ಕೆಜಿಎಫ್‌ ಟ್ರೇಲರ್‌ ನೋಡಿ ಮೆಚ್ಚಿಕೊಂಡ ಪ್ರಭಾಸ್‌

ಬಾಹುಬಲಿ ಸಿನಿಮಾ ಮೂಲಕ ದೊಡ್ಡ ಹೆಸರು ಮಾಡಿದ ನಟ ಪ್ರಭಾಸ್‌ ಈಗ ಕೆಜಿಎಫ್‌ ಸಿನಿಮಾದ ಟ್ರೇಲರ್‌ ನೋಡಿ ಮೆಚ್ಚಿಕೊಂಡು ಯಶ್‌ ಅವರನ್ನು ಭೇಟಿ ಮಾಡಿದ್ದಾರೆ.

ಈಗಾಗಲೇ ಹಿಂದಿ, ತಮಿಳು ಭಾಷೆಗಳಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿರುವ ಯಶ್‌ ಅವರ ಕೆಜಿಎಫ್‌ ಚಿತ್ರವನ್ನು ಬಾಲಿವುಡ್‌ ನಟ ಫರ್ಹಾನ್‌ ಅಖ್ತರ್‌ ಹಿಂದಿಯಲ್ಲಿ ವಿತರಣೆ ಮಾಡುತ್ತಿದ್ದಾರೆ. ಈ ಸಿನಿಮಾ ಸೋಷಿಯಲ್‌ ಮೀಡಿಯಾದಲ್ಲಿ ಎಬ್ಬಿಸಿರುವ ಹಲ್‌ಚಲ್‌ಗೆ ಬಾಹುಬಲಿ ಪ್ರಭಾಸ್‌ ಬೆರಗಾಗಿದ್ದು, ಸ್ವತಃ ಅವರೇ ಮುಂಬಯಿಯಲ್ಲಿ ಯಶ್‌ ಅವರನ್ನು ಭೇಟಿ ಮಾಡಿ ಇಬ್ಬರೂ ಜತೆಗೆ ಊಟ ಮಾಡಿದ್ದಾರೆ. ಕೆಜಿಎಫ್‌ ಸಿನಿಮಾ ಮೇಕಿಂಗ್‌ ಬಗ್ಗೆ ಮಾತನಾಡಿರುವ ಪ್ರಭಾಸ್‌, ಸಿನಿಮಾಗೆ ಆಲ್‌ದಿ ಬೆಸ್ಟ್‌ ಹೇಳಿದ್ದಾರೆ.