ಹೆಣ್ಣೆ ನಿನ್ನ ಅಂದ ನೋಡಿ ನಾನಾದೆ ಹುಚ್ಚ

ಸ್ಯಾಂಡಲ್‌ವುಡ್‌ಗೆ ಸೆಡ್ಡು ಹೊಡೆಯುತ್ತಿರುವ ದಕ್ಷಿಣ ಕನ್ನಡ ಭಾಗದ ಯುವಕರು ಇದೀಗ ಮತ್ತೊಂದು ನೂತನ ಪ್ರಯೋಗದಲ್ಲಿ ಸಕ್ಸಸ್ ಕಂಡಿದ್ದಾರೆ.

ಪವರ್ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ನಟನೆಯ ರಾಜಕುಮಾರ ಚಿತ್ರದ 'ಬೊಂಬೆ ಹೇಳುತೈತೆ' ಹಾಡಿನ ರೊಮ್ಯಾಂಟಿಕ್ ತುಳು ವರ್ಷನ್ ಬಿಡುಗಡೆಗೊಂಡಿದೆ.


'ಜೋಕುಲಾಟಿಕೆ ಫ್ರೆಂಡ್ಸ್‌' ಅರ್ಪಿಸಿರುವ 'ಮೋಕೆದ ಚಿಗ್‌ರ್‌' ಎಂಬ ಯೂಟ್ಯೂಬ್‌ ವೀಡಿಯೊ ಆಲ್ಬಮ್‌ನಲ್ಲಿ ಹರ್ಷಿತ್‌ ಶೆಟ್ಟಿ ಹಾಗೂ ಸ್ವಾತಿ ಹೆಗ್ಡೆ ನಟಿಸಿದ್ದು, ಬೊಂಬೆ ಹೇಳುತೈತೆ ಹಾಡಿನ ಹಿನ್ನೆಲೆಯಲ್ಲಿ 'ಪೊಣ್ಣೆ ಈಯೆ ಪೊರ್ಲು ತೂದು ಯಾನ್‌ ಮಾರ್ಲ್‌ (ಹೆಣ್ಣೇ ನಿನ್ನ ಚಂದ ನೋಡಿ ನಾನಾದೆ ಹುಚ್ಚ) ಲಿರಿಕ್ಸ್‌ನೊಂದಿಗೆ ಆರಂಭವಾಗುತ್ತದೆ.



ಈಗಾಗಲೇ ಈ ಹಾಡು ದಕ್ಷಿಣ ಕನ್ನಡ ಹಾಗೂ ತುಳುವರಲ್ಲಿ ಹೊಸ ಸಂಚಲನವನ್ನೇ ಮೂಡಿಸಿದ್ದು, ಕಾಲೇಜ್ ಯೂತ್ಸ್‌ ಈ ಹಾಡನ್ನು ಇಷ್ಟಪಡುತ್ತಿದ್ದಾರೆ.

ಮಹೇಶ್‌ ಶೆಟ್ಟಿ ಮತ್ತು ಶ್ರೀಕಾಂತ್‌ ನಾಯಕ್‌ ನಿರ್ದೇಶನದಲ್ಲಿ ಮೂಡಿ ಬಂದಿರುವ ಈ ಹಾಡಿನ್ನು ಸ್ವತಃ ಮಹೇಶ್‌ ಶೆಟ್ಟಿಯವರೇ ಬರೆದ್ದು, ಕೃಷ್ಣ ಅಂಬಲಪಾಡಿ ಈ ವೀಡಿಯೋವನ್ನು ನಿರ್ಮಿಸಿದ್ದಾರೆ. ದೇವಿ ಪ್ರಸಾದ್‌ ಈ ಹಾಡಿಗೆ ಕೊರಿಯೊಗ್ರಫಿ ಮಾಡಿದ್ದಾರೆ.



ಸದ್ಯ ಈ ವೀಡಿಯೊ ಜತೆಗೆ ಹಾಟ್‌ ಟಾಪಿಕ್‌ ಆಗಿರುವುದು ಇದರಲ್ಲಿ ನಟಿಸಿರುವ ಸ್ವಾತಿ ಹೆಗ್ಡೆ ಹಾಗೂ ಹರ್ಷಿತ್‌. ಸಹ್ಯಾದ್ರಿ ಕಾಲೇಜಿನಲ್ಲಿ ಅಂತಿಮ ವರ್ಷದ ಎಂಜಿನಿಯರಿಂಗ್‌ ಕಲಿಯುತ್ತಿರುವ ಸ್ವಾತಿ ಹೆಗ್ಡೆ, ಕಲರ್ಸ್‌ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಯಶೋದ, ಶಾಂತಂಪಾಪಂ, ಮೈನಾ, ಮುಂತಾದ ಧಾರಾವಾಹಿಗಳಲ್ಲಿ ನಟಿಸಿದ್ದು, ಈ ಅಲ್ಬಮ್‌ ಮೂಲಕ ಈ ಚೆಲುವೆ ತುಳುನಾಡ ಹುಡುಗರ ಮನಸ್ಸಿಗೂ ಲಗ್ಗೆಯಿಟ್ಟಿದ್ದಾರೆ.



ಮತ್ತೊಬ್ಬ ನಟ ಹರ್ಷಿತ್‌ ಕೂಡಾ ಸಹ್ಯಾದ್ರಿ ಕಾಲೇಜಿನಲ್ಲೇ ಕಲಿತು ಕೋಸ್ಟಲ್‌ವುಡ್‌ನಲ್ಲಿ ತಮ್ಮ ಪ್ರತಿಭೆಯನ್ನು ಹೊರಹಾಕುತ್ತಿದ್ದಾರೆ. ಸಾದಿ ಎಂಬ ಕಿರುಚಿತ್ರದಲ್ಲೂ ನಟಿಸಿರುವ ಹರ್ಷಿತ್‌, ನಿರೂಪ್‌ ಭಂಡಾರಿ ನಿರ್ದೇಶನದ ರಾಜರಥದಲ್ಲೂ ನಟಿಸಿದ್ದಾರಂತೆ.