆಗೋದು. ಯಾಕೆ ಅಂತ ಗೊತ್ತಿಲ್ಲ. ನನಗೆ ಕೆಂಪು ಡ್ರೆಸ್ ಆಗಿ ಬರೋಲ್ಲ ಅಂತ ಎಲ್ಲರೂ ಹೇಳತೊಡಗಿದರು. ಇದರಲ್ಲಿ ನನಗೆ ನಂಬಿಕೆ ಇಲ್ಲ. ಆದರೆ, ಇಂಥ ಅನುಭವ ಆಗಿದ್ದು ಕಾಕತಾಳೀಯ ಇರಬಹುದು. ಆಡಿಯೋ ಸಿಡಿ ರಿಲೀಸ್ ಕಾರ್ಯಕ್ರಮಕ್ಕಾಗಿ ಹೊಸದಾಗಿ ಕೊಂಡು ತಂದಿದ್ದ ರೆಡ್ ಡ್ರೆಸ್ ಕೂಡಾ ಐರನ್ ಮಾಡೋವಾಗ ಸುಟ್ಟೇ ಹೋಯ್ತು. ಕೊನೆಗೆ ರೆಡ್ ಸ್ಕರ್ಟ್ ಹಾಕಿಕೊಂಡು ಹೋದೆ. ಬ್ಲಾಕ್ ಮತ್ತು ರೆಡ್ ಡ್ರೆಸ್ಗಳೆಂದರೆ ತುಂಬಾ ಇಷ್ಟ. ಆದರೆ ಹೀಗಾಗಿದ್ದು ಆಶ್ಚರ್ಯ. ನನ್ನ ಲೈಫ್ನಲ್ಲಿ ಯಾವತ್ತೂ ಹೀಗಾಗಿರಲಿಲ್ಲ.
ಯಾವ ರೀತಿ ಪಾತ್ರಗಳು ಇಷ್ಟ?
ಪಾತ್ರಗಳು ಚಾಲೆಂಜಿಂಗ್ ಆಗಿರಬೇಕು. ಮಾಮೂಲಿ ಪಾತ್ರಗಳು ಇಷ್ಟ ಇಲ್ಲ. ಪಾತ್ರ ಚೆನ್ನಾಗಿದ್ದರೆ ಎಂಜಾಯ್ ಮಾಡಬಹುದು.
'ಬಹಳ ಸ್ವಾರಸ್ಯಕರವಾದ ಸ್ಟೋರಿ ಲೈನ್ ಮೋಜೊ ಚಿತ್ರದಲ್ಲಿದೆ. ಯಾರೂ ಊಹಿಸಲಾಗದ ರೀತಿಯಲ್ಲಿ ಸಿನಿಮಾ ಸಾಗುತ್ತದೆ. ನನ್ನ ಮೊದಲ ಚಿತ್ರ ಇದಾಗಿದ್ದು ನಿಜಕ್ಕೂ ಅದೃಷ್ಟ.'
-ಅನುಷಾ, ನಟಿ