ಎನ್‌ಆರ್‌ಐ ಆದ ಪ್ರಜ್ವಲ್‌ ದೇವರಾಜ್

ನಟ ಪ್ರಜ್ವಲ್‌ ದೇವರಾಜ್‌ ಈಗ ಎನ್‌ಆರ್‌ಐ. ಹೊಸ ಚಿತ್ರಕ್ಕೆ ಸಹಿ ಮಾಡಿದ್ದು ಈ ಚಿತ್ರದಲ್ಲಿ ಅವರು ಎನ್‌ ಆರ್‌ ಐ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಇತ್ತೀಚೆಗೆ ಲೈಫ್‌ ಜತೆ ಒಂದು ಸೆಲ್ಫಿ ಚಿತ್ರದಲ್ಲಿ ಪ್ರಜ್ವಲ್‌ ನಟಿಸಿದ್ದರು. ಪ್ರಯಾಣಿಕರ ಗಮನಕ್ಕೆ ಚಿತ್ರ ನಿರ್ದೇಶನ ಮಾಡಿದ್ದ ಮನೋಹರ್‌ ಆ್ಯಕ್ಷನ್‌ ಕಟ್‌ ಹೇಳಲಿದ್ದಾರೆ.

'ವಿದೇಶದಲ್ಲೇ ಬೆಳೆದ ಹುಡುಗ ಭಾರತಕ್ಕೆ ಬಂದಾಗ ಏನೇನು ನಡೆಯುತ್ತೆ ಅನ್ನೋದು ಚಿತ್ರದಲ್ಲಿದೆ. ಭಾರತದ ಬಗ್ಗೆ ಅವನಿಗೆ ಏನೇನೂ ಗೊತ್ತಿರಲ್ಲ. ಯಾವುದೋ ಕೆಲಸದ ಮೇಲೆ ಬಂದ ನಾಯಕ ಇಲ್ಲಿನ ವಿಚಾರಗಳು ಇಷ್ಟ ಆಗಿ ಭಾರತದಲ್ಲೇ ಉಳಿದುಕೊಳ್ತಾನೆ' ಎಂದಿದ್ದಾರೆ ನಿರ್ದೇಶಕ.

ಚಿತ್ರದ ಟೈಟಲ್‌ ಇನ್ನೂ ಅಂತಿಮಗೊಂಡಿಲ್ಲ. ನಾಯಕಿಗಾಗಿ ಹುಡುಕಾಟ ನಡೆದಿದೆ. ಜನಪ್ರಿಯ ನಟಿಯನ್ನೇ ಈ ಪಾತ್ರಕ್ಕೆ ಕರೆತರಲು ಮನೋಹರ್‌ ಆಲೋಚಿಸುತ್ತಿದ್ದಾರೆ. ಸಿನಿಮಾ ಜನವರಿಯಲ್ಲಿ ಸೆಟ್ಟೇರುವ ಸಾಧ್ಯತೆ ಇದೆ.