ಧ್ರುವ ಸರ್ಜಾ ಕಾರು ಅಪಘಾತದ ಸುದ್ದಿ ಬಗ್ಗೆ ಸ್ಪಷ್ಟನೆ ಕೊಟ್ಟ 'ಪೊಗರು' ನಿರ್ದೇಶಕ

'ಪೊಗರು' ಚಿತ್ರದ ಹೀರೋ ಧ್ರುವ ಸರ್ಜಾ ಕಾರು ಅಪಘಾತಕ್ಕೀಡಾಗಿದೆ. ಬೆಳಗ್ಗೆ ಈ ಘಟನೆ ನಡೆದಿದೆ.
ಪೊಗರು ಚಿತ್ರದ ಶೂಟಿಂಗ್ ಮುಗಿಸಿ ಬಳ್ಳಾರಿಯಿಂದ ಬೆಂಗಳೂರಿಗೆ ಹಿಂತಿರುವಾಗ ಈ ಘಟನೆ ನಡೆದಿದೆ. ಧ್ರುವ ಸರ್ಜಾ ಅವರಿಗೂ ಏನೂ ಆಗಿಲ್ಲ ಚಿತ್ರತಂಡ ತಿಳಿಸಿವೆ.
ಪೊಗರು ಅಡ್ಡದಲ್ಲಿಫ್ರೆಂಚ್‌ ಬಾಡಿ ಬಿಲ್ಡರ್‌

'ಪೊಗರು' ಚಿತ್ರಕ್ಕೆ ನಂದ್‌ಕಿಶೋರ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರದ ಚಿತ್ರೀಕರಣ ಕೊನೆಯ ಹಂತದಲ್ಲಿದ್ದು, ಕಳೆದ ಹದಿನೈದು ದಿನಗಳಿಂದ ನಾಯಕನಟ ಧ್ರುವಸರ್ಜಾ ಮತ್ತು ಚಿತ್ರತಂಡ ಬಳ್ಳಾರಿಯಲ್ಲಿ ಬೀಡುಬಿಟ್ಟಿತ್ತು. ಇಂದು ಮುಂಜಾನೆ 3ಗಂಟೆಗೆ ಶೂಟಿಂಗ್ ಮುಗಿಸಿ ಫೋರ್ಡ್ ಫಿಯೆಸ್ಟಾ ಕಾರ್‌ನಲ್ಲಿ ಸ್ನೇಹಿತರೊಂದಿಗೆ ಮರಳುತ್ತಿದ್ದರು. ಆ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.
"ಬಳ್ಳಾರಿಯಲ್ಲಿ ತುಂಬ ಲಾರಿಗಳು ಓಡಾಡುತ್ತವೆ. ಟ್ರಾಫಿಕ್ ಕೂಡ ಜಾಸ್ತಿ. ಯಾರೋ ಒಬ್ಬ ಓವರ್‌ಟೇಕ್ ಮಾಡೋದಕ್ಕೆ ಹೋಗಿ ಧ್ರುವ ಅವರ ಕಾರಿನ ಇಂಜಿನ್ ಟಚ್ ಆಗಿದೆ ಅಷ್ಟೇ. ಧ್ರುವ ಸರ್ಜಾ ಅವರಿಗೆ ಏನೂ ಆಗಿಲ್ಲ, ಇದು ತುಂಬ ಚಿಕ್ಕ ಘಟನೆ" ಎಂದು ಪೊಗರು ಚಿತ್ರದ ನಿರ್ದೇಶಕ ನಂದಕಿಶೋರ್ ವಿಜಯಕರ್ನಾಟಕ ವೆಬ್‌ಸೈಟ್ ಜೊತೆ ಮಾತನಾಡಿದ್ದಾರೆ.
ಧ್ರುವ ಸರ್ಜಾ ಇಷ್ಟೊಂದು 'ಪೊಗರು' ತೋರಿಸೋಕೆ ಇವರೇ ಕಾರಣ!!!

ಜೊತೆಗೆ ಪೊಗರು ಚಿತ್ರದ ಬಗ್ಗೆ ಹಾಗೂ ಧ್ರುವ ಅವರ ಜೊತೆಗಿನ ಮುಂದಿನ ಸಿನಿಮಾದ ಬಗ್ಗೆ ವಿಶೇಷ ಅಪ್‌ಡೇಟ್ಸ್‌ನ್ನು ಅಕ್ಟೋಬರ್ 6ಕ್ಕೆ ಧ್ರುವ ಸರ್ಜಾ ಹುಟ್ಟುಹಬ್ಬದ ಪ್ರಯುಕ್ತ ನೀಡುತ್ತೇವೆ ಎಂದು ನಂದಕಿಶೋರ್ ಹೇಳಿದ್ದಾರೆ. ಪೊಗರು ಚಿತ್ರಕ್ಕೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸಿದ್ದಾರೆ.