ಟಾಲಿವುಡ್ ಆಯಿತು ಈಗ ಕಾಲಿವುಡ್‌ಗೆ ನಭಾ ನಟೇಶ್ ಪದಾರ್ಪಣೆ

ಕನ್ನಡದ ವಜ್ರಕಾಯ, ಲೀ ಸಿನಿಮಾಗಳಲ್ಲಿ ಅಭಿನಯಿಸಿರುವ ನಟಿ ನಭಾ ನಟೇಶ್ ಈಗ ಕಾಲಿವುಡ್‍ಗೆ ಪದಾರ್ಪಣೆ ಮಾಡಲಿದ್ದಾರೆ. ಟಾಲಿವುಡ್‌ನಲ್ಲಿ ನಭಾ ನಟನೆಯ 'ಇಸ್ಮಾರ್ಟ್ ಶಂಕರ್' ಸಿನಿಮಾ ಹಿಟ್ ಆಗಿದ್ದು ಇದೀಗ ಕಾಲಿವುಡ್‍ಗೂ ಅಡಿಯಿಟ್ಟಿದ್ದಾರೆ.

ತೆಲುಗಿನ 'ನನ್ನು ದೋಚುಕುಂದುವಟೆ' ಚಿತ್ರದ ಮೂಲಕ ಟಾಲಿವುಡ್‌ನಲ್ಲಿ ಬಣ್ಣ ಹಚ್ಚಿದ ನಭಾ ಅಭಿನಯದ 'ಇಸ್ಮಾರ್ಟ್ ಶಂಕರ್' ಸಿನಿಮಾಗೆ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ನಭಾ ತಮ್ಮ ಅಭಿಮಾನಿಗಳೊಂದಿಗೆ ಚಿಟ್ ಚಾಟ್ ಸಹ ಮಾಡಿದ್ದಾರೆ.

ಈ ಸಂದರ್ಭದಲ್ಲಿ ಕಾಲಿವುಡ್ ಅಭಿಮಾನಿಗಳು ತಮಿಳು ಸಿನಿಮಾದಲ್ಲಿ ಯಾವಾಗ ಅಭಿನಯಿಸುತ್ತೀರಾ ಎಂದು ಕೇಳಿದ್ದಾರೆ. ಇದಕ್ಕೆ ಉತ್ತರಿಸಿರುವ ಅವರು, "ಸಿನಿಮಾ ಒಂದರಲ್ಲಿ ಅಭಿನಯಿಸಲು ಸಹಿ ಹಾಕಿದ್ದೇನೆ. ಶೀಘ್ರದಲ್ಲೇ ಅಧಿಕೃತ ಮಾಹಿತಿಯನ್ನು ನಿರ್ಮಾಣ ಸಂಸ್ಥೆ ಪ್ರಕಟಿಸಲಿದೆ. ತಮಿಳು ಪ್ರೇಕ್ಷಕರನ್ನು ಶೀಘ್ರ ಭೇಟಿಯಾಗುತ್ತೇನೆ" ಎಂದಿದ್ದಾರೆ. [ಡಿಸ್ಕೋ ರಾಜನಿಗೆ ಜತೆಯಾದ ನಭಾ ನಟೇಶ್‌, ತಾನ್ಯಾ]

ಕಾಲಿವುಡ್‌ನ ಖ್ಯಾತ ನಟರೊಬ್ಬರ ಜತೆಗೆ ನಭಾ ನಟಿಸಲಿದ್ದಾರೆ ಎನ್ನಲಾಗಿದೆ. ಆ ಹೀರೋ ಯಾರು? ಏನು ಎತ್ತ ಎಂಬಿತ್ಯಾದಿ ಪ್ರಶ್ನೆಗಳಿಗೆ ಶೀಘ್ರದಲ್ಲೇ ಉತ್ತರ ಸಿಗಲಿದೆ. ತೆಲುಗಿನಲ್ಲಿ ರವಿತೇಜ ಜತೆಗಿನ 'ಡಿಸ್ಕೋ ರಾಜ' ಸಿನಿಮಾ ಚಿತ್ರೀಕರಣ ಹಂತದಲ್ಲಿದೆ. [ನಭಾ ನಟೇಶ್ ಮೈಮೇಲೆ ಬಿಯರ್ ಚೆಲ್ಲಿದ ರಾಮ್ ಗೋಪಾಲ್ ವರ್ಮಾ!]