ವಿಕ ಕಚೇರಿಯಲ್ಲಿ ಪಂಚತಂತ್ರ ಟೀಸರ್‌ ಬಿಡುಗಡೆ

ವಿಹಾನ್‌ ಗೌಡ ಮುಖ್ಯ ಭೂಮಿಕೆಯ 'ಪಂಚತಂತ್ರ' ಸಿನಿಮಾದ ಟೀಸರ್‌ ಇಂದು ಬೆಂಗಳೂರಿನ ವಿಜಯ ಕರ್ನಾಟಕ ಕಚೇರಿಯಲ್ಲಿ ಬಿಡುಗಡೆ ಆಗಲಿದೆ. ಚಿತ್ರದ ನಿರ್ದೇಶಕ ಯೋಗರಾಜ್‌ ಭಟ್‌, ನಟ ವಿಹಾನ್‌ ಗೌಡ ಸೇರಿದಂತೆ ಚಿತ್ರತಂಡ ಕಲಾವಿದರು ಮತ್ತು ತಂತ್ರಜ್ಞರು ಆಗಮಿಸಲಿದ್ದಾರೆ.



ಈಗಾಗಲೇ ಪಂಚತಂತ್ರ ಹಾಡಿನ ಸ್ಟಿಲ್ಸ್‌ ರಿಲೀಸ್‌ ಆಗಿದ್ದು, ವಿಹಾನ್‌ ಮತ್ತು ಸೋನಲ್‌ ತುಂಬಾ ರೊಮ್ಯಾಂಟಿಕ್‌ ಆಗಿ ಕಾಣಿಸಿಕೊಂಡಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಫೋಟೋಗಳು ವೈರಲ್‌ ಕೂಡ ಆಗಿದ್ದವು. ಹಾಗಾಗಿ ಬಿಡುಗಡೆ ಆಗಲಿರುವ ಟೀಸರ್‌ ಬಗ್ಗೆ ಅಷ್ಟೇ ಕುತೂಹಲ ಮೂಡಿದೆ. ಅಂದಹಾಗೆ ಈ ಸಿನಿಮಾದಲ್ಲಿ ನಿರ್ದೇಶಕರು ಎರಡು ತಲೆಮಾರಿನ ನಡುವಿನ ಸಂಘರ್ಷದ ಕಥೆಯನ್ನು ವಿನೋದವಾಗಿ ಹೇಳಲು ಹೊರಟಿದ್ದಾರೆ. ಜತೆಗೆ ಭಟ್ಟರ ಕಚಗುಳಿ ಇಡುವ ಮಾತಿನ ಶೈಲಿ ಇದ್ದೇ ಇರುತ್ತದೆ.

ವಿಹಾನ್‌ ಗೌಡ ಸಿನಿಮಾದ ನಾಯಕನಾಗಿ ನಟಿಸಿದ್ದರೆ, ಸೋನಲ್‌ ಮಂಥೆರೋ ಮತ್ತು ಅಕ್ಷರ ಗೌಡ ನಾಯಕಿಯರು. ಚಿತ್ರದ ಬಹುತೇಕ ಶೂಟಿಂಗ್‌ ಮುಗಿದಿದೆ.