ಪುನೀತ್‌ ಸಿನಿಮಾ ರಿಲೀಸ್‌ಗೆ ಕಾದಿರುವ ಮಲೆಯಾಳಿ ಬೆಡಗಿ

ಪವನ್‌ ಒಡೆಯರ್‌ ನಿರ್ದೇಶನದ ಚಿತ್ರ ನಟ ಸಾರ್ವಭೌಮ. ಪುನೀತ್‌ ನಟನೆಯ ಚಿತ್ರ ಇದು. ಈ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ ಅನುಪಮಾ ಪರಮೇಶ್ವರನ್‌. ಕೇರಳದಿಂದ ಬಂದ ನಟಿ ಅನುಪಮಾ. ಈಗಾಗಲೇ ಅವರು ತಮಿಳು, ತೆಲುಗು ಮತ್ತು ಮಲೆಯಾಳಂ ಚಿತ್ರಗಳಲ್ಲಿ ನಟಿಸಿದ್ದಾರೆ. ತೆಲುಗಿನಲ್ಲಿ ಅತಿ ಹೆಚ್ಚು ಚಿತ್ರಗಳಲ್ಲಿ ನಟಿಸಿದ್ದಾರೆ.

ನಟ ಸಾರ್ವಭೌಮ ಚಿತ್ರದಲ್ಲಿ ಲಾಯರ್‌ ಆಗಿ ಕಾಣಿಸಿಕೊಂಡಿದ್ದಾರೆ. ಚಿತ್ರದಲ್ಲಿ ಅವರ ಲುಕ್‌ ಹೇಗಿದೆ ಎನ್ನುವುದನ್ನು ಹೇಳುತ್ತಿವೆ ಫೋಟೊಗಳು. ಈ ಫೋಟೋಗಳನ್ನು ಟ್ವಿಟ್ಟರ್‌ನಲ್ಲಿ ಅಪ್‌ಲೋಡ್‌ ಮಾಡಿರುವ ಅನುಪಮಾ 'ಚಿತ್ರಕ್ಕಾಗಿ ಎಕ್ಸೈಟ್‌ನಿಂದ ಕಾದಿದ್ದೇನೆ' ಎಂದು ಬರೆದುಕೊಂಡಿದ್ದಾರೆ.

ಅವರ ನಟನೆಯ ದೃಶ್ಯಗಳ ಚಿತ್ರೀಕರಣ ಈಗಾಗಲೇ ಪ್ರಾರಂಭವಾಗಿದೆ. ಬೆಂಗಳೂರು ಮತ್ತು ಕೋಲ್ಕತಾಗಳಲ್ಲಿ ಚಿತ್ರೀಕರಿಸಲು ನಿರ್ಧರಿಸಲಾಗಿದೆ. ಈ ಚಿತ್ರದ ಮೂಲಕ ಅನುಪಮಾ ದಕ್ಷಿಣ ಭಾರತದ ನಟಿ ಎನ್ನಿಸಿಕೊಂಡಿದ್ದಾರೆ.