ಬ್ರೇಕ್‌ ಅಪ್‌ ವದಂತಿ: ನಾನ್‌ಸೆನ್ಸ್‌ ಎಂದ ರಕ್ಷಿತ್‌ ಶೆಟ್ಟಿ, ಜೋಕ್‌ ಆಫ್‌ ದಿ ಡೇ ಅಂದ ರಶ್ಮಿಕಾ

*ಹರೀಶ್‌ ಬಸವರಾಜ್‌

Vijaya Karnataka Web

ನಮ್ಮ ನಡುವೆ ಬ್ರೇಕಪ್‌ ಆಗಿದೆ ಎನ್ನುವುದು ಜೋಕ್‌ ಆಫ್‌ ದಿ ಡೇ ಮತ್ತು ನಾನ್‌ಸೆನ್ಸ್‌ ಎಂದಿದ್ದಾರೆ ರಕ್ಷಿತ್‌ ಶೆಟ್ಟಿ ಮತ್ತು ರಶ್ಮಿಕಾ ಮಂದಣ್ಣ.

ಕಳೆದ ವರ್ಷ ಎಂಗೇಜ್‌ಮೆಂಟ್‌ ಮಾಡಿಕೊಂಡಿದ್ದ ಈ ಜೋಡಿ ಈಗ ಬ್ರೇಕಪ್‌ ಮಾಡಿಕೊಂಡಿದೆ ಎಂಬ ಸುದ್ದಿ ಇತ್ತೀಚೆಗೆ ಹಬ್ಬಿತ್ತು. ಆ ವರದಿಗಳಿಗೆ ಅವರಿಬ್ಬರೂ ಹೀಗೆ ಪ್ರತಿಕ್ರಿಯಿಸಿದ್ದಾರೆ.

'ನಾವು ಮದುವೆ ಆಗುವವರೆಗೂ ಇಂಥ ಸುದ್ದಿಗಳಿಗೇನೂ ಬರವಿರುವುದಿಲ್ಲ. ಇದರ ಬಗ್ಗೆ ನಾನು ಪ್ರತಿಕ್ರಿಯೆಯನ್ನೇ ನೀಡಲು ಹೋಗುವುದಿಲ್ಲ. ಆದರೂ ನಮ್ಮಿಬ್ಬರ ನಡುವೆ ಬ್ರೇಕಪ್‌ ಆಗಿದೆ ಎನ್ನುವ ಸುದ್ದಿ, ದೊಡ್ಡ ನಾನ್‌ಸೆನ್ಸ್‌. ನಾನು ನನ್ನ ಕೆಲಸದಲ್ಲಿ ಬಿಝಿಯಾಗಿದ್ದೇನೆ. ರಶ್ಮಿಕಾ ಕೂಡ ಅವರ ಕೆಲಸದಲ್ಲಿ ಬಿಝಿಯಾಗಿದ್ದಾರೆ. ಸದ್ಯಕ್ಕೆ ನಾವು ಕೆಲಸ ಮಾತ್ರ ಮಾಡುತ್ತಿದ್ದೇವೆ. ಇಂಥ ಸುದ್ದಿಗಳಿಗೆಲ್ಲ ತಲೆ ಕೆಡಿಸಿಕೊಳ್ಳುವುದಿಲ್ಲ. ಅಲ್ಲದೇ ಸುಖಾ ಸುಮ್ಮನೆ ಈ ರೀತಿಯ ಸುದ್ದಿಗಳನ್ನು ಯಾರೂ ಹಬ್ಬಿಸಬಾರದು ಎಂದು ರಕ್ಷಿತ್‌ ಶೆಟ್ಟಿ ಮನವಿ ಮಾಡಿದ್ದಾರೆ.

'ನಾನು ರಕ್ಷಿತ್‌ ಬ್ರೇಕ್‌ ಎನ್ನುವುದು ಜೋಕ್‌ ಆಫ್‌ ದಿ ಡೇ. ಒಪ್ಪಿಕೊಂಡಿರುವ ಸಿನಿಮಾಗಳನ್ನು ಸಮಯಕ್ಕೆ ಸರಿಯಾಗಿ ಮುಗಿಸಿಕೊಡಬೇಕು ಎನ್ನುವ ತರಾತುರಿಯಲ್ಲಿ ನಾನು ಬೆಂಗಳೂರು ಮತ್ತು ಹೈದರಾಬಾದ್‌ ನಡುವೆ ಓಡಾಡುತ್ತಿದ್ದೇನೆ. ಸದ್ಯಕ್ಕೆ ನಮ್ಮ ಮನಸ್ಸಿನಲ್ಲಿ ಕೆಲಸ ಮಾತ್ರ ಇದೆ. ಇಂತಹ ಬೇಡದ ವಿಷಯಗಳಿಗೆ ನಾವು ತಲೆ ಕೆಡಿಸಿಕೊಳ್ಳುವುದಿಲ್ಲ'ಎಂದಿದ್ದಾರೆ ರಶ್ಮಿಕಾ ಮಂದಣ್ಣ.

ನಾನು ಕೆಲಸದಲ್ಲಿ ಬಿಝಿ ಇದ್ದೇನೆ. ಮೂರು ದಿನಗಳ ಹಿಂದೆಯಷ್ಟೇ ವಿಜಯ ಕರ್ನಾಟಕ ಕಿರುಚಿತ್ರೋತ್ಸವಕ್ಕೆ ಒಟ್ಟಿಗೆ ಹೋಗಿ ಬಂದಿದ್ದೇವೆ. ಆದಾದ ಮೇಲೆ ಇಂತಹ ಸುದ್ದಿ ಹಬ್ಬಿಸಿದ್ದಾರೆ. ಇದನ್ನು ಕೇಳಿ ಜೋರಾಗಿ ನಕ್ಕಿದ್ದೇನೆ.

ರಶ್ಮಿಕಾ ಮದಣ್ಣ, ನಟಿ