ಮತ್ತೆ ಒಂದಾದ ಪಿ ಸಿ ಶೇಖರ್‌ ಪ್ರಜ್ವಲ್‌

ಅರ್ಜುನ ಚಿತ್ರದ ನಂತರ ಪ್ರಜ್ವಲ್‌ ದೇವರಾಜ್‌ ಮತ್ತು ಪಿ ಸಿ ಶೇಖರ್‌ ಮತ್ತೆ ಒಂದಾಗಿದ್ದು ರೊಮ್ಯಾಂಟಿಕ್‌ ಲವ್‌ಸ್ಟೋರಿ ಮೂಲಕ ಈ ಜೋಡಿ ಪ್ರೇಕ್ಷಕರ ಎದುರು ಬರಲಿದೆ.

ಪ್ರಜ್ವಲ್‌ ದೇವರಾಜ್‌ ಸದ್ಯ ಜಂಟಲ್‌ಮ್ಯಾನ್‌, ಇನ್ಸೆಪೆಕ್ಟರ್‌ ವಿಕ್ರಮ್‌, ಅರ್ಜುನ್‌ಗೌಡ, ರುಧಿರ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಇವೆಲ್ಲವೂ ಆದ ನಂತರ ಪಿ ಸಿ ಶೇಖರ್‌ ಪ್ರಜ್ವಲ್‌ಗೆ ಸಿನಿಮಾ ಮಾಡಲಿದ್ದಾರೆ. ದಿ ಟೆರರಿಸ್ಟ್‌ ಸಿನಿಮಾದ ನಂತರ ಪಿ ಸಿ ಶೇಖರ್‌ ನಿರ್ದೇಶನ ಮಾಡುತ್ತಿರುವ ಸಿನಿಮಾ ಇದಾಗಿದೆ. ಸದ್ಯಕ್ಕೆ ಪ್ರಜ್ವಲ್‌ ಬಿಟ್ಟರೆ ಬೇರೆ ಕಲಾವಿದರ ಆಯ್ಕೆಯಾಗಿಲ್ಲ. ಅರ್ಜುನ ಸಿನಿಮಾದಲ್ಲಿ ಇವರಿಬ್ಬರ ಕಾಂಬಿನೇಶನ್‌ ವರ್ಕ್‌ ಆಗಿತ್ತು, ಹಾಗಾಗಿ ಈ ಸಿನಿಮಾ ಮೇಲೂ ಒಂದು ನಿರೀಕ್ಷೆ ಇದೆ.