ಧನಂಜಯ್‌ಗೆ ನಿವೇದಿತಾ ಜೋಡಿ

ಸೂರಿ ಮುಂದಿನ ಚಿತ್ರ ಕುತೂಹಲ ಕೆರಳಿಸಿದೆ. ಚಿತ್ರದ ಟೈಟಲ್‌ ಕೂಡಾ ಎಲ್ಲರ ಕುತೂಹಲ ಕೆರಳಿಸಿದೆ. ಈಗ ಧನಂಜಯ್‌ ನಾಯಕನಾಗಿ ಆಯ್ಕೆಯಾಗಿದ್ದು, ಅವರಿಗೆ ಜೋಡಿಯಾಗಿ ನಿವೇದಿತಾ ಕಾಣಿಸಿಕೊಳ್ಳಲಿದ್ದಾರೆ.

'ಪಾಪ್‌ಕಾರ್ನ್‌ ಮಂಕಿ ಟೈಗರ್‌'ಎಂದು ಚಿತ್ರಕ್ಕೆ ಹೆಸರಿಟ್ಟಿರುವ ಸೂರಿ, ಹೊಸ ರೀತಿಯ ಕತೆಯನ್ನು ಇನ್ನೊಂದು ರೀತಿಯಲ್ಲಿ ಹೇಳಲು ಹೊರಟಿದ್ದಾರೆ. ತಮ್ಮ ವಿಶಿಷ್ಟವಾದ ನಿರೂಪಣೆಯಿಂದ ಖ್ಯಾತರಾಗಿರುವ ಸೂರಿ ಹೊಸ ಚಿತ್ರ ಈಗ ಇನ್ನೂ ಕುತೂಹಲ ಕೆರಳಿಸಿದೆ. 'ಇಂಥದ್ದೇ ಜಾನರ್‌ ಎಂದು ಹೇಳೋಕೆ ಬರೋಲ್ಲ. ಹೊಸ ರೀತಿಯ ಕತೆ, ಹೊಸ ರೀತಿಯ ನಿರೂಪಣೆ ಚಿತ್ರದಲ್ಲಿರುತ್ತೆ. ನಾವು ಸುತ್ತ ಕಾಣೋ ಹುಡುಗ ಹುಡುಗಿಯ ಕತೆ ಕುತೂಹಲಕಾರಿಯಾಗಿ ತೆರೆಗೆ ತರಬೇಕೆಂದಿದ್ದೇನೆ' ಎನ್ನುತ್ತಾರೆ ಅವರು.

ನಟಿ ನಿವೇದಿತಾ ಶುದ್ಧಿ ಚಿತ್ರದಲ್ಲಿ ನಟಿಸಿದ್ದರು. ಆದರ್ಶ ಈಶ್ವರಪ್ಪ ನಿರ್ದೇಶನದ ಈ ಚಿತ್ರ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗಮನ ಸೆಳೆದಿತ್ತು. ನಿವೇದಿತಾ ಕತೆಗೆ ಪ್ರಾಮುಖ್ಯತೆ ನೀಡುತ್ತಾರೆ. ಅಲ್ಲೊಂದು ಇಲ್ಲೋಂದು ಚಿತ್ರದಲ್ಲಿ ನಟಿಸಿದರೂ ತಮ್ಮ ಅದ್ಭುತ ನಟನೆಯಿಂದ ಮೆಚ್ಚುಗೆಗೆ ಪಾತ್ರರಾಗುತ್ತಿದ್ದಾರೆ. ಇದೀಗ ಸೂರಿ, ಧನಂಜಯ್‌ ಮತ್ತು ನಿವೇದಿತಾ ಕಾಂಬಿನೇಷನ್‌ನ ಚಿತ್ರಕ್ಕಾಗಿ ಅಭಿಮಾನಿಗಳು ಕಾಯುವಂತಾಗಿದೆ.