ಮಧ್ಯರಾತ್ರಿಯಿಂದಲೇ ನಟಸಾರ್ವಭೌಮ ಆರ್ಭಟ ಶುರು

ಪವನ್‌ ಒಡೆಯರ್‌ ಆ್ಯಕ್ಷನ್‌ ಕಟ್‌ ಹೇಳಿರುವ ನಟ ಸಾರ್ವಭೌಮ ಚಿತ್ರದ ಮೊದಲ ಶೋ ಬೆಂಗಳೂರಿನ ಕೆಲ ಚಿತ್ರಮಂದಿರಗಳಲ್ಲಿ ಮಧ್ಯರಾತ್ರಿ 12ಕ್ಕೆ ಆಗಲಿದೆ.

ಕ್ಲಾಸ್‌ ಮತ್ತು ಮಾಸ್‌ ಅಭಿಮಾನಿಗಳನ್ನು ಹೊಂದಿರುವ ಪುನೀತ್‌ರಾಜ್‌ಕುಮಾರ್‌ ಅವರ ಕರಿಯರ್‌ನಲ್ಲಿ ಮಧ್ಯರಾತ್ರಿ 12ಕ್ಕೆ ಪ್ರದರ್ಶನಗೊಳ್ಳುತ್ತಿರುವ ಮೊದಲ ಚಿತ್ರ ಇದಾಗಿದೆ. ಈಗಾಲೇ ಬೆಂಗಳೂರಿನ ಊರ್ವಶಿ ಚಿತ್ರಮಂದಿರದ ಬೆಳಗಿನ 4 ಗಂಟೆಯ ಶೋದ ಎಲ್ಲ ಟಿಕೇಟುಗಳನ್ನು ಒಬ್ಬನೇ ಅಭಿಮಾನಿ ಕೊಂಡುಕೊಂಡಿದ್ದಾರೆ. ಈ ಬಗ್ಗೆ ಪುನೀತ್‌ ಸಹ ಸಂತಸ ಮತ್ತು ಆ ಅಭಿಮಾನಿಗೆ ಧನ್ಯವಾದ ಅರ್ಪಿಸಿದ್ದರು.ಈಗ ಸಿಕ್ಕಿರುವ ಮಾಹಿತಿ ಎಂದರೆ ಸಿನಿಮಾದ ಪ್ರದರ್ಶನ ಗುರುವಾರ ಮಧ್ಯರಾತ್ರಿ 12ಕ್ಕೆ ಆರಂಭವಾಗುತ್ತದೆ.

ವಿಶೇಷ ಎಂದರೆ 12ರಿಂದ ಮರುದಿನ ರಾತ್ರಿ 12ರವರೆಗೆ ಶೋ ನಡೆಯಲಿದೆ. ಈಗಾಗಲೇ ಇದರ ಬುಕ್ಕಿಂಗ್‌ಗಳು ಆರಂಭವಾಗಿದ್ದು, ಜನ ಮುಗಿಬಿದ್ದು ಟಿಕೇಟ್‌ ಖರೀದಿಸುತ್ತಿದ್ದಾರೆ. ದಕ್ಷಿಣ ಭಾರತದ ಇತಿಹಾಸದಲ್ಲಿಯೇ ಬರೋಬ್ಬರಿ 24 ಗಂಟೆಗಳ ಕಾಲ ಪ್ರದರ್ಶನ ಕಾಣಲಿರುವ ಮೊದಲ ಚಿತ್ರ ನಟಸಾರ್ವಭೌಮ ಆಗಲಿದೆ. ಈ ಸಿನಿಮಾದಲ್ಲಿ ಪುನೀತ್‌ ಫೋಟೋ ಜರ್ನಲಿಸ್ಟ್‌ ರೋಲ್‌ನಲ್ಲಿ ಮಿಂಚಿದ್ದಾರೆ. ಪುನೀತ್‌ಗೆ ರಚಿತಾ ರಾಮ್‌ ಮತ್ತು ಅನುಪಮಾ ಪರಮೇಶ್ವರನ್‌ ಜೋಡಿಯಾಗಿದ್ದಾರೆ.