ನಟಿ ರಾಧಿಕಾ ಶರತ್ ಕುಮಾರ್ ಟ್ವಿಟ್ಟರ್ ಖಾತೆ ಹ್ಯಾಕ್

ಸಿಲೆಬ್ರಿಟಿಗಳ ಟ್ವಿಟ್ಟರ್, ಫೇಸ್‌ಬುಕ್ ಖಾತೆಗಳು ಹ್ಯಾಕಿಂಗ್‌ಗೆ ಗುರಿಯಾಗುವುದು ಇತ್ತೀಚಿನ ದಿನಗಳಲ್ಲಿ ಹೆಚ್ಚಾಗಿದೆ. ಹ್ಯಾಕ್ ಆದ ಖಾತೆಗಳಿಂದ ಅಸಭ್ಯಕರವಾದ ಪೋಸ್ಟ್‌ಗಳನ್ನು ಮಾಡುವುದು ಅಥವಾ ತಮಗಾಗದ ಒಂದು ವರ್ಗದ ವಿರುದ್ಧ ಟ್ವೀಟ್ ಮಾಡುವ ಮೂಲಕ ಅವರಿಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಇದೀಗ ದಕ್ಷಿಣದ ಖ್ಯಾತ ತಾರೆ ರಾಧಿಕಾ ಶರತ್ ಕುಮಾರ್ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿದೆ.

ಈ ಬಗ್ಗೆ ಅವರು ಆತಂಕ ವ್ಯಕ್ತಪಡಿಸಿದ್ದಾರೆ. 'ನನ್ನ ಟ್ವಿಟ್ಟರ್ ಖಾತೆ ಹ್ಯಾಕ್ ಆಗಿದೆ. ಈ ಸಮಸ್ಯೆಯಿಂದ ಹೊರಬೀಳುವ ತನಕ ನನ್ನ ಬೆಂಬಲಕ್ಕೆ ನಿಲ್ಲಬೇಕೆಂದು' ನಟಿ ರಾಧಿಕಾ ಟ್ವಿಟ್ಟರ್‌ನಲ್ಲಿ ಮನವಿ ಮಾಡಿಕೊಂಡಿದ್ದಾರೆ. ಡೋಂಟ್ ವರಿ ಮೇಡಂ ಎಂದು ಅವರ ಫಾಲೋವರ್ಸ್ ರೀ-ಟ್ವೀಟ್ ಮಾಡುತ್ತಿದ್ದಾರೆ.

My Twitter account is hacked .please bear with me while I get this sorted — Radikaa Sarathkumar (@realradikaa) February 26, 2018 ಇತ್ತೀಚೆಗೆ ಪುದುಚೇರಿ ಲೆಫ್ಟಿನೆಂಟ್ ಗವರ್ನರ್ ಕಿರಣ್ ಬೇಡಿ, ಖ್ಯಾತ ನಟ ಅನುಪಮ್ ಖೇರ್, ಬಿಜೆಪಿ ಪ್ರಧಾನ ಕಾರ್ಯದರ್ಶಿ ರಾಮ್ ಮಾಧವ್, ರಾಜ್ಯಸಭೆ ಸದಸ್ಯ ಸ್ವಪನ್ ದಾಸ್ ಗುಪ್ತಾರ ಟ್ವಿಟ್ಟರ್ ಖಾತೆಗಳು ಹ್ಯಾಕಿಂಗ್‌ಗೆ ಗುರಿಯಾಗಿದ್ದವು.

ಹ್ಯಾಕಿಂಗ್ ಹಿಂದೆ ಟರ್ಕಿ ಕೇಂದ್ರವಾಗಿ ಕೆಲಸ ಮಾಡುತ್ತಿರುವ, ಪಾಕ್‌ನ ಅಯಿಲ್‌ದಿಜ್ ತಂಡದ ಕೈವಾಡ ಇದೆ ಎಂದು ಗುರುತಿಸಲಾಗಿದೆ. ಇದಕ್ಕೂ ಮುನ್ನ ಸಚಿನ್ ಸಹ ಆತಂಕ ವ್ಯಕ್ತಪಡಿಸಿದ್ದರು. ತನ್ನ ಮಗ ಅರ್ಜುನ್, ಮಗಳು ಸಾರಾ ತೆಂಡೂಲ್ಕರ್ ಸಾಮಾಜಿಕ ಖಾತೆಗಳು ಇಲ್ಲ. ಆ ಹೆಸರುಗಳಿಂದ ಏನಾದರೂ ಪೋಸ್ಟ್ ಆದರೆ ನಂಬಬೇಡಿ ಎಂದು ಸಚಿನ್ ವಿನಂತಿಸಿಕೊಂಡಿದ್ದು ಗೊತ್ತೇ ಇದೆ.