ಕರ್ನಾಟಕದಲ್ಲಿ ಮೂರು ಭಾಷೆಯಲ್ಲಿ ತೆರೆ ಕಾಣಲಿದೆ ರಜನಿ ಪೆಟ್ಟಾ

ಸೂಪರ್‌ಸ್ಟಾರ್‌ ರಜನೀಕಾಂತ್‌ ಅವರ ಮತ್ತೊಂದು ಸಿನಿಮಾ ರಿಲೀಸ್‌ಗೆ ಸಿದ್ಧವಾಗಿದೆ. ಕಾರ್ತಿಕ್‌ ಸುಬ್ಬರಾಜ್‌ ನಿರ್ದೇಶನದ 'ಪೆಟ್ಟಾ' ಸಿನಿಮಾ ಸಂಕ್ರಾತಿ ಹಬ್ಬಕ್ಕೆ ವಿಶ್ವದಾದ್ಯಂತ ರಿಲೀಸ್‌ ಆಗುತ್ತಿದ್ದು, ಕರ್ನಾಟಕದಲ್ಲೂ ಈ ಚಿತ್ರ ಮೂರು ಭಾಷೆಗಳಲ್ಲಿ ಬಿಡುಗಡೆ ಆಗುತ್ತಿದೆ. 150ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿರುವ ಚಿತ್ರದ ವಿತರಣಾ ಹಕ್ಕನ್ನು ಕರ್ನಾಟಕದಲ್ಲಿ ಕೆ.ವಿ.ಎಸ್‌ ಎಂಟರ್‌ಪ್ರೈಸಸ್ನ್‌ ಕೆ.ಸುಧಾಕರ್‌ ಮಾಡುತ್ತಿದ್ದಾರೆ.

'ಪೆಟ್ಟಾ ರಜನೀಕಾಂತ್‌ ಅವರ ವಿಭಿನ್ನ ಸಿನಿಮಾ. ಅವರ ರೆಗ್ಯುಲರ್‌ ಸ್ಟೈಲ್‌ನಲ್ಲಿ ಮೂಡಿ ಬಂದಿರುವ ಚಿತ್ರ. ಹಾಗಾಗಿ ಕರ್ನಾಟಕದಲ್ಲಿ ತೆಲುಗು, ಹಿಂದಿ ಮತ್ತು ತಮಿಳು ಭಾಷೆಗಳಲ್ಲಿ ನಾನು ರಿಲೀಸ್‌ ಮಾಡುತ್ತಿದ್ದೇನೆ. ಇದೊಂದು ವಿಶೇಷ ಸಿನಿಮಾ ಎಂದು ಹೇಳುವುದಕ್ಕೆ ಇಷ್ಟಪಡುತ್ತೇನೆ' ಎಂದರು ಕೆ.ಸುಧಾಕರ್‌.

ಈಗಾಗಲೇ ಸಿನಿಮಾ ಹೊಸ ಸೆನ್ಸೇಷನ್‌ ಕ್ರಿಯೇಟ್‌ ಮಾಡಿದೆ. ಸಿನಿಮಾದ ಪೋಸ್ಟರ್‌ಗೆ ವಿಶ್ವವೇ ಫಿದಾ ಆಗಿದೆ. ಗಿರಿಜಾ ಮೀಸೆಯೊಂದಿಗೆ ನಗುವ ಸೂಪರ್‌ ಸ್ಟಾರ್‌ ಟ್ರೇಲರ್‌ಗೆ ಅಭಿಮಾನಿಗಳು ಕುಣಿದು ಕುಪ್ಪಳಿಸಿದ್ದಾರೆ. ರಜನಿ ಜತೆಗೆ ಸಿಮ್ರಾನ್‌, ತ್ರಿಷಾ ಕೃಷ್ಣನ್‌ ಹಾಗೂ ವಿಜಯ್‌ ಸೇತುಪತಿ ಕೂಡ ಪ್ರಮುಖ ಪಾತ್ರ ಮಾಡಿದ್ದಾರೆ.