ದುನಿಯಾ ವಿಜಿಗೆ ಇನ್ನೆರಡು ದಿನ ಜೈಲೇ ಗತಿ

ಬೆಂಗಳೂರು: ಹಲ್ಲೆ ಮತ್ತು ಕಿಡ್ನಾಪ್ ಪ್ರಕರಣದಲ್ಲಿ ಜೈಲು ಸೇರಿರುವ ದುನಿಯಾ ವಿಜಯ್‌ ಅವರ ಜಾಮೀನು ಅರ್ಜಿ ನಿರಾಕರಿಸಿರುವ ನ್ಯಾಯಾಧೀಶರು ತೀರ್ಪನ್ನು ಸೆ. 26 ಕ್ಕೆ ಕಾಯ್ದಿರಿಸಿದ್ದಾರೆ.

ದುನಿಯಾ ವಿಜಯ್‌ ಹಾಗೂ ಸಹಚರರು ಗಾಂಜಾ ಸೇವಿಸಿದ್ದರು ಎಂಬ ಮಾಹಿತಿ ಇದೆ, ಅವರ ರಕ್ತವನ್ನು ಪರೀಕ್ಷೆಗೆ ಕಳುಹಿಸಲಾಗಿದೆ, ಆದ್ದರಿಂದ ಈಗಲೇ ಜಾಮೀನು ಮಂಜೂರು ಮಾಡಬೇಡಿ ಎಂದು ಹೈಗ್ರೌಂಡ್ಸ್ ಪೊಲೀಸರು ನ್ಯಾಯಾಧೀಶರ ಬಳಿ ಮನವಿ ಮಾಡಿದ್ದರು.

ಆರೋಪಿಯು ಪದೇ-ಪದೇ ಈ ರೀತಿ ಗಲಾಟೆ ಮಾಡಿ, ನಂತರ ಮೂರು ಬಾರಿ ಬೇಲ್‌ ಪಡೆದಿದ್ದಾರೆ, ಈ ಬಾರಿಯೂ ಜಾಮೀನು ಸಿಕ್ಕರೆ ಕಾನೂನಿನ ಮೇಲೆ ಭಯ ಹೋಗುತ್ತೆ, ಅಲ್ಲದೆ ಆರೋಪಿ ಪ್ರಭಾವಿ ವ್ಯಕ್ತಿ ಆಗಿರುವುದರಿಂದ ಸಾಕಷಿ ನಾಶ ಮಾಡುವ ಸಾಧ್ಯತೆ ಇದೆ, ವಿಚಾರಣೆಗೆ ಕರೆಸಿದಾಗ ಕೂಡ ಪೊಲೀಸ್ ಠಾಣೆಯ ಮುಂದೆ ದೊಡ್ಡ ಗಲಾಟೆ ಮಾಡಿದ್ದಾನೆ, ಈ ಎಲ್ಲಾ ಅಂಶ ಪರಿಗಣಿಸಿ ಜಾಮೀನು ನೀಡದಂತೆ ಆಕ್ಷೇಪಣೆ ಸಲ್ಲಿಸಿದ್ದರು.