ಏಕ್‌ ಲವ್‌ ಯಾ ಚಿತ್ರಕ್ಕೆ ಕೊಡಗಿನ ಬೆಡಗಿ

ಪ್ರೇಮ್‌ ನಿರ್ದೇಶನದ ಹೊಸ ಚಿತ್ರ 'ಏಕ್‌ ಲವ್‌ ಯಾ'ಗೆ ಕೊಡಗಿನ ಹೊಸ ಹುಡುಗಿ ಎಂಟ್ರಿ ಕೊಟ್ಟಿದ್ದಾರೆ. ರೀಷ್ಮಾ ನಾನಯ್ಯ ನಾಯಕಿಯಾಗಿ ಆಯ್ಕೆಯಾಗಿ, ಈ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಡುತ್ತಿದ್ದಾರೆ.

ರಕ್ಷಿತಾ ಪ್ರೇಮ್‌ ಸೋದರ ರಾಣಾ ಚಿತ್ರದ ನಾಯಕ. ಇದು ಇವರಿಗೆ ಮೊದಲ ಚಿತ್ರ ಕೂಡಾ. ಈಗಾಗಲೇ ಚಿತ್ರೀಕರಣ ಪ್ರಾರಂಭವಾಗಿದ್ದು, ನಟಿ ರಚಿತಾ ರಾಮ್‌ ಕೂಡಾ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಈಗ ಹೊಸ ನಟಿಯೊಬ್ಬರ ಎಂಟ್ರಿಯಾಗಿದೆ. ಕೊಡಗಿನಿಂದ ಮತ್ತೊಬ್ಬ ಸುಂದರಿ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಡುತ್ತಿದ್ದಾರೆ. ಕನ್ನಡ ಸಿನಿಮಾಗೆ ಹೊಸಬರನ್ನು ಕರೆತರುವ ಪ್ರೇಮ್‌ ಈ ಬಾರಿಯೂ ಹೊಸ ನಟಿಯನ್ನು ಆಯ್ಕೆ ಮಾಡಿದ್ದಾರೆ.

ಕಾಲೇಜಿನಲ್ಲಿ ಓದುತ್ತಿರುವ ಹುಡುಗಿ ರೀಷ್ಮಾ ಟಿಕ್‌ಟಾಕ್‌ನಲ್ಲಿ ಟ್ರೆಂಡಿಂಗ್‌ನಲ್ಲಿದ್ದಾರೆ. ಮಾಡೆಲಿಂಗ್‌ ಕೂಡಾ ಮಾಡಿರುವ ಇವರಿಗೆ ಏಕ್‌ ಲವ್‌ ಯಾ ಸಿನಿಮಾದ ನಾಯಕಿಯಾಗಿದ್ದು ಸಿಕ್ಕಾಪಟ್ಟೆ ಖುಷಿ ಕೊಟ್ಟಿದೆಯಂತೆ. ಈಗಾಗಲೇ ನಟನೆ ತರಬೇತಿ ಪಡೆದು ಸೆಟ್‌ಗೆ ಎಂಟ್ರಿ ಕೊಡಲು ಸಜ್ಜಾಗಿದ್ದಾರೆ. ಚಿತ್ರದಲ್ಲಿ ರಚಿತಾ ಮಾಸ್‌ ಲುಕ್‌ನಲ್ಲಿ ಕಾಣಿಸಿಕೊಂಡು ಎಲ್ಲರಿಗೆ ಸರ್‌ಪ್ರೈಸ್‌ ನೀಡಲಿದ್ದಾರಂತೆ.