ಇತ್ತೀಚೆಗೆ ಮಂಗಳೂರು ಚೆಲುವೆ ಅನುಷ್ಕಾ ಶೆಟ್ಟಿ ಕನ್ನಡದಲ್ಲಿ ಅವರ ತಾಯಿಗೆ ಹುಟ್ಟುಹಬ್ಬದ ಶುಭಾಶಯ ತಿಳಿಸಿದ್ದು ಭಾರಿ ವೈರಲ್ ಆಗಿತ್ತು. ಪರಭಾಷಾ ಚಿತ್ರಗಳಲ್ಲಿ ಮಿಂಚುತ್ತಿದ್ದರೂ ಕನ್ನಡ ಭಾಷೆ ಮರೆಯದಿರುವ ಬಗ್ಗೆ ನೆಟ್ಟಿಗರಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗಿತ್ತು. ಆದರೆ ಈಗ ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್ ಒಂದೇ ಒಂದು ಕನ್ನಡ ಪದ ಮಾತನಾಡದೆ ಇಂಗ್ಲಿಷ್‌ನಲ್ಲಿ ಮಾತನಾಡಿ ಹಂಚಿಕೊಂಡಿರುವ ವಿಡಿಯೊ ಬಗ್ಗೆ ನೆಟ್ಟಿಗರಿಂದ ಭಾರಿ ಆಕ್ಷೇಪ ವ್ಯಕ್ತವಾಗಿದೆ.

ಇತ್ತೀಚೆಗೆ ಯಶ್ ಮತ್ತವರ ಪತ್ನಿ ರಾಧಿಕಾ ಪಂಡಿತ್ ತಮ್ಮ ಮಗಳಿಗೆ ಸಿಕ್ಕಿರುವ ಉಡುಗೊರೆ ಬಗ್ಗೆ ಮಾತನಾಡಿದ್ದಾರೆ. ಈ ಉಡುಗೊರೆಯನ್ನು ರಾಧಿಕಾರ ಮೇಕಪ್ ಮ್ಯಾನ್ ಪ್ರಶಾಂತ್ ನೀಡಿದ್ದಾರೆ. ತಮ್ಮ ಮಗಳು ಐರಾಗೆ ನೀಡಿರುವ ಸುಂದರವಾದ ಉಡುಗೊರೆ ಬಗ್ಗೆ ಸಾಕಷ್ಟು ಮಾತನಾಡಿದ್ದಾರೆ. ಆದರೆ ಆ ವಿಡಿಯೊದಲ್ಲಿ ಎಲ್ಲೂ ಕನ್ನಡದ ಸುಳಿವಿಲ್ಲದಿರುವ ಬಗ್ಗೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಕನ್ನಡ ಮರೆತೆ ಯಶ್ ಮತ್ತು ರಾಧಿಕಾರಿಗೆ ನೆಟ್ಟಿಗರ ತರಾಟೆ ಹೇಗೆಲ್ಲಾ ತರಾಟೆಗೆ ತೆಗೆದುಕೊಂಡಿದ್ದಾರೆ ಅಂತ ನೋಡಿ. "ನ್ಯಾಷನಲ್ ಸ್ಟಾರ್ ಆದರೆ ಕನ್ನಡ ಜನರೇ ಅಲ್ವೆ ಆ ಪಟ್ಟದ ಸ್ಟಾರ್ ಮಾಡಿದ್ದು ಬ್ರದರ್.... ಮರ ಎಷ್ಟೇ ದೊಡ್ಡದಾಗಿ ಬೆಳೆದ್ರು ಅದರು ಬೇರು ಭೂಮಿ ಮೇಲೆ ಇರಬೇಕು ಅನ್ನೋದು ನನ್ನ ಅಭಿಪ್ರಾಯ ಅಷ್ಟೆ....... "
ಪುರಿ ಜಗನ್ನಾಥ್ ಜತೆ ರಾಖಿ ಭಾಯ್ ಯಶ್ ಬಹುಭಾಷಾ ಚಿತ್ರ
"ತಾವೀಗ ಇಂಟರ್ನ್ಯಾಷನಲ್ ಸ್ಟಾರ್ ಅಂತ ಗೊತ್ತು ಸಾರ್ ನೀವು ಕನ್ನಡ ಮಾತ್ರ ಮಾತನಾಡಿ ಅಂತ ಕೇಳ್ತಾ ಇಲ್ಲ. ಕನ್ನಡಾನೂ ಸ್ವಲ್ಪ ಮಾತಾಡಿ ಅಂತ ಕೇಳ್ತಿದ್ದೀವಿ ಅಷ್ಟೇ 😅😅"

"ಅಣ್ಣತಮ್ಮ ಅಂತ ಯಾವುದೇ ಸ್ಟೇಜ್ ಮೇಲೆ ಮಾತು ಶುರು ಮಾಡೋ ನೀವು ಇವತ್ತು ಏನು ಇವತ್ತಿನ ವಿಡಿಯೋ ದಲ್ಲಿ ಕನ್ನಡ ದ ಅಣ್ಣ ತಮ್ಮ ಯಾರು ನಿಮಗೆ ನೆನಪು ಆಗ್ಲಿಲ್ಲ ಅಲ್ವಾ ನಿಮ್ಮ ಅಣ್ಣತಮ್ಮ ರು ಎಲ್ಲರೂ ನಿಮ್ಮಷ್ಟು ಇಂಗ್ಲಿಷ್ ಪಂಡಿತರಲ್ಲ ಸ್ವಾಮಿ ಅವರಿಗೆಲ್ಲ ಆಸೆ ಇರಲ್ವ ನಮ್ಮ ಹೀರೋ ಏನೋ ಹೇಳ್ತಾ ಇದ್ದಾರೆ ಅದು ನಮಗೂ ಗೊತ್ತಾಗಬೇಕು ಖುಷಿ ಪಡಬೇಕು ಅಂತ... ನೀವೇ ಒಂದು ಸಾರಿ ಯೋಚ್ನೆ ಮಾಡಿ ಈ ವಿಡಿಯೋ ನಮ್ಮ ಕನ್ನಡದ ಅಭಿಮಾನಿಗಳಿಗೆ ಇಷ್ಟ ಆಯ್ತಾ ಆಗಿಲ್ವ ಅನ್ನೋದು."

"ಮೇಡಂ ಯಶ್ ಅವ್ರು ರಾಷ್ಟ್ರೀಯ ನಟ ಇಂಗ್ಲಿಷ್ ಮಾತಾಡುದ್ರು ನಡೆಯುತ್ತೆ. ನೀವು ಕನ್ನಡ ನಟಿ ನಿಮ್ ಫ್ಯಾನ್ ಬೇಸ್ ಕೂಡ ರಾಜ್ಯದಲ್ಲಿ ಇರೋದು. ದಯವಿಟ್ಟು ಕನ್ನಡ ಮಾತಾಡಿ ಮರ್ಯಾದೆ ಏನು ಹೋಗೋಲ್ಲ. ಇದು ನಮ್ಮ ಕಳಕಳಿ ಅಷ್ಟೇ".